2016年9月6日 星期二

[囍慶] 金花YANESS大婚 | 簡單無比快樂的婚禮


[囍慶] 金花YANESS大婚 | 簡單無比快樂的婚禮
3 SEP,2016

剛剛這個星期六係我金花姐妹YANESS寶貝的大婚之囍,因為一切從簡,婚禮上我們一直都擔當賓客角色,是非常爽的!哈哈。。。真係非常開心,一同成長,見證一個個找到對的人,那種感覺很奇妙,很快樂又不捨,我知道我們會有更多更好更開心的未來。。。
反正今天大家都處於非常輕鬆的狀態,好似參加一個派對活動一樣。哈哈!
我知道大家都好想見小圓球一面,前排實在太太太忙,唯有今日俾個驚喜YANESS帶埋小圓球出發去觀禮,小圓球係乖寶寶,不太會哭鬧,所以帶出門問題不大,哈哈!而且我有強大金花支援,全部搶住做阿媽。。。哈哈!要做就快啦。。。等小圓球有朋友可以一齊長大。除左恭喜YANESS今日我地都玩得好開心。

[日誌] | 小梳化到家 | NOBU慶生聚會


[日誌] | 小梳化到家 | NOBU慶生聚會
2 SEP, 2016

小圓球淳淳:24w4d 172days 

今日最開心係嫂子同朋友為我慶生, 同埋訂左好耐既小梳化終於都到左屋企, 實在太開心。估唔到小圓球都好喜歡媽咪所揀既禮物,因為都幾好坐幾舒服,岩哂佢剛好學習坐既時間用,又可以坐係梳化玩玩具,已經開始大個,唔願意再係baby chair乖乖訓低等待。。。我既日子越來越唔得閒,小圓球一開始學爬,我應該會每日追住跑。。。哈哈!

2016年9月2日 星期五

[慶生] 小溫太同月同日好姐妹慶祝生日 (外加三小朋友聚會)


[慶生] 小溫太同月同日好姐妹慶祝生日 (外加三小朋友聚會)
31 Aug, 2016

太耐無更新我個寶貝既近況,第時睇唔返會後悔呢加唔努力寫。。。淳淳最近肥肥白白,已~五個半月喇。。。每日見到淳淳不停地成長,有點害怕時間過得太快。每日都過得好快。夜深時間全間屋企靜哂可以快快手打一篇,最緊既我忙於掛泵,餵人奶不易,掛泵都唔容易。。。真係有血有眼淚。。。有飲過人奶既唔該好好孝順你阿娘,個老婆有餵過人奶既唔該好好錫個老婆,有時痛起上黎,真係好慘慘。。。講呢真係有排講。。。

話說我地好耐好耐無一齊開開心心咁坐埋一齊慶祝喇!以前我地係公司年年都一齊過生日架嘛,今年多埋穎穎,已經唔再係我地兩個人一齊過,以後都係一齊慶祝三個人生日~哈哈!一年大細帶埋細佬唔容易呀,不過我鍾意,我有咩都帶埋個仔,樣樣佢都有份參與架。。。雖然帶淳淳出黎會辛苦少少,但最緊要佢係度就足夠啦!穎穎同其其知道淳淳係度好開心呀。。。仲傻豬豬到以為去淳淳屋企。。。今次出街食住飯先,下次再黎姨姨度玩啦!

2016年8月23日 星期二

[旅遊] 京都大阪五日遊 │DAY 1│ SAKURA TERRACE THE GALLERY、伏見稻荷、新福菜館拉麵、京の焼肉処 弘 木屋町店


[旅遊] 京都大阪五日遊 │ SAKURA TERRACE THE GALLERY、伏見稻荷、新福菜館、京の焼肉処 弘 木屋町店

我終於終於都去到日本喇!多謝老公百忙中都抽時間陪我去玩幾日,都係六月尾先決定日子出發,剛好暑假機票酒店都非常滿,難得就到日子就剛好遇上颱風,都好既~出發前仲驚個仔唔夠奶飲,打風班機又延誤到晚上十點先出發,可以留多日係香港陪個仔,做左人阿媽咩都諗個仔先,我終於明白係咩感覺,就算去旅行買野都係想買衫買玩具俾個仔,自己既衫都無時間去睇。今轉京都大阪之旅實在太短,好想快尐安排一下時間再去下,今次陪老公買波鞋既時間太多,搞到我永遠係首飾店、商場、蛋糕店都係過門而不入呀!平時湊個仔,旅行湊老公。

2016年8月9日 星期二

[寶寶聚會] 三一四寶寶第一次聚會


[寶寶聚會] 三一四寶寶第一次聚會
31 JULY 2016

等左今日好耐喇!今日帶左淳淳去一個小派對同一班同年同月同日出世既BB見面,講真以前碰到同月同日生日既朋友都已經覺得好有緣份,網上既集結能力真係好強大,只要搵到岩既媽媽谷就有機會碰上同一日既BB,出發前已經好期待喇~見到好多BB~淳淳出發前都算好乖好合作,飲飽奶奶就出發去會場喇!

2016年7月28日 星期四

[慶祝] 第一個父親節


[慶祝] 第一個父親節
19 JUNE 2016

自從淳淳出世之後,溫生升級做左爸爸,佢既生活變得更加忙碌,不但要分配時間去工作,仲要分配時間留係屋企,因為佢真係好忙,好多時佢只能夠放工同返工前陪伴淳淳,仲要抽時間應付下我,哈哈!我都好明白佢既辛勞,但佢從來無講過辛苦,佢為左呢個家,付出好大好大既努力,真係好欣賞佢既勤力同堅持!因為18號做左百日派對,變相今日都要安排工作,反正有7日就會忙足7日,哈哈!所以呢~第一個父親節就要等到夜晚先可以食餐飯慶祝喇!陰公豬囉~咁今日就唯有我自己單拖個仔出街啦!哈哈

一早起床換件衫衫先啦~

2016年7月20日 星期三

[慶祝] 淳淳的百日小派對


[慶祝] 淳淳的百日小派對
18 JUNE 2016

淳淳21/6先至夠一百日,不過為左方便朋友出席,改早少少係星期六度搞左個小派對。真係小小派對,媽媽我都無咩點好好準備,時間太趕急,因為係屋企樓下既會所租間房搞既,又要兩星期前先可以訂房,訂完第二日已經唔係香港,所以通知朋友或訂蛋糕、到會食物、攝影師等安排都係返到香港先搞,哈哈,有點太趕,幸好一早已經整定佈置,佈置都係靠淘寶,平靚正~好多謝我身邊最重要既家人好朋友好姐妹全部都到齊,真係好開心,多謝你地咁鍚我地呀。感激!多謝大家既來臨呀!有好多朋友都未有邀請,請見諒因為真係搞得好趕急又亂亂地~哈哈~約左邊個我先前一日記起下~


2016年7月19日 星期二

[育兒] 小溫子。THREE MONTH


[育兒] 小溫子。THREE MONTH


媽媽我真係要緊貼D去寫卜,我真係好容易忘記發生過既事。我真係好唔想忘記淳淳每日成長既任何一件小事,對我黎講每件小事都係我心中既大事,我想記低,剛好淳淳三個月前媽咪飛左轉法國,唔算係去旅行架,總之有事要做,萬般不捨得個仔,雖然短短八天先返黎香港,但返到香港時差到我嘔~放左個仔係阿媽度多兩日,辛苦到呢~仲要趕住為18號既百日派對訂東訂西,忙到都唔知每日點過~不過為左個仔幾忙都要頂硬上。

2016年6月29日 星期三

[分享] 整胎毛筆順便變成小一休光頭仔


[分享] 整胎毛筆順便變成小一休光頭仔
27 JUNE, 2016

YEAH!爸爸新買既BABY GYM登場,終於可以訓地地玩下喇!不過淳淳有點怕D公仔,呢加只係用地布同佢玩下,呢四支柱已經被消失一陣。哈哈!我要快手去買返張地墊,係地下玩佢開心D,成日訓住張HIGHCHAIR~ 佢已經唔制~真係大個仔喇下~識得反抗!

講返今日約左上門整胎毛筆呀~上門方便嘛!唔使帶隻仔走來走去,重點好熱,唔想熱親佢。呢間整胎毛筆我都係上網搵返黎既,見評論都唔錯,就決定揀呢間「愛思胎毛筆」,點解決定整胎毛筆呢?因為真係想留返份小時候既禮物俾淳淳,如果就咁留一執頭髮仔又好似無咩意思,如果變成一件物品就可以好好收藏,等佢大個送返俾佢,成件事就好似好有意義,哈哈!呢D想法好個人,真係可有可無,不過我就想留起呢份禮物,係淳淳既第一執頭髮,而且阿仔頭髮多,整筆既姐姐都話淳淳既髮量夠整六支胎毛筆!

2016年6月28日 星期二

[慶祝] 我的第一個母親節


我的第一個母親節
8 MAY 2016

淳淳既來臨真係豐富左我既生命,亦令我多左時間留在家中,學習當一位媽媽不容易,當媽媽沒有書本可以教你如何當,只有你自己去探索,將自己媽媽(即婆婆)對我既愛同照顧,一一活現套於我對淳淳既愛上面,然而我覺得自己唔算係一個合格的媽媽,還是有非常大進步空間,自從懷孕開始已經學會將很多事情看輕,小事可以不用如此執著。打從淳淳出世後我都開始佩服自己的EQ(呢一點可能老公唔覺,因為我可能對住老公就無EQ,哈!)因為有淳淳要學習更冷靜,不要方寸大亂,希望食人奶對淳淳身體較好易長肉,我決定放棄睡眠、身型(本身都肥架喇,呢加未開始減)唔理得咪咪變型,為左個仔有奶食坐月時可以勁泵湯水落肚,再不停泵奶,擔心個仔成長健康,有無訓好覺,有無唔舒服等等。。。不過我已經對自己好好,我學識放手地對工人姐姐去做,我亦好幸運暫時請左位好幫到手又鍚淳淳既姐姐,大前提我係非常非常包容工人姐姐,哈哈!反正唔好執著~對自己對人都係好事。