2018年5月24日 星期四

[旅遊] 老老友友親子遊澳門2018│


老老友友去遊行真係好好好好好好開心架!
今次係同溫生既朋友仔一齊去,其實都成日見,
所以呢兩位小朋友一見面就好開心一齊玩。
最好笑係見面就爭玩具,
唔見又會成日叫住人地個名,
真係好得意。

29 - 31 Jan , 2018

雖然短短三日兩夜,都已經好開心!
為大家留下美好回憶,媽咪會繼續為你記低你既快樂事,下一次期待帶埋妹妹一齊玩下水。
淳淳開始接近兩歲時都一樣有大家都知既Terrible two, 但對父母來說是考驗,要給更多更大既愛去俾小朋友,鬧是沒有用,亦影響自己情緒,學習大大大包容去教導自己既兒女,在教育路上我是初哥,希望自己都可以好好努力。

2018年4月26日 星期四

our second baby is coming soon Baby Doria


拍攝日子 : 14 Sep 2017

Doris 31 weeks

Halo ! 小溫太真係潛左水一年有多, 係呢一年我實在太忙, 而我又就快生第二胎喇 [打緊篇blog時已經生左五個月 :) ] 會更加更加忙, 為著家人而忙是種福氣, 所以我很享受。我發現我根本就是一個不能停下來的人。  這輩子一直忙下去就對喇 !

這次是第二次懷孕, 真係同第一胎有差別, 一是心態, 二是身型, 哈哈 ! 第一胎心情會易緊張, 第二胎會覺得忙住個仔已經唔得閒, 更加無時間去諗其他野, 所以我一切都好隨心, 不過會比較著重健康, 同好怕肥, 幸好都唔算肥左好多, 希望生完快D減返。

講返今次影相, 我都係搵返百日宴同淳淳生日時影相既靚靚Yan ip幫我影架 ! 比較喜歡她的簡潔, 感覺舒服。重點影到我好滿意呀 ! 我都好意外, 哈哈 ! 第一胎我影左攝好唔掂, 唉~ 造型又唔得, 基本上除左收相個刻睇左, 已經收得好埋, 我諗我唔想再睇返, 哈哈 ! 今次YAN幫我安排左化妝師, 我都係俾佢地化, 我無理咁多, 反而效果好好 ! 化得我都幾唔錯 ! 哈哈 ! 老公話同平時唔同樣~ 

2018年3月4日 星期日

[食譜] 香辣煮花螺


[食譜] 香辣煮花螺

其實好多食譜想分享,岩岩晚餐煮左好香好夠辣既花螺,
因為聽聞太好味,我決定分享下!哈哈



2018年2月9日 星期五

[育兒] Doria 的成長紀錄日常│3 months


[育兒] Doria 的成長紀錄日常│3 months

Halo ! 大家好 ! 已經好耐無係BLOG呢個平台出現, 最近先開始更新一下Facebook, 當我潛左水一段日子,  的確發生左好多事情, 就係我又多左位寶貝喇 ! 當媽後的朋友就知道, 嬰兒唔係想像中, 又或者玩下人地個BB咁簡單, 真係落手落腳去照顧的確不容易, 當然呢加再加多位我期待已久既寶貝女, 我的確只能用忙到一天廿四小時都不夠用, 好想好想打Blog, 我剛剛重新打返, 我十一點開始揀相, 執色, 編輯 , 都搞左三個鍾, 真係老手不再, 哈哈 ! 我已經知道時間不會回頭, 好多事都係即時做比較好,  你以為自己會追返d Blog黎打, 我都可以好肯定咁講: 無可能 ! 哈哈 ! 能夠記就記, 有時開心事要紀錄, 更可況是我對寶貝仔囡的成長紀錄。

流水式地過了一天又一天, 每天都係照飲奶、換片, 今個月開始想同大人有交流, 開始想發音, UNKOO已經聽過, 頸仔又好夠硬淨, 最鍾意人地撩佢下巴仔, 就會卡卡聲笑, 最叻用聲音去操控大人, 呢一點我屋企人話似足我, 咁唔多喊都係優點黎既, 最多有要求都係叫兩聲 : 人黎呀~~~

2016年9月6日 星期二

[囍慶] 金花YANESS大婚 | 簡單無比快樂的婚禮


[囍慶] 金花YANESS大婚 | 簡單無比快樂的婚禮
3 SEP,2016

剛剛這個星期六係我金花姐妹YANESS寶貝的大婚之囍,因為一切從簡,婚禮上我們一直都擔當賓客角色,是非常爽的!哈哈。。。真係非常開心,一同成長,見證一個個找到對的人,那種感覺很奇妙,很快樂又不捨,我知道我們會有更多更好更開心的未來。。。
反正今天大家都處於非常輕鬆的狀態,好似參加一個派對活動一樣。哈哈!
我知道大家都好想見小圓球一面,前排實在太太太忙,唯有今日俾個驚喜YANESS帶埋小圓球出發去觀禮,小圓球係乖寶寶,不太會哭鬧,所以帶出門問題不大,哈哈!而且我有強大金花支援,全部搶住做阿媽。。。哈哈!要做就快啦。。。等小圓球有朋友可以一齊長大。除左恭喜YANESS今日我地都玩得好開心。

[日誌] | 小梳化到家 | NOBU慶生聚會


[日誌] | 小梳化到家 | NOBU慶生聚會
2 SEP, 2016

小圓球淳淳:24w4d 172days 

今日最開心係嫂子同朋友為我慶生, 同埋訂左好耐既小梳化終於都到左屋企, 實在太開心。估唔到小圓球都好喜歡媽咪所揀既禮物,因為都幾好坐幾舒服,岩哂佢剛好學習坐既時間用,又可以坐係梳化玩玩具,已經開始大個,唔願意再係baby chair乖乖訓低等待。。。我既日子越來越唔得閒,小圓球一開始學爬,我應該會每日追住跑。。。哈哈!

2016年9月2日 星期五

[慶生] 小溫太同月同日好姐妹慶祝生日 (外加三小朋友聚會)


[慶生] 小溫太同月同日好姐妹慶祝生日 (外加三小朋友聚會)
31 Aug, 2016

太耐無更新我個寶貝既近況,第時睇唔返會後悔呢加唔努力寫。。。淳淳最近肥肥白白,已~五個半月喇。。。每日見到淳淳不停地成長,有點害怕時間過得太快。每日都過得好快。夜深時間全間屋企靜哂可以快快手打一篇,最緊既我忙於掛泵,餵人奶不易,掛泵都唔容易。。。真係有血有眼淚。。。有飲過人奶既唔該好好孝順你阿娘,個老婆有餵過人奶既唔該好好錫個老婆,有時痛起上黎,真係好慘慘。。。講呢真係有排講。。。

話說我地好耐好耐無一齊開開心心咁坐埋一齊慶祝喇!以前我地係公司年年都一齊過生日架嘛,今年多埋穎穎,已經唔再係我地兩個人一齊過,以後都係一齊慶祝三個人生日~哈哈!一年大細帶埋細佬唔容易呀,不過我鍾意,我有咩都帶埋個仔,樣樣佢都有份參與架。。。雖然帶淳淳出黎會辛苦少少,但最緊要佢係度就足夠啦!穎穎同其其知道淳淳係度好開心呀。。。仲傻豬豬到以為去淳淳屋企。。。今次出街食住飯先,下次再黎姨姨度玩啦!

2016年8月23日 星期二

[旅遊] 京都大阪五日遊 │DAY 1│ SAKURA TERRACE THE GALLERY、伏見稻荷、新福菜館拉麵、京の焼肉処 弘 木屋町店


[旅遊] 京都大阪五日遊 │ SAKURA TERRACE THE GALLERY、伏見稻荷、新福菜館、京の焼肉処 弘 木屋町店

我終於終於都去到日本喇!多謝老公百忙中都抽時間陪我去玩幾日,都係六月尾先決定日子出發,剛好暑假機票酒店都非常滿,難得就到日子就剛好遇上颱風,都好既~出發前仲驚個仔唔夠奶飲,打風班機又延誤到晚上十點先出發,可以留多日係香港陪個仔,做左人阿媽咩都諗個仔先,我終於明白係咩感覺,就算去旅行買野都係想買衫買玩具俾個仔,自己既衫都無時間去睇。今轉京都大阪之旅實在太短,好想快尐安排一下時間再去下,今次陪老公買波鞋既時間太多,搞到我永遠係首飾店、商場、蛋糕店都係過門而不入呀!平時湊個仔,旅行湊老公。

2016年8月9日 星期二

[寶寶聚會] 三一四寶寶第一次聚會


[寶寶聚會] 三一四寶寶第一次聚會
31 JULY 2016

等左今日好耐喇!今日帶左淳淳去一個小派對同一班同年同月同日出世既BB見面,講真以前碰到同月同日生日既朋友都已經覺得好有緣份,網上既集結能力真係好強大,只要搵到岩既媽媽谷就有機會碰上同一日既BB,出發前已經好期待喇~見到好多BB~淳淳出發前都算好乖好合作,飲飽奶奶就出發去會場喇!