[旅遊] 京都大阪五日遊 │DAY 1│ SAKURA TERRACE THE GALLERY、伏見稻荷、新福菜館拉麵、京の焼肉処 弘 木屋町店


[旅遊] 京都大阪五日遊 │ SAKURA TERRACE THE GALLERY、伏見稻荷、新福菜館、京の焼肉処 弘 木屋町店

我終於終於都去到日本喇!多謝老公百忙中都抽時間陪我去玩幾日,都係六月尾先決定日子出發,剛好暑假機票酒店都非常滿,難得就到日子就剛好遇上颱風,都好既~出發前仲驚個仔唔夠奶飲,打風班機又延誤到晚上十點先出發,可以留多日係香港陪個仔,做左人阿媽咩都諗個仔先,我終於明白係咩感覺,就算去旅行買野都係想買衫買玩具俾個仔,自己既衫都無時間去睇。今轉京都大阪之旅實在太短,好想快尐安排一下時間再去下,今次陪老公買波鞋既時間太多,搞到我永遠係首飾店、商場、蛋糕店都係過門而不入呀!平時湊個仔,旅行湊老公。


最近我都好少打旅遊紀錄,因為要寫返真係浪費不少精神時間,現在連出發去旅行前搵資料都覺得麻煩的我,就只好從頭到尾靠GOOGLE MAP,其實太太太方便了,基本上我們每一點到另外一點都是跟GOOGLE MAP的,因為大部分坐公車或地鐵路線,不用預先查一堆,係京都坐公車好方便,而且我住既京都駅附近,行到京都駅巴士站只要5—6分鍾,非常方便,大推我住的這間酒店SAKURA TERRACE THE GALLERY,位置係京都駅的八條西口出口,一出只要行幾分鍾就到,如果要自駕遊都可以,已留意到附近有停車場,好似都有留宿停泊,不過應該要收費,老公一早係耳邊說京都一定要自駕遊。。。BABABA!反正就下次再安排自駕遊好喇,因為景點太多而我地不想趕行程。以下地圖就是京都駅與酒店之間的路程,而且最方便有地下街可以逛(這些機會不是我的(哭))。。。附近有妹妹推介好食的第一旭拉麵館,可惜去到剛好休息日,還要連休三天,哈!已經下定決心下次一定要食到!


出發前碰到颱風,等了又等,到最後預計晚上十點出發,出發前係外家先Standby,方便照顧小淳淳,到confirm晚上十點飛我地先出發到機場,一切都非常順利很快就關過入閘,沒有等候的壓力,香港機場厲害!上飛機最後等到十一點才起飛,到達時間我都忘了,只知道有部份行李遺留在香港,眼見有部分乘客(一家人)都沒有一個喼送到,慘!我們算比較幸運,最幸福是遺留的喼是溫生的,哈哈!如果是我應該心情非常低落。。。。


處理完一堆喼的問題,到要去買最早的HARUKA 6:30AM 出發到京都。等排隊購票已經浪費不少時間,現在有IC卡,下次可以不用麻煩!哈~


出發時坐HARUKA從關西機場到京都駅,回程時坐公車從大阪難波駅到關西機場
同樣是非常方便的。


終於到達 京都 KYOTO


剛好是上班時間,帶著疲倦既身驅往酒店路線出發,一路看路牌,看到八條西口跟著走


終於到達八條西口出口


出口會過馬路,酒店就在這兩座中間行入去


YEAH!終於到了。。。SAKURA TERRACE THE GALLERY


酒店風格很時尚。。。因為時間尚早未到入住時間,先整理一下儀容簡單清潔便出發去觀光喇!


酒店走到京都駅,真的方便極了。


決定先食個包再出發。。。SIZUYA BAKERY大型連鎖麵包店,麵包都非常好食,以下一款聽聞好出名,係牛肉三文治中間夾住蛋黃醬,味道好食,但一早食覺得有點膩。老公食左款甜既好好味,反正唔貴又飽肚,當早餐還是不錯的選擇!


人氣NO。2 牛肉三文治

下次食人氣NO。1豬扒三文治~哈哈

我今次係無PLAN行程架,平日照顧淳少爺都已經好忙,根本無心情坐定定搵料,反正人人都話好早搵路,好簡單,我都相信。真係簡單,不過唔熟路有D亂囉。。。哈!去伏見稻荷坐既係JR奈良線。會有路線牌提你下站架車去邊條線,睇清楚坐普通定特急呀!我地大鄉里坐錯車呀。。。搞笑。。。見8號站有車就上,知係岩路,但無睇係特急。。。傻仔坐過站,又坐返普通車返轉頭。哈哈

拿拿拿。。。終於到稻荷站

歡迎你黎到。。。伏見稻荷大社

一出就見到。。好曬呀!!!

伏見稻荷大社門口

烈日當空下。。。真係曬到暈,我地無遮。。。慘到呢~

「伏見稻荷大社」係全日本四萬間稻荷神社的總本社,亦係京都最古老的神社,正殿亦被日本視為重要的文化財產。主祀宇迦之御魂大神為首的多位稻荷神,掌管稻穀與商事,向來都係商人同農民祈求生意興隆、五穀豐收,因此有很多善信前來祈福。稻荷大社最出名就係長達4公里的「千本鳥居」,猶如廷綿不絕的鳥居隧道,電影藝妓回憶錄在此取景拍攝。



參拜前請先到「水手舍」漱口洗手以潔淨身心。
我同老公都係前往千鳥居參觀,入鄉隨俗要尊重一下人家的文化。

清潔好之後就出發往山上行,去參觀廷綿不絕既千本鳥居喇。


「伏見稻荷大社」亮點 :狐狸鑄像,不同於一般神社,神社兩旁豎立的是狐狸,在農業社會裡,狐狸會替農家抓捕破壞農作物的野兔、田鼠等嚙齒類,因此狐狸被視為稻荷神的神使。
以下既狐狸鑄像口中有稻穀,應該係祈求豐收


門樓位置,後面就係祈福祭祀場所(不能拍照)

本殿旁邊有祈願受付處,可以係度買「鳥居御守」,掛成一排來祈願 

一場來到寫幾隻字當作留念之用。


祝願我們的父母親身體健康、淳淳快高長大。

開始去搵鳥居喇。。。

出發前有地圖介紹鳥居位置。如果要行哂大約要兩小時,我地都係打算行行下放棄,望下上面咩景況先。

從起點處已經聚集一堆大群。非常熱鬧


一排排的鳥居。真係好靚。

千本鳥居正面係無字既,但從背面睇,會見到寫住貢獻者的姓名以及建造年分,從江戶時代開始,已經有好多許願捐款係神社境內豎立一座鳥居來表達對神明的敬意。

觀光客一名。


經過左千本鳥居後,會黎到『奧社奉拜所』,呢度有賣紀念品、御守,旁邊則掛滿了各種表情的狐狸繪馬~好過癮。


跟住會見到呢舊石頭,聲稱對住舊石許願後再拎起舊石,如果覺得輕就好易實現,如覺得重就難實現。我問溫生,佢唔知有無許願,記得佢話舊石唔輕。

行多陣我地就回程折返喇。。。開始無咁多遊客,影相位置較佳

小溫太到此一遊

回程路。。。若果天氣不熱。又有著和服影相,呢個位置影相都會好靚。

伏見稻荷大社黎京都都幾值得行下既。觀光一下。如果夏天來記得帶遮,太陽實在太猛烈。



伏見稻荷大社 
地址:京都府京都市伏見区深草藪之内町68 電話:075-6417331 
開放時間:沒時間限制 
門票收費:免費
交通方式:搭乘京板電車於伏見稻荷站下車、搭乘JR奈良線於稻荷站下車

參觀完之後有小店可以逛逛。。。知道細細佬見工。。。姐夫人在外地表示支持!哈哈

好!時間關係我地決定返酒店附近食野。。。首先都係京都駅行逛左一轉。。。BILLY要買衫褲。。。唔係一陣無得換!哈。。。之後就去搵食啦~我爸非常推介我地食呢間第一旭拉麵,話非常好食,必去咁話。。。可惜。。。本日休息。。。休8月2—4日,點都係食唔到架喇。。。有無咁岩呢~

唯有留返下次。。。第一旭下次再食你

幸運總是圍著我轉。。。

所以我地去左旁邊呢間「新福菜館」都係食拉麵既,好多本地人食。。。都幾好食架!而且當下我係非常肚餓。。。


店鋪不太大,感覺員工非常有熱誠

大部份都是日本漢子。。。

拉燒拉麵。。。好好味呀!!!唔係食家唔識用食家既表達方式,反正就好好味啦!!湯濃而不膩~~YUMMY~

有自家製辣醬,非常香辣。仲有七味粉都好香。我都忍唔住落好多。

YUMMY~見到吞口水。。。叉燒非常淋滑。。。

只要吃不要說

眼見位位男士一碗拉麵一碟炒飯。。。所以我地都叫左客食。。係「醬油蛋炒飯」,雖然普通但炒得好香好乾身。好好食!

食飽飽。。。我地終於可以返酒店拎房喇。。。 YEAH!我訂左北翼房間,空間尚算滿意。。。

唔好講笑。。張床好舒服。。可能本身個人好攰。。。沖完涼我地訓到夜晚八點先醒。。哈哈哈。。黎京都旅遊黃金時段訓覺。。。真係串~我自己都覺得好浪費!不過真係好眼訓呀!!!

房間好舒適~有埋露台,我最鍾意呀!!!

一眼睇哂~

熱水壺茶包齊全

浴室配件齊全。。。

廁所留影。。。HALO TOILET

訓前貼左休足呀~~~一定要配合訓覺。。。我有跟住做架!哈哈

訓醒時已經八點。。。開始餓。。。起床落街啦~酒店夜景都幾靚。好鍾意。



酒店每晚會送 WELCOME DRINK!當然正常呢個時段無人會留係酒店。出哂街食飯啦~哈!我地飲埋先行。。。

酒吧位置

WELCOME DRINK

酒店都設有任飲區。如果唔想飲房內既日本茶包。可以落黎沖返杯 TWININGS慢慢嘆~

果汁任飲

LOBBY公共空間位置


酒店走型格路線。。。好喜歡!餐廳晚上都有好多食客。味道應該不錯。
SAKURA TERRACE THE GALLERY


我地晚餐會食燒肉。。。呢間燒肉「京の焼肉処 弘 木屋町店」
我係GOOGLE MAP搵返黎既。。真係好好食!好開心~
我地係前台叫酒店職員幫忙訂檯,再教我地坐巴士會比較方便。
上GOOGLE一SEARCH之下發現坐公車都好方便!
所以就行到京都駅既巴士總站。會見到有分站頭,我地要係A1位置等5號車,顯示牌會有指示5號車仲有幾耐會到達。方便到極。

岩喇。。。先上車。落車用IC卡俾錢

日本公車都乾淨過人~好鍾意~睇實路牌,唔會驚落錯車。我地係河原町三条站落車,再跟GOOGLE MAP行去「京の焼肉処 弘 木屋町店」大約5分鍾路程

其實燒肉店一共有兩間,而且位置都好近。我兩間都去過,因為行錯路去左先斗町店,我個人推介我去個間木屋町店 。門面都幾靚。
京の焼肉処 弘 木屋町店 / 京の焼肉処 弘 先斗町店 (Hiro)
<iframe src="https://www.google.com/maps/embed?pb=!1m18!1m12!1m3!1d1633.9496833481705!2d135.76933931505891!3d35.00922415512593!2m3!1f0!2f0!3f0!3m2!1i1024!2i768!4f13.1!3m3!1m2!1s0x60010883810d0529%3A0xeb3b7bdb3823ca26!2z5Lqs44Gu54S86IKJ5YemIOW8mCDmnKjlsYvnlLrlupc!5e0!3m2!1szh-TW!2shk!4v1471886785505" width="600" height="450" frameborder="0" style="border:0" allowfullscreen></iframe>

京の焼肉処 弘 木屋町店 

好似好神秘咁



終於黎到喇。。。好肚餓。。。一坐低旁邊的外國藉情侶叫我地唔好食套餐,因為食物實在太多,佢地食左好耐都未食完。哈哈哈!好多謝佢地既提醒。跟住旁邊既台灣情侶係單點既,我好奇問下有咩好介紹,大部分都係跟佢叫,都係店內有人氣選擇既,單點既肉質素會比較好,唔係好大食,單點的話同叫餐價錢差不多,但單點肉質比較好(自己揀)。

備長碳。。。碳燒是最香的。。。但塊面熱住好乾,食完今晚要敷 MASK~

只左好多款牛。。其中之一

估唔到日本人好喜歡食內臟
所以我地點左牛胃。。。牛心都好好食。。。估佢唔到,好爽口。

太多肉,我要食菜頂頂先。。日本菜好貴,得幾片就知。而且菜葉好軟身,好好食。

呢幾片應該係和牛。。。哈哈。入口即溶。上得太快已經唔記得咩打咩~反正全部都係好好食~亂點都唔會錯。

努力密密燒

密密食。。。YUMMY

嘩~好美味呀!一口飯一口肉。邪惡到不得了~

想減掉油膩感可以叫菜包著肉一齊食。美味~

和牛~肥美到流口水。。。(滴)

我係比較喜歡食牛舌。厚薄同樣喜歡~

一開始食左厚(第一道快食無影相)食薄時配上青蔥~加點青檸汁,好好味喔!

生牛肉拌蛋。。旁邊台灣女生推介。。。我都係喜歡熱食。哈哈!

加蛋伴著吃。。。味道是不錯的。

食左一餐非常非常好味而且滿足的日式燒肉。。。非常推介京の焼肉処 弘 俾大家~

餐廳旁係好靚既建築物。。。應該係結婚用的。好浪漫!

食飽飽同溫生在京都慢步。。。

有時間真係要黎再行下。。。第一天結束喇~行得太夜巴士都無喇。最後坐的士返酒店休息。第二天再續

留言