[育兒] Doria 的成長紀錄日常│3 months

[育兒] Doria 的成長紀錄日常│3 months

Halo ! 大家好 ! 已經好耐無係BLOG呢個平台出現, 最近先開始更新一下Facebook, 當我潛左水一段日子,  的確發生左好多事情, 就係我又多左位寶貝喇 ! 當媽後的朋友就知道, 嬰兒唔係想像中, 又或者玩下人地個BB咁簡單, 真係落手落腳去照顧的確不容易, 當然呢加再加多位我期待已久既寶貝女, 我的確只能用忙到一天廿四小時都不夠用, 好想好想打Blog, 我剛剛重新打返, 我十一點開始揀相, 執色, 編輯 , 都搞左三個鍾, 真係老手不再, 哈哈 ! 我已經知道時間不會回頭, 好多事都係即時做比較好,  你以為自己會追返d Blog黎打, 我都可以好肯定咁講: 無可能 ! 哈哈 ! 能夠記就記, 有時開心事要紀錄, 更可況是我對寶貝仔囡的成長紀錄。

流水式地過了一天又一天, 每天都係照飲奶、換片, 今個月開始想同大人有交流, 開始想發音, UNKOO已經聽過, 頸仔又好夠硬淨, 最鍾意人地撩佢下巴仔, 就會卡卡聲笑, 最叻用聲音去操控大人, 呢一點我屋企人話似足我, 咁唔多喊都係優點黎既, 最多有要求都係叫兩聲 : 人黎呀~~~

今日話哂都三個月, 就快到一百日, 咁我地都有準備定蛋糕同Doria慶祝下, 蛋糕當然會落入哥哥個肚腩仔度啦 ! 唔知係咪女仔特別醒, 知道有蛋糕食笑到好甜芝芝咁, 冧死我地 !

HAPPY 3 MONTHS OLD

爸爸今日辛苦喇 ! 病左.... 細菌實在太強, 大家都係要好好保重身體。

見到姐姐拎住蛋糕開心到兩隻腳仔起勢咁踢, Doria好合作, 影到相既 !

回顧一下剛剛呢個月既情況

大致上一抱最好抱哂兩個, 好期待遲下既你抱佢唔抱我既畫面好快出現

Doria飲奶既量都唔錯 ! 不過佢無哥哥咁幸運, 我只係餵左佢差不多兩個月我就收工喇 !

飲奶粉一樣肥肥白白, 肥到有時對眼得返條線,

 一時對眼仔又好精靈, 可唔可以keep住精靈呀 ?

最近發現Doria最大興趣就係睇電視, 佢會俾電視光吸引住, 背住電視對眼仔都要望到最角, 唔俾佢睇呀 ! 壞眼仔, 等大少少就可以睇架喇~ 囡~ 總結Doria都係報恩寶貝, 食飽訓玩, 不過有時好惡, 都知佢遲下可能有公主病, 希望唔好太公主啦 ! 哈哈