[寶寶聚會] 三一四寶寶第一次聚會

[寶寶聚會] 三一四寶寶第一次聚會

31 JULY 2016

等左今日好耐喇！今日帶左淳淳去一個小派對同一班同年同月同日出世既BB見面，講真以前碰到同月同日生日既朋友都已經覺得好有緣份，網上既集結能力真係好強大，只要搵到岩既媽媽谷就有機會碰上同一日既ＢＢ，出發前已經好期待喇～見到好多ＢＢ～淳淳出發前都算好乖好合作，飲飽奶奶就出發去會場喇！

最近ＢＩＬＬＹ每日都要同個仔影張相，真係ｓｗｅｅｔ到呢～準備出發喇！

一去到已經識到新朋友仔喇！Matthew BB Halo :)

仲有好多BB未到呀！發下呆自娛下先啦！

同媽咪自拍下先啦！你有心事呀？淳淳

影張合照先，淳淳開始識望鏡頭。

ｕｍ。。。你地講緊我呀？

呢隻淳淳大左好多喇！不經不覺已經四個半月～

齊人喇～可以食野！

好慘呀淳淳。。。有得睇無得食～

呢位爸爸平時做野好忙，返屋企又要對住部電腦做野，真係好忙既。。。

所以湊仔呢ｐａｒｔ就唔使佢做既，從來都係我同姐姐照顧淳淳

但發現在場所有爸爸都係餵奶高手。

當淳淳肚餓姐姐餵緊奶奶之際，ｂｉｌｌｙ突然出手話等佢餵

哈哈哈！嘩！我真係忍唔住大笑。。。

你博加分呀？哈哈哈！不過呢下真係好笑。佢終於明白爸爸都係要做架！

真係忍唔住要影低佢咁發人深醒的一刻。

同場有可愛的Sheena BB, 好可愛呀～成日笑咪咪，笑得好甜架！

淳淳：我好想識女仔呀～

識住阿媽先啦～哈哈

其實我同個仔側面都幾似樣丫。。。

借Sheena黎影下相先~ 好可愛呀成日笑~ 淳淳發呆豬~

肉肉淳

同媽媽一樣塊面都係圓圓既

隻眼又大返～哈哈！

突然有心事，幾時返屋企訓覺豬。。。

Halo Matthew BB~ 你好呀！Matthew好可愛仲好食得～叻叻～

哈哈大家都係光頭仔，無咩頭髮。。。

右邊既Sheena驚驚。。爆喊。。

淳淳仲未知發生咩事，但睇得出佢開始不安

哈哈。。。其實係影張相之嘛！

開始驚。。。可能大家既喊聲都好響亮

最後。。。爆喊。。。哈哈！

行出去冷靜下就無事喇～同爸爸影相先～

哈哈！大家都安撫完ｂｂ們喇～影下合照先～

（其他媽媽未經佢地同意，所以打星）

今日同左好多媽媽交流。個個ｂｂ都好可愛，大家都好乖。無咩點喊。大人食野個陣ｂｂ都無扭計算非常合作喇。下次再見啦各位！

Matthew無望鏡頭~ 哈哈 ! 下次見啦 :)