[旅遊] 老老友友親子遊澳門2018│


老老友友去遊行真係好好好好好好開心架!
今次係同溫生既朋友仔一齊去,其實都成日見,
所以呢兩位小朋友一見面就好開心一齊玩。
最好笑係見面就爭玩具,
唔見又會成日叫住人地個名,
真係好得意。

29 - 31 Jan , 2018

雖然短短三日兩夜,都已經好開心!
為大家留下美好回憶,媽咪會繼續為你記低你既快樂事,下一次期待帶埋妹妹一齊玩下水。
淳淳開始接近兩歲時都一樣有大家都知既Terrible two, 但對父母來說是考驗,要給更多更大既愛去俾小朋友,鬧是沒有用,亦影響自己情緒,學習大大大包容去教導自己既兒女,在教育路上我是初哥,希望自己都可以好好努力。


好!講返這幾天的旅程,真係好開心,以前同老公去邊都開心,但日子耐左我自己都無咁花心思去安排行程,但呢加有淳淳既加入,點都要為佢花點心思,但當媽後真的很懶,我相信我要學習更用心去經營先得。等到午餐時間,大家都好肚餓喇!去左「永利宮」食午餐,一入去都覺得呢度好靚好金碧輝煌,小朋友們都好開心,因為終於有得食喇!

「永利宮」既食物味道都好好,值得推薦!唔知點解好想食高熱量既乾炒牛河,食完好滿足呀!仲有推介黑豚肉叉燒👍🏻

食飽飽就去拎房,今次訂左套房,拎房時同前檯講就可以安排BB床。淳淳拖住Hazel行街街,想同個仔影張合照都好難,唔望鏡呀!

我地入住既係永利皇宮,一入房就覺得好靚!每次住澳門酒店都覺得好抵住,咁既價錢就可以有咁大!實在太開心。

淳淳超開心,樣樣都好新奇,今晚爸爸約定佢一齊玩水,睇佢笑咪咪就知開心。小朋友開心,當爸媽都好開心。

淳淳係從來都唔跟我訓,有時想佢痴我訓一晚都唔制,習慣左自己訓。不過大家既睡眠質素都會好點。酒店貼心的送上熊熊俾淳淳,又多一隻小熊係屋企。仲有貼心地送上茶葉。

休息整頓後就出發去坐酒店內既纜車,酒店住客係免費乘坐的,因為無人,我地坐左兩轉好好地欣賞酒店景觀。

指定時間會有噴泉表演,有時會因為太大風而暫停,不過當欣賞下景色都不錯。同埋我地一月去個陣都好大風。

氹仔酒店都係橋接橋,可以行行下去到威尼斯人酒店,因為我想食葡撻。

好好食既安德魯葡撻💕 超級多人排隊

大家傾下講下已經夜晚,外面超級大風。
夜晚既巴黎人好靚,澳門呢個算整得幾靚。

之後又係晚餐時間,揀左間好好食既葡國餐廳,大家都好喜歡,食物味道,環境,服務都好好。我最鐘意海鮮蕃茄飯,淳淳都大口大口食。

淳淳一坐低就要食。
無記錯餐廳既餐前麵包不錯。
能夠跟朋友一齊出黎玩好難得
(其實上兩星期前先同班好姐妹一齊去完澳門,非常難忘開心,遲下一定要寫低)

食飽飽開心閒逛官也街,想買手信可以先買。
而我就想食件令人開心既木槺布甸蛋糕作結。
買返酒店同姐姐開心分享一下。
老公跟朋友梗係去左開心啦!

相處一日之後感情深厚左,
食完早餐邊跑邊笑,
太忘憂的快樂。

帶呢兩位小遊客黎一黎澳門大三巴,
難以控制既淳淳,要自己行自己走
(仔,如果你自己行到唔跌阿媽就梗係唔拖住你啦)小遊客要乖乖影相

之後Hazel媽咪要帶我地去食好滑既豆腐花,
真係超級滑,淳淳自己食左一大半。

再去食蟹皇撈麵,咖哩牛腩,
再去飲水果茶,
這團係增肥團。
水果茶係上次同姐妹們之旅發現的,
好好飲要介紹一下。
*水果茶 - 白露秋分
*撈麵/咖哩牛腩 - 牛記咖哩美食

坐8號摩天輪,
酒店景點就係親子活動最佳好去處。
呢度就要買票去坐的
淳淳跟Hazel超開心,媽媽都開心
*8字摩天輪 - 新濠影匯

難得影到家庭照,好記得係摩天輪上短短數分鐘,小朋友同大人都好開心。

晚餐大人們出發到金沙酒店中餐廳食飯。
餐廳於賭場內就不方便影相,
記得食過片皮鴨好好食的。

行程最後只是簡單留在酒店享受休息一下。
早上剛起床的淳寶貝
去到那裡都要必備被被一張。

點解我個仔咁可愛架。乖乖食飽飽。
我記得淳淳係從頭食到尾。

飽飽就同爸爸玩水,
對住自己個仔會有百看不厭症,哈哈!

收拾好就去食午餐再準備回家
每次都要介紹朋友黎食既喜蓮,
超級好食既芝士雞扒包,仲有蕃茄牛尾通粉,
香濃熱茶酒,每次都令我很回味。
能夠帶家人朋友黎食實在好開心。

短短的吃喝睡的澳門行程完美作結。
這次旅程雖短但好快樂。

留言

  1. 你兩個小朋友好可愛.
    我依家係you tube 開咗個channel,請支持下, 比個’like’

    https://m.youtube.com/watch?v=AQXhToEOI6g

    回覆刪除
  2. Pragmatic Play Casino | JT Hub
    Pragmatic 논산 출장마사지 Play online slots and casino games 김제 출장샵 The biggest 김포 출장안마 and most 서산 출장샵 popular online slots for real money are the most popular and most popular 경상남도 출장마사지 slots.

    回覆刪除

張貼留言