our second baby is coming soon Baby Doria

拍攝日子 : 14 Sep 2017

Doris 31 weeks

Halo ! 小溫太真係潛左水一年有多, 係呢一年我實在太忙, 而我又就快生第二胎喇 [打緊篇blog時已經生左五個月 :) ] 會更加更加忙, 為著家人而忙是種福氣, 所以我很享受。我發現我根本就是一個不能停下來的人。  這輩子一直忙下去就對喇 !

這次是第二次懷孕, 真係同第一胎有差別, 一是心態, 二是身型, 哈哈 ! 第一胎心情會易緊張, 第二胎會覺得忙住個仔已經唔得閒, 更加無時間去諗其他野, 所以我一切都好隨心, 不過會比較著重健康, 同好怕肥, 幸好都唔算肥左好多, 希望生完快D減返。

講返今次影相, 我都係搵返百日宴同淳淳生日時影相既靚靚Yan ip幫我影架 ! 比較喜歡她的簡潔, 感覺舒服。重點影到我好滿意呀 ! 我都好意外, 哈哈 ! 第一胎我影左攝好唔掂, 唉~ 造型又唔得, 基本上除左收相個刻睇左, 已經收得好埋, 我諗我唔想再睇返, 哈哈 ! 今次YAN幫我安排左化妝師, 我都係俾佢地化, 我無理咁多, 反而效果好好 ! 化得我都幾唔錯 ! 哈哈 ! 老公話同平時唔同樣~ 

有時睇返D相, 再望下妹妹, 心裡有種說不出的感動, 

妹妹已經成日著住呢對鞋仔 (*鞋仔購自於marks and spencer)

點解個肚可以咁大既 ? 

生女真係好好, 起碼個樣無變到超級大鼻, 好感謝妹妹讓媽媽可以當一次靚靚孕婦 :)

好鍾意呢張相 ~ 哥哥好有愛 ~ 真心覺得哥哥真係好乖好配合 

(每次見佢攬住妹妹都好感動)

最搞笑係呢~ 有時佢呢加都會見到我個肚就指住叫BB, 

我話無BB喇, 妹妹出左世喇 ! 再強調無BB喇 !

有時第一個小朋友令你不停學習, 同時亦帶俾我地好多歡樂, 未當爸媽很難形容呢種感覺給你知, 但有左小朋友之後, 無論幾攰, 都會想陪佢玩陣, 只要佢笑, 就忍唔住一直玩佢, 或者係俾佢玩, 呢加哥哥已經兩歲, 每日都痴實我, 真係陪佢都用哂我既時間, 回望返都係好值得既 !

意想不到的第二胎咁快就到 ! 

寶貝哥哥 , 我再遲下睇返, 又或者個仔唔再痴我個陣, 

當我睇到呢張相我應該會想喊 (呢加已經眼濕濕)

有時好想佢地大, 但當大左, 唔再需要我既時候, 

我真係會好傷心~明明分享大肚照又講太遠~

一家四口, 出黎已經又影左攝~ 

每次影完都好期待出黎既相, 好多謝YAN每次既配合, 

同埋真係人靚心地又好, 

我都知我有D卜友仔/朋友仔都搵左Yan影相,

希望大家都可以將相收錄成為人生中最美好的回憶作為紀錄。

所有相我都係自費, 因為好, 所以推介 !

Yanip Pictures

http://www.yanippics.com

Facebook : yanip.pic