[親子] 小孩玩到開心忘形的室內樂園 │ Wellcome Paradise

[親子] 小孩玩到開心忘形的室內樂園 │ Wellcome Paradise

剛剛這個星期一有空檔時間，又剛好見到有朋友介紹這間剛新開業的Playhouse。就決定立即帶哥哥去玩下，因為都未去過這類型大型Playhouse。

我地只係玩左1個半鐘，2:30到4:00（剛好4-4:30是清潔時間）因為呢度對於2歲小朋友黎講算好大，亦好新奇好玩，媽媽我都陪玩得好開心投入，場內亦有工作人員協助小朋友一齊玩，有個好似繩網既地方，哥哥好直接咁爬左上去，好似Spider-Man 咁爬走左，跟本無辦法追到佢，幸好在場有人員幫忙送佢到滑梯，我就可以係下面等哥哥喇！

整體呢個遊樂場都幾好玩，新開環境都很乾淨，最特別有巨型彈彈床，哥哥跟朋友仔都彈得好開心興奮。（每次玩彈床每組家庭有5分鐘，都唔使等好耐）呢度真係好岩我帶哥哥去放電玩。

不過呢排流感高風期，自己做好保護措施，同埋玩完立即去洗手清潔後先好離開，返屋企就沖涼確保小朋友既清潔好重要。

其實價錢時段我都唔係太清楚，哈哈！見朋友寫就$200@4小時（包一大一小，另外加一位大人就$60）咁我都係俾左$260，玩左咁耐已經好攰，算係回到本。哈哈！遲下有機會會再黎。

挑戰膽量, 媽媽過了, 哥哥都跟著過