[慶祝] 淳淳的百日小派對

[慶祝] 淳淳的百日小派對

18 JUNE 2016

淳淳２１／６先至夠一百日，不過為左方便朋友出席，改早少少係星期六度搞左個小派對。真係小小派對，媽媽我都無咩點好好準備，時間太趕急，因為係屋企樓下既會所租間房搞既，又要兩星期前先可以訂房，訂完第二日已經唔係香港，所以通知朋友或訂蛋糕、到會食物、攝影師等安排都係返到香港先搞，哈哈，有點太趕，幸好一早已經整定佈置，佈置都係靠淘寶，平靚正～好多謝我身邊最重要既家人好朋友好姐妹全部都到齊，真係好開心，多謝你地咁鍚我地呀。感激！多謝大家既來臨呀！有好多朋友都未有邀請，請見諒因為真係搞得好趕急又亂亂地～哈哈～約左邊個我先前一日記起下～

一家三口合照

WELCOME TO AIDEN 100 DAYS CELEBRATIONS

今次訂左Vive Cake Boutique既雙層蛋糕，因為我唔太喜歡糖皮蛋糕，所以揀左呢個 buttercream cake，蛋糕有幾款口味（Red Velvet / Pistachio (+$50) / Earl Grey / Chocolate / Lemon / Green Tea / Banana Cake / Hazelnut ) 我就揀左我最鐘意既香蕉味蛋糕配上朱古力buttercream cake，而上面既雪糕球都係蛋糕黎既，而顏色我就要求要apple green + baby blue color，出黎既效果都幾靚，而且味道好好，成個蛋糕食哂，大家都好滿意，好開心。眼見蛋糕唔算大，但都有３磅半，價錢請自行facebook問店主，我覺得都貴既，但值得！如果買細磅裝價錢就唔會咁貴，呢間可以再訂～ :)

睇得又食得~

簡單佈置

HAPPY 100 DAYS

CUPCAKE就係Sift Patisserie買既，剛好最近Ｋ１１開左間暫時店，遲下會搬去海港城，終於唔使過海先買到SIFT喇！好開心~ 前一日我去左間鋪到訂CAKE，見有迷你版，我就諗可以俾小朋友食到，就買迷你版啦！正常版都買左１０件，迷你買左６０件，全部吃清光～YEAH ! mini cake : $15@ regular : $28@

 

估唔到呢加淘寶咁方便，人人都可以為佈置做得有點個人化特色，只要係淘寶搵「派對用品」就有一堆產品可以購買，一套有齊佈置版、卡、cupcake插牌、飲管等等，好抵玩！可以個人化自定生日／百日宴用，我覺得都幾化算～質素仲要唔差～正！搞Party 真係無難道！

連飲管都有

有ｄ紙條咁可以貼係汽水罐上面，一套包埋既，無理由唔用啦！

大約有６０人黎，我叫左１０盤到會，點知盤盤都好足料，仲要價錢好合理～我打去問過，有細盤賣既，下次屋企搞PARTY都用得著嘛！

今次訂既叫港泰到會，大家都讚好食，好彩咋，真係好驚訂到Ｄ唔好食，上次奶奶新屋入伙我地就叫左呢間到會，好泰式好好味既，特別係炒公仔麵同埋牛尾仲有雜果沙律～反正樣樣都好食！不過我叫左十盤實在太大盤同太多喇～仲有好多～下次唔使叫咁多，因為太足料！

攝影師係位姐姐黎既，好靚女，而且影相都好靚～一個女仔出黎做攝影師唔容易！一定要多多支持啦！大約一個月左右收到Ｄ相，好靚呀！而且YAN仲好細心咁印製左D相俾我，仲有埋一個好靚靚既盒，一切都勁有心思，真係非常推介！

早兩日收到既相盒 :)

我明白攝影師都講夾唔夾，我自己就無咩要求，所以收到製成品個下好開心，反而大肚個時搵既攝影師好唔得，所以都唔想POST！所以我覺得YAN都好有HEART，遲下有機會再搵你影相。

淳淳開始攰喇！要中場休息一下。

大伯你做咩吊到我咁高呀～哈哈

小小男主角

一百日大個仔

淳淳唯一望鏡既合照～

細既唔識野，大少少就識野喇！知道吹蠟燭係件好開心好好玩既事，GAVIN同小暖男應該每人吹左十次啦！哈哈哈！好搞笑，吹唔完。

多謝 Kitten EE 黎呀~

仲有K EE同大爺哥哥～

有公公婆婆阿姨姨丈舅父仔同Carey姐姐

仲有我班瘋狂金花姐妹，淳淳應該怕左佢地。哈哈

SUKI 同君君姐姐~ 好鍾意你地送既衫仔呀！

仲有Yuki EE, Coey EE, Polly 同 shadow姐姐~

好多人黎呀～仲有奶奶，大伯大伯娘啦～大二姑媽，Billy既同事~實在太多,佢地走低調路線就唔post佢地既相喇！哈哈！實在好開心見齊大家。

靜香小朋友見ＢＢ 

堂家姐暄暄抱ＢＢ，暄暄大得好快～嬸嬸好唔捨得呀！

呢張真係世紀合照！我好鍾意呀！我地全部都識左十個年頭喇喂～哈哈

生完先發現我原來真係勁鍾意小朋友～佢地全部都好可愛，睇住佢地一個個長大，好幸福！要教好小朋友唔容易，我身邊有好多百寶袋，真係要請教下佢地呀！

其其又要吹蠟燭

蛋糕既內餡係咁架～香蕉蛋糕！YUMMY

今日真係 Happy 100 Days , 雖然淳淳仲細 , 未知發生咩事, 但過幾年後佢懂事, 我再話返佢知, 細個果陣有好多Auntie Uncle 哥哥姐姐黎同你慶祝架！我覺得開心既回憶好值得紀錄～

雖然同大家講唔使買野，但都收到一堆禮物玩具利是同心意卡全部都好鍾意，好多謝大家！

場地：會所

蛋糕：Vive Cake Boutique

CUPCAKE：Sift Patisserie

佈置：DIY + 淘寶

都會食物：港泰到會

攝影師：Yanip Pictures

。。。。。。。。

１８號早上同Ｂｉｌｌｙ去ｋ１１食個早餐再買ｃｕｐｃａｋｅ～返黎再同個仔換衫～好忙好充實！

早晨呀！淳淳～

咩事咁既樣呀～哈哈

出發前影張相先啦！ready to party ~ yeah !

完左Party晚上食父親節生日飯，哈哈！

兩父子笑騎騎～

又玩飛飛

睇返只係一個多月前，細粒好多呀！

HALO 大家好~

公公、爸爸父親節快樂！