元旦悠閒遊迪欣湖

我應該差不多生之前寫落既.... 寫埋佢先~ :)

元旦悠閒遊迪欣湖

1 JAN , 2016

時間過得真係好好好好好好快, 望下日曆我發現自己就黎生喇 ! 原本淡淡定既我, 最近朋友問起我緊唔緊張, 我都發現我開始緊張喇 ! 生仔呢下野始終第一次, 唔驚就假既, 唯有放鬆D, 有時間就約下朋友見下面傾下計, 到坐月就留屋企喇 ! 所以有時間就要出去行下, 今日見無咩好做, 過左咁熱鬧既十二月, 又要迎接農曆新年, 大住肚我都活動照舊架, 哈哈 ! 我媽都頂我唔順, 因為我鍾意熱鬧嘛~ 咁先開心~ :)

今日1月1呀 ! 想當年大約2011年啦~ 同老公都係元旦日入黎影下相, 呢加就影下大肚相, 下年睇下會唔會帶埋小BB一齊入黎影相先, 哈哈哈 ! 諗下都開心~

身型圓潤到不得之了

我地傻更更入黎, 仲要等左成個幾鍾先泊到車 , 咩都無準備 , 就係咁行行下坐係舊石同老公影下相之際, 有對情侶話佢地走喇, 可以留張墊俾我地坐, 個下真係好開心呀 ! 人間有情~ 多謝~ 就係咁我地終於有得坐草地~ 哈哈哈 !

妹妹知我地去迪欣湖佢又入黎, 岩哂喇~ 肚仔餓等佢買個包黎俾我地食下~~

住咁近都成個鍾先入到黎.... 慢到呢~~~

雖然我妹影得好....普通..... 但我都好鍾意 ! 哈哈 

現在為6月3日, 睇返呢下既相, 覺得個肚超級大呀 ! 好似要爆喇~~

哈哈~ 呢加睇返好笨拙既感覺~ 點解個肚咁大但個陣可以行得咁輕鬆 

肚入面住左位好胖嘟嘟既寶寶~

當年今日都有係呢個位影相, 真係唔同哂喇 ! 今日假日周邊都好多人呀~

大肚仙蒂媽咪

阿姨表示好期望BB出世~ 哈哈 !