[育兒] 小溫子。TWO MONTH

[育兒] 小溫子。TWO MONTH

真係話都無咁快，已經兩個月喇！小溫子已經慢慢一日一日長大，而且每日都有不同變化，剛踏入兩個月開始識認媽媽既聲音，眼神跟蹤媽媽既聲望住媽媽～嘩！好冧呀！本身個人都無咩記性，生埋更加差～哈哈！所以兩個月有咩變化，我覺得係夜晚訓得長左，食奶既份量都係咁上下（都咁多，食到我乾哂～哈），大小便都好好，大便少左勁多，好爽呀！（工人姐姐最爽，唔使換片片換得咁密）越來越好力～手橕腳橕好好力～身長左好多，最叻叻個月半月個陣去左打針（六合一）加食輪狀，打針喊左一聲就收聲～嘩！我仲拍埋片，事關我阿媽姐係小溫子婆婆話見到小朋友打針好心痛，會喊～我又無～哈哈！唔好覺得打針針係慘事，要勇敢面對就唔怕喇！不過最緊要係唔好訓訓下俾人拮，要整醒ＢＢ，俾著係大人訓訓下俾人拮一野，都嚇醒左啦！足兩個月個陣都去健康院打左支十三架，個次我擔心Ｄ，眼見支針好粗下，哎呀！打落去個下真係喊得好大聲，不過好快又收聲飲奶奶～好彩咋！哈哈～個下堅有Ｄ心痛！

紀錄 

餵食：滿左月開始要加到１４０ｍｌ，直到現在（好大食架真係，重點又要食得落），一日大約食６—７餐，隔３—４小時

媽媽奶：被小溫子追奶追到媽媽都乾，哈哈！基本上每日都有８００—９００ｍｌ

睡眠：日頭訓少左，每日要傾下計，要抱下氹下先訓，接近兩個月開始夜晚訓到５個鍾以上，接近戒夜奶時間不遠喇～

２０１６。５。１４

。TWO MONTH。

ＤＡＹ６２

肥豬仔～

媽媽攬實影相相～（當媽後疊字是少不了）

嘩咁快兩個月～實在太好～

媽媽我已經可以重出江湖四圍去，不過都被泵奶限制住～

好得意呀～小溫子同媽媽一人一邊拎住影，當時唔知～睇相先知，哈哈！

沖完涼好眼訓呀～

好肥美呀呢個ＢＢ～

小溫子：咩事呀～我知我兩個月大喇！媽媽～

小溫子：爸爸你返黎喇～好掛住你～

爸爸表示好冧～好好冧～非常冧

２０１６。４。２６

ＤＡＹ４４

去搵劉醫生打針針，媽媽我準備好喇～

媽媽抱住樂觀既心情去帶個仔打針！係等候房一直等待～點整都唔醒！

去磅個重先４．８４ｋｇ～

見醫生喇～幸好俾醫生檢查個陣醒左，睇下個屁股仔光滑返哂喇！

小溫子：你邊位？

打針喇～勇敢！哈哈

打完針等食輪狀～爸爸要錫返個仔～

好叻呀小溫子～

父愛～

打完針走喇～影返張相先～

返屋企後好好訓，幸好都無咩扭計

獎勵一張貼紙～哈哈