遊澳門 ● 澳門康萊德酒店 《六棉酒家、朝 DYNASTY 8 》

遊澳門 ● 澳門康萊德酒店 《六棉酒家、DYNASTY 8 》

5 - 6 April ,2015

澳門澳門, 黎過N咁多次, 都仲係會想去下住靚靚酒店 , 去享受一下 ! 其實對上一次先同黃爸媽黎過澳門, 老公見到Macau Conrad Hotel做優惠, 仲要係行政套房 ,價錢我都忘記, 唔記得一千尾定二千, 反正呢個價平時係住唔到套房既, 所以因為抵又訂晚黎住下 ! 哈哈 的確間套房真係好靚, 好豪華呀 ! 可惜只有我地兩個人, 成家人或者一班朋友黎玩就正喇 !

一入房就見到個大廳, 真係嘩 ! 好大 !

開PARTY就正喇 ! 呢加只好我地二人世界享受一下 ! 哈哈, 就係坐係梳化上網 ! 

飯廳位置 , 有好家既感覺 , 當然係豪宅級既家啦 ! 我感受一晚就滿足

套房睡房部份,呢間酒店房真係走氣派路線 ! 好鍾意呢間酒店既佈置

房間都好大 , 後面就係浴室部份

浴室全用雲石裝潢, 好豪華 , 浸浴有小鴨鴨陪你 ! 哈哈

我個人特別喜歡床邊既床頭燈, 香港地有幾可可以放得落咁靚既床頭燈, 又滿足一下吧 !

一早想飲杯咖啡都可以 , 不過我唔識用 ! 哈哈

酒店送上小禮物 小甜點糖果

欣賞完間房, 就去游泳池游下水, 客人不算太多, 好好玩下

游泳池環境好舒適, 好令人有放鬆既感覺, 而且非常大風, 太大風走入休息區避避風

酒店走廊

 六棉酒家  

address : 花城區杭州街60號地下海怡花園 (2883 3333) 

open hours :星期一至六:11:00-15:00, 17:30-23:00 星期日:09:00-15:00, 17:30-23:30

又黎六棉酒家喇 ! 我地今晚係食晚餐 , 可以一試這家老店的小菜

依然客似雲來 , 坐無上虛席, 我地都只等左十五分鍾就有檯

每次見到燒乳鴿都會點的一道菜, 我記得炸得好脆, 仲有大大隻, 有肉汁, 美味 !

同埋最右下角個碟豆醬炒五花肉, 好香口, 好惹味呀 ! 

我返屋企都跟住整, 不過就變左豬頸肉, 味道不錯 ! 

芝士焗西蘭花 、 魚雲煲都好好味 !

食飽行陣街散散步返到酒店房見到床頭有份小禮物, 每次住conrad hotel都會收到一隻小熊熊, 好似日本係粉紅色架, 每個國家地方都會有唔同款式既小熊熊, 好有心思 ! 小熊熊呢間長住係我房 !

訓醒又一天, GD MORNING :)

黎到澳門真係食only , 澳門酒店既中餐廳好多無訂位都會滿座, 我地出發得早, 去到剛好有檯, 太幸運

 朝 Dynasty 8  

address : 路氹城望德聖母灣大馬路金沙城中心康萊德酒店1樓 (8113 8920)

 open hours : 星期日至四: 11:00-15:00, 18:00-23:00 星期五至六: 11:00-15:00, 18:00-00:00

餐廳整個佈置很中國風

裝潢中國味很濃, 我回到古代嗎 ?

餐廳點心大部份都精緻美味, 食完一餐好滿足

食飽就返香港喇 ! 有機會再住下其他新酒店 !