[十六週六天] 第八次產檢 • 私家 • 吳祟傑醫生 • 我係地鐵暈低左

[十六週六天] 第八次產檢 • 私家 • 吳祟傑醫生 • 我係地鐵暈低左

| 3 NOV 2015 | 16WEEK 6DAY | 翹康醫務中心 吳祟傑醫生

又星期無見喇 ! 時間過得好快, 我都追趕唔切喇 !

今日見吳醫生話BB有甲狀腺抗體

原因無得解, 到時生出黎有可能水平正常,

到時出世再跟進 ! 呢加無特別野可以做

今次照超聲波好明顯見到條脊骨 , 

係到用手玩大脾好搞笑

用隻腳仔橕下橕下, 無時停~ 哈哈哈

性別就照到喇 ! 都係等埋下次照結構先講

我老爺奶奶最心急~ 不過我都係唔會講既~哈哈

今次都係要抽血驗下血色素, 因為我今朝係地鐵暈低左

有朋友話要食DHA, 吳醫生話最好既營養都係食物吸收,

如果我唔太食魚就可以食DHA補充下

咁我反正都唔太食魚

__________________________________________________

話說今朝打算出去旺角做Facial , 平時我都係坐的士, 

自從有左都好耐無坐地鐵 ,

因為我朋友話我知個陣佢好易坐地鐵暈叫我大肚都唔好搭喇 !

咁我點解今次搭呢 ? 

因為撞正返工時間, 肚餓又想早少少出去食個早餐

同埋我搭地鐵從來唔坐, 亦唔要求人地讓坐,

留俾老人家坐得架喇~

我就搵個門口位靠住

點知..... 去到石硤尾關門個下我開始感覺呼吸困難

我無糖係身, 仲有支白花油 (我以前都好易暈所以帶定)

我聞一聞打算合埋眼等到太子站就衝出去呼吸下空氣

點知我合埋眼個下就已經暈低左, 

我記得暈個下咁岩太子站到左

有位姨姨好好人, 扶我出去坐, 坐左陣有返空氣先好D

之後有位小姐幫我搵職員 , 個下真係覺得人間有愛

唔該哂你地~ 小妹感激

佢地知我大肚, 不過我知自己無整親, 

就唔去醫院喇~ 反正晏D都產檢

職員王小姐人好好, 幫我買埋奶可以飲下, 

因為我個早餐無左(去唔到目的地未食到)

入左休息室休息下

其實王小姐已經六十歲~ 樣完全唔似~ 生過四個仔

佢就教我樣樣野要放慢, 因為我個人好急, 最緊要快完成件事

話我飲啖水都急, 一定要慢

佢又教下我野, 我最鍾意聽下老一輩講下佢地既經歷

休息無耐我打去搵吳醫生, 咁岩早上無應診就改唔到早D睇

因為驚BB唔知有無事, 不過姑娘有解釋我聽叫我唔使擔心

照舊晏就睇醫生

休息夠喇~ 王小姐都帶我坐的士返屋企

真係好感謝佢呀 ! 

LUNCH就約左爸媽同妹妹去食一蘭拉麵

我只敢同我妹講, 我見返屋企訓陣又精神返

唔想爸媽擔心我唔敢講~

照出去食拉麵 哈哈哈