2015 Singapore 6D5N Schedule ● 新加坡自由行 DAY 1 《松發肉骨茶、Hard Rock Hotel、Vivo City怡豐城》

2015 Singapore 6D5N Schedule ● 新加坡自由行 DAY 1

  《松發肉骨茶、Hard Rock Hotel、Vivo City怡豐城》

25 March , 2015

新加坡我都想黎好耐架喇~ 但城市既地方我老公係好麻麻地, 佢比較鍾意陽光與海, 除左日本 (未生之前都唔去住) 咁岩見到CX做優惠, 機票賣得算平, 不過唔記得幾錢, 就決定去新加坡觀光下喇 ! 新加坡我個人黎講都幾鍾意, 去既日子太短,未去認識到呢個地方, 似香港所以都有D親切感, 我見好多朋友生左小朋友之後, 都會帶小朋友去新加坡旅行, 都不失為一個好地方 ! 

一落地當然唔可以與世隔絕, 要同屋企人報告下安全到埗

YEAH ! 我地到左新加坡喇 !

我地係MRT出返市區, 新加坡的士好貴 ! 老公力的表現, 一手拎兩喼仲要行樓梯, 慘~哈哈~ 出發前上網睇定邊個站轉車, 就無問題啦 !

首先我地去左牛車水站 NE4DT19  Exit E 到唐城坊3樓搵 [天宇旅遊] 買入場門票

所以行程一定要計劃好哂,  一黎就知要買咩飛, 邊一日去, 我記得好似係BOOK LEGOLAND要指定日子, (因為包車) 其他都係買左先, 自己再安排邊日去 ! 

買好哂之後要醫下肚先, 個陣都六點幾, 食左無食到晚餐~ 哈哈 ! 咁岩先到有松發肉骨茶, 我上網都BOOKMARK左要食~ 咁就食佢啦 ! 

我地叫左一份肉骨茶 一份菜同鳳爪 , 第一次真正肉骨茶原來真係好好食, 愛上左, 啖湯係好香胡椒味, 飲完成個人更加熱~ 真係可以配碗飯食呀 ! 好滿足~ D排骨好滑,唔係好鞋口~ 重點係湯係任添, 所以送飯一流~ 我記得食到好飽下~ 哈哈 !

出發前黃媽媽叮囑我要買肉骨茶返香港, 咁岩松發有得賣, 所以買左盒香港 

食飽好滿足~ 

坐返MRT去到SENTOSA~ 

去到差不多日落喇~

總算搵到HARD ROCK HOTEL, 唔識路~ 行左一大轉行哂咁多間酒店, 先搵到HARD ROCK~ 其實就係鼎泰豐旁邊有個入口, 不過係得樓梯~ 拎行李都幾吃力~ 一唔係就好似我地咁行左一大轉, 就唔使搬樓梯, 但就行得遠~ 

一入到去果然好ROCK ~~ 我無用~ 如果我一個人實唔會揀HARD ROCK~太暗~

YEAH ! 終於拎到房喇~~ 房間唔算大~ 都幾舒適~~一樣ROCK味好重~

最喜歡盞水晶燈, 無佢間房好暗~~ 連枕頭都有結他LOGO~ 好得意~

浴室好似後台化妝間咁~ 哈哈~

我地3月25日黎住325號房~ 哈哈~

睇下D lift~ 好暗~

行返出去坐一個站到vivo city先~ 

打算行下睇下有咩岩買~ 

呢間 Charles & Keith 上次買到做埋member, 今次我帶埋張卡黎睇下, 不過今次睇唔岩~ 咩都無買~ 不過一場黎到可以睇下d手袋仔, 都幾平~ 幾佰蚊但質素唔錯~ 係新加坡本地品牌~

實在無野行, 食松發又食飽, 想食辣蟹都食唔落~ 見到有Cold Stone~食份香蕉船開心下先~ 今日既行程就係咁hea~ 但我已經好攰要去訓教先~  

2015 Singapore 6D5N Schedule ● 新加坡自由行 《行程、電話上網卡、天宇旅遊、前往聖淘沙方法、酒店》