[家有囍事] 妹妹大日子 Bigger & Chris Wedding

HALO~~大家好呀 ! 小妹呢加人在澳洲 Tasmania既Freycinet Lodge ,Coles Bay, 時間關係等食飯, 可以得閒上下網打下卜, 重點係上到網 ! 仲要係快快地既, 實在難得 ! 決定得閒就出澳洲卜, 即寫即出, 大佬有成廿日, 我之後實寫唔出, 等下啦 ! 哈哈哈 !

[家有囍事] 妹妹大日子 Bigger & Chris Wedding

1 MAY , 2015

今日係我妹妹大喜日子 , 終於等到今日喇 ! 哈哈哈 ! 大家都好開心~~ 我兩個細佬最開心, 終於有間自己房~ 哈哈哈 ! 我妹結婚, 時間好似一切都好快, 有時真係睇返D相先可以感受下當時既氣氛,  雖然妹妹嫁左, 但我仲覺得佢好似以前咁, 可能就好似父母睇我地咁, 永遠都係小朋友 ! 我今日先知我妹夫好感性, 哈哈哈 ! 多謝你娶我阿妹 (激死bigger) ~~ 你地一定開開心心幸福快樂 , 我相信你地一定會幸福的 :) 

一個早晨熱熱鬧鬧咁各有各忙, 影下相先~~原來嫁女我爸媽既心情會變得好低落~ 哈哈哈 ! 我睇到就覺得好笑, 可能我未女, 唔知個種味道係幾咁唔捨得~

Yeah ! 接新娘時間到喇~~~~ WOW~~~ 好熱鬧~~~~

哈哈哈 ! 玩新朗真係最好笑~~~

YEAH !!! 成功喇~~~~~WOW~~~拍手拍手~~~~

妹夫, 我個妹交俾你喇 ! YEAH !!!!! 

派禮物時間 ~ 禮成影相先, 我第一次飲茶咋 ~~~ 哈哈哈

出左門我地就輕鬆喇 ! 我地去左飲茶, 之後仲返屋企訓返陣, 好攰呀 ! 阿妹結婚, 我攰到爬係度~~HAHA~ ! 四點去到會場喇~~BIGGER已經換好裝喇~~

鮮花球好靚呀 :) 妹妹揀呢個場好靚呀 ! 感覺好舒服~~ 我妹都好靚呀 ! :3

花球 : K's floral wedding

CLUB ONE 郵輪堤岸

周圍影~~  細佬們+女友們~~

證婚前合照~~ 齊人~~

好靚呀好靚呀 ! WOW~~~

呢一幕真係好感動又好SWEET~ 我妹夫係接到我妹開始喊, 我相信佢好感動, 覺得自己成家立室, 搞到我地成班人都忍唔住, 個種感動感覺好強, 喊到個女律師都眼紅紅, 正常都唔會架~ 你就知個種感覺幾強烈~~ 妹夫我將我個妹交俾你喇, 要錫哂佢, 永遠愛佢, 記得老婆係陪伴你一輩子的人 !

我地溫氏大家庭都有黎飲呀~~~  我都忙住招呼朋友, 唔得閒影咁多相lu~~~ 愛你喔大頭妹~~ 家姐永遠都會做你既support :3 love u~~

大婚前一晚, 大家都好忙, 我地溫家都忙住幫手, 嫂子先帶d小朋友去新床度玩跳床先~~ 再黎一齊食飯, 奶奶再幫妹妹上頭~~ 我就忙到最後整酥~~ yeah!

新娘子笑~~

yeah ! 好開心呀~~ 最愛我的家人們~~

我整左300個酥呀 ! 睇過我既人先會明白我會幾攰~~ 一世人得一個妹, 辛苦都要頂住, 當晚大家讚好食好開心~~ yeah !