2014 溫氏家族大旅行 ● 台北 DAY 4

2014 溫氏家族大旅行 ● 台北 DAY 4

28 DECEMBER, 2014

終於到第四日喇 ! 來去匆匆~ 今個旅程好開心, 真係好愛大家庭 ~ 父母健在時真係要用心多多陪伴, 自己再大, 有自己既世界, 生活, 子女, 但父母好多時因為子女既長大, 慢慢覺得生活無左焦點, 所以有時間真係要陪下老人家, 要感恩要報恩就係時候喇 ! 陪伴我相信對父母黎講係最大既禮物 ~ 

好喇~ 去到第四日我地又去左邊呢 ? 酒店過黎美麗華好近~~帶小朋友黎玩下摩天輪~~我地仲等佢開~~ 因為太早到 ! 同奶奶同車廂佢好驚....哈哈哈 !

玩完我同老公就去旁邊旋轉玩木馬~~ 好開心呀 !! 

好似NT50, 好抵~

:)

我地玩緊, 佢地睇緊, 哈哈哈~! 轉頭到小朋友玩啦~~

五小孩~ 

下一站就係西門町~~ 我地兩個又閃左去拍拖拖喇~~ YEAH ! 第一時間去左買老天祿~~ 買俾黃爸爸食~~

之後掃街~~ 好掛住~~ 阿宗~~ 山豬肉腸~~

最後一站, 坐高鐵去機場~~ 為左俾大家感受下高鐵有幾快之前~~係台北車站醫肚先~~ 因為台北車站人太多, 先安頓好家人, 我地兩個先慢慢行下有咩食~ 我黎台北最想都係食牛肉麵, 誤打誤撞行到黎食到~~好開心呀 ! :) 

最後行多圈, 食埋甜品就出發坐高鐵去機場喇 !

係BEARD PAPA既香蕉味PUFF!!好開心呀~~ 哈哈~ 好彩坐高鐵趕到~~ 不過唔記得左係聖誕節呀 !!! 機場等離境非常非常非常耐, 可能因為安檢好嚴(個排唔知又發生咩事啦) 總之就排左好耐, 如果照正常, 我地一定係上唔到機, 好彩係....架機DELAY~~~遲一個鍾起飛~~ 真係上帝保佑~~~ 好喇 ! 好趕咁就完給左四日三夜溫家大旅行 ! 明年再見~~ YEAH ! :)