2014 Sabah 5D4N Schedule ● 沙巴自由行 DAY 5
《金興利生肉面 、沙巴手信 》
30 OCT, 2014
今日已經係最後半日留係沙巴喇 ! 唔知點解咁早醒左, 清晨時份我訓唔到, 就睇日出 ! 哈哈哈 ~ 我應該係等天光先岩~~ 唔知點解望住個景雖然唔高, 但係感覺得好舒服好廣闊,無壓力 ~ 最唔捨得沙巴個海 ! 其實今次旅程好好玩 , 本身得把聲既我, 夠膽去面對新事物, 去玩浮潛同激流, 不過我都係陪老公去, 如果唔係我都未必玩 ! 哈哈哈 ! 呢度既島都有幾個, 有時間都可能睇多D資料再出發, 可以去睇更多 ! 同埋我去過只有伽亞島, 真係好靚, 海水真係好清~ 好令人忘憂 ~ 放假就係要令人放鬆~ 香港人生活壓力大, 可以既話黎沙巴享受下都唔錯 :)
望到天光就訓返~~ 哈哈 !天真既我真係以為睇到日出太陽升起~
今日無行程呀 ~ 又唔知可以有咩地方去~ 睇書就發現沙巴既生肉面係必食既~ 好鮮甜~ 一定要食咁話!! 就係咁就去搵呢間金興利喇~~ 首先搵佢都有D難, 好唔起眼~~ 因為門面好舊~~ 又無乜人 ~ 唔理咁多,入去坐低先~~~
生肉面到底係咩呢 ?
咸檸7 ~
原來生肉面 完全完全完全係我爸媽煮既味道 ! 肉片米粉~ 佢既米粉都好廣東米粉感覺
佢地出名就係肉筋面, 就係我地香港人食既肉筋, 係豬扒上面個片筋, 媽咪話街市都要留先有既, 係有D筋膜既感覺, 好爽脆~~ 媽咪有時買黎打邊爐好正架~~~ 所以我地食慣左, 就唔覺得有咩特別 ! 未食過既就要試下喇~ 好食既~
食左個家的味道之後就行下沙巴街頭
行行下見到有超市, 好奇心一定會入去睇下有咩買黎做手信,到今日都未買到任何野~~
行左轉咩都唔想買~~ 哈哈哈~~ 無特別~~
之後返酒店拎行李出發去機場, 雖然去機場(T2)好近, 都係早少少準備好 ! 入到去見到呢間made in SABAH~ 就會有沙巴榴槤雪條賣~ 實在唔知買咩, 最後買左兩盒返香港~ 仲有條榴槤蛋糕~
佢會幫你包好哂, 直接拎上機, 其實都有D溶~ 返屋企快快放雪櫃~
啊~~~終於寫完喇 ! 2014沙巴之旅 完結 :) 多謝老公陪我去散心, 有你真好 ♥ !
妹妹今日都返到香港呀 ! 可以一齊返屋企 YEAH ! 開心開心~~
留言
張貼留言