2014 Sabah 5D4N Schedule ● 沙巴自由行 DAY 3 《 Coral Garden Snorkeling、Horizon Hotel、怡豐茶室、Jesseltion Point、新記肉骨茶、天橋底榴槤》

2014 Sabah 5D4N Schedule ● 沙巴自由行 DAY 3

《 Coral Garden Snorkeling、Horizon Hotel、怡豐茶室、Jesseltion Point、新記肉骨茶、天橋底榴槤》

28 OCT, 2014

WOW~ SUNNY DAY~

天氣真係好好呀 !! 見到呢D天咩心情都會好~HAHA 。今日要離開呢片大海喇 ! 好唔捨得望住張相都覺得正呀 ! 大海大海~ 希望好快再見啦 ! :)

早安 ! 訓得太好一早曬曬太陽先 :) 不過去完沙巴真係黑左好多呀 ! 呢邊既太陽好勁防曬唔補就一定黑我不嬲都無補妝呢回事, 所以黑係好正常 , 預左架喇 ! 哈哈哈

呢邊好多花草樹木, 好舒服空氣都好清新呀 !

早餐時間~ 今日早左少少終於可以影下相, 前幾日遲左咩都無 ! 哈哈 ! 呢道香蕉蛋糕好好味呀 !

注入咖啡 :)

今日既活動係我咁大個女都未試過架 ! 就係浮潛喇 ! 係RESORT入面既活動黎既, 我都唔記得左幾錢喇 ~ 不過好值得去玩下既, 真係為左我老公膽粗粗去試下架咋 ! 我其實唔識遊水, 二來又驚, 成世人未試過係海中心 , 今次我都唔知何來勇氣呀 ! 唔知驚, 心口真係得勇字 ! 可能環境令我個人好放鬆, 所以就係咁就出發 ! 會有導師係船上教我地點用浮潛鏡, 教用口呼吸, 我好似白痴咁, 唔識用口呼吸, 落到海, 我個鼻係咁入水, 入水死透唔到氣呀 ! 辛苦到呢~ 不過望落海又好靚呀 ! 珊瑚唔算好多, 熱帶魚都有少少, 有魚群, 水好清~ 其實落水都有一個鐘, 我應該浪費太多時間調整副鏡, 我老公應該想掉我落海唔理, 哈哈 ! 因為我係咁㩒佢落水, 佢係咁叫我冷靜, 放鬆, 唔好郁 ! 但我話D浪郁我先郁咋~ 好驚 ! 重點係落後好多, D~~ 就黎漂出海中心喇 ! (心中除左驚到想講粗口之外無其他 ) 好彩導師救我, 我老公就可以自已去浮喇~~~ 我出盡力遊返上船先~~~ 我夠哂皮喇~~~~呢一個鐘過得好快~ 短時間我無勇氣再去浮潛 ! 重點我老公話浮潛想死就帶埋我去啦 ! 哈哈哈哈 ! .... 咁人地真係好驚丫嘛 !!!

上船即刻幫佢影相 !

其實夠鐘喇 ! 哈哈哈 ! 好慘, 佢俾我拖住無得玩, 玩左陣就要上船 :)

開心時間過得特別快, 又係時侯講BYEBYE ! 沖個涼就執好行李要走喇 ! GAYA ISLAND RESORT 好正 ! 有機會會再揀呢度住 ~ 非常推介 !

臨走前都望下今日有咩活動先

再一次四處行下, 我地兩個鍾意去享受下陽光海灘, 下個陽光要去布吉喇 !

CHECK OUT後就坐船出返Sutera Harbour Marina, Sutera Harbour Marina碼頭可以叫的士到HORIZON HOTEL , 價錢幾多就忘記左喇 ! 應該唔貴既, 今次揀呢間都係貪方便, 基本上係市中心呢度全部行都得架喇 ! 食既, 或者行去Jesseltion Point 碼頭都唔係問題, 重點樓下就係橋底榴槤喇 !! 我都係去度先知, 不過沙巴市中心大部份酒店都唔太新, 價錢合理而又近食市等, 好多人介紹 HOTEL 63 / HORIZON HOTEL, 63就好多台灣人推介, 我自己又覺得H 都方便, 住落HORIZON都唔差, 房間舒適整潔 , 我個人都幾推介, 同埋後面就係加雅街, 更方便 :)

UM... 唔好抱太大期望, LOBBY都OK咁啦 !

每次都話住完RESORT, 再住酒店, 失落感....一定有, 我就衰衰格, 又覺得細, 其實呢加睇返都唔差丫 ! 哈哈 ! 幾鍾意張圓圓檯, 好似坐他他咪咁~~

浴室都OK, 呢道浸木桶, 不過太迫, 唔會想浸 ! 最得意係櫃入面有D娘惹衫架~ 不過噴哂D馬來香水, 覺得幾過癮 ~

房景唔錯 ! 沙巴機場係附近, 所以呢~ 酒店最高得13層, 我就好彩咁岩就係住13樓, 哈哈哈 ! 樓下就係橋底榴槤喇 ~~ YEAH !

好喇 ! 安頓好D行李呀~~ 就落街搵野食先~~ 行去後面街就係加雅街啦 ! 第一站怡豐冰室, 咁岩去到無咩人呀 ~ 都成3,4點架喇~~ 都係本地人多~

姐姐煮喇沙 ~ 熱屎辣辣食喇沙~~~

大部份人都係叫喇沙 , 牛雜, 沙煲雞飯, 好彩有分大小, 當然食小就夠喇 !

其實同香港都好似, 都係麵食, 只食多左喇沙~

飲品就好多選擇喇~~ 大部份都係凍飲, 同埋都比較甜~

午餐到~~ 其實我地兩公婆都唔好喇沙~ 哈哈~ 不過黎到總要一試 !

喇沙好香濃, 好重椰奶香, 同埋叫細碗都好多麵

牛雜米 , 出奇地好食 ! 湯底香濃~~ 不錯 !

黎到馬來~ 一定要飲拉茶啦~~~ 飲熱既係最香滑 :)

開餐 !

食飽飽跟GOOGLE MAP行去Jesseltion Point, 食飽慢慢行, 應該行左二十分鍾就到 !

沿途街景, 原來旁邊有個較大型商場, 行下算~ 無特別~

如果無食野, 黎呢度飲杯野睇日落都唔錯 :)

黎到已經關哂喇 ! 得返一間10號櫃檯, 之前一心想去6號 ~ 太可惜 !

好過無啦 ! 10號仔, 好彩黎到買套票,要早一日買架 ! 佢會去酒店PICK UP我地~

今次真係捨命陪君子, 我陪老公玩激流, 好彩勁果個激流條火車軌斷左去唔到, 去玩個低LEVEL既~~ 嘩 ! 玩得激流都夠激啦 ! 仲要分LEVEL~ 好Q驚~~~咁套票包酒店接送, 同埋一餐LUNCH~ 不過呢間10號仔個司機遲到呀 ! 叫我8:30am酒店等, 等到9:45am, 好眼訓..... (DAY 4再講) 玩足一日架~~ RM180位~