2015 Macau 2D1N ● 閒遊澳門

2015 Macau 2D1N ● 閒遊澳門

8 - 9 March , 2015

好耐無踏入澳門喇~ 對上次去已經有一年喇~ 係我腦海仲記憶悠新, 何解已有一年之多~ 講返今次啦~ 其實都係見無聊無咩做帶下黃爸媽出去遊一遊咋~ 原來黃爸媽已經好幾年無過去澳門, 上次仲係住威尼斯人, 嘩 ! 咁真係好耐無跟我地去喇~ 因為都好耐無入住過威尼斯人~ 今次孝順女婿又要帶外父外母住靚酒店一齊開心下~ 哈哈~ 雖然簡簡單單都係遊下賭場 影下相 食下野 都好開心呀 !  我地真係無咩行程架, 澳門景點我好多都去過, 而且真係除左賭場真係靚之外其他景點都....... 反正食下野開心下算啦~ 所以想參考行程既, 就睇返之前d卜搵啦 !

好啦~ 一落船就梗係搵食先啦~ 我原本打算去永利軒飲茶, 點知去到門口話無哂位, 要2:30PM後先有位, 算~ 我地去星際丹桂軒, 點知都係無位, 呢間飛都無得拎, 咁都算 ! 再去第三間GALAXY既丹桂軒, 又係無位, 嘩 ! 帶黃爸媽食餐好姐~~ 都咁難既, 而且今次住既酒店唔近呢幾間賭場, 要坐的士再入少少先到~~ 咁最後決定去酒店附近既六棉酒家, 真係睇下好唔好彩架咋 ! 好彩去到都要等, 等左二十分鍾終於有位喇~~~ 好感動呀 ! 下次我會訂定檯架喇 ~~  最好彩係六棉酒家正正係酒店後面, 好方便~ 

六棉酒家感覺好八九十年代既高級酒家, 有傳統味道~ 而且食物質素不錯 ! 值得推介~ 下次我想試下晚市小菜~ 聽聞都唔錯架~ 

點心, 選擇唔算太多, 不過以傳統點心居多~ 

呢度有FREE WIFI架~ 正咧~

可以上網睇下有咩點心必食啦~~ 又再睇下自己想食乜咁啦~

左上 : 檸香叉燒酥 - 啖啖既檸味, 叉燒酥很酥脆香口 好好味~

右上 : 糯米雞 - 大家讚好~ 一黎就熱辣辣上, 非常好味!

左下 : 藥膳雞腳 - 湯底好香, 好骨膠原, 不過雞腳唔夠淋~ 岩岩好~ 

右下 : 馬拉糕 - 大家一致覺得麻麻地, 唔夠香甜~

必食 ! 原盎鳳爪排骨飯, 爸媽話好有以前酒樓原汁原味既味道~ 加d豉油撈飯好正 !  

超大大粒蝦餃~ 彈牙~ 

Heehee~~ 好耐無見,say 個HI~  

食飽飽去邊好呢~ 去拎左酒店房先, 得一間, 另一間未執好房~ 係黃爸媽間房HEA下傾計飲下茶~~ 就行下金沙城中心~   

見到大熊貓~ 影張相先~ 

見到阿達加斯加既動物呀~~ YEAH~ 好似小朋友咁去排隊影相, 好開心~~~ 

少男少女~ 哈哈哈~~ 

D花好靚~ 

老公話要拎財神粒金原寶, 夜晚就送左錢俾財神喇~~ 哈哈哈~ 

另一邊見到呢隻野~ 溫生好興奮~ 唔太明白點解見到怪獸會開心~ 

仲走去摸佢~~~~~ 

仲同佢合照~~!!!! 無人排隊同佢影, 好慘~ 

一柱擎天

YEAH~ 合照下先~ 笑~ 

我問 : 點解種仲D椰菜花既 ? 

黃媽 : 呢D唔係椰菜花呀~

我問 : 咁係咩 ?

黃媽 : 係椰菜花既椰菜花囉~ 

我 : .............(可唔可以俾個合理少少既答案)哈哈

遊客影相景點~ 

唔介紹~睇過N咁多次 

 帶黃爸媽黎睇~佢地覺得好靚~ 好認真地欣賞~

我地自得其樂~ 哈哈~ 自拍~ 

遊客 123 笑~ 哈哈~ 

我掂到粒石呀~~ 

好喇~ 又返酒店先~拎埋我地間房先~

呢間ALTIRA酒店最特別係個LOBBY係最高38樓, CHECK IN必經38先可以去到36以下既酒店房~ 好過癮既設計~~ 

LOBBY~  

黃爸媽住3605 我地3607~ 

36樓係最高架喇~ 走廊既香水味太太太太濃~ 濃到我覺得臭 ! 

 哇 ! 間房都好大~ 而且好靚~ 

客廳部份~ 

環境舒適見到張床好想訓~ 

浴室設計好鍾意啊~~好大~ 

淋浴間~ 

旁邊就係大大個浴缸~ 又大又圓~ 

 ALTIRA SPA出品既清潔套裝~

仲有浴鹽, 不過我唔鍾意隻味~ 好似GAY佬味~好古濃水味呀~ 

夠哂大~ 洗乾淨先浸~ 太爽喇~ 

配備當然完善~~ 

免費任取~ 

有不同酒杯提供~ 

收費區~

香檳+白酒都要錢, 其他可以任飲, 不過唔可以拎走~ 飲完放返D罐係房~ 

茶具~ 

隻杯MADE IN FRANCE 不過設計到隻耳仔放唔到手指俾去架~ 好搞笑~

好鍾意間酒店房呀~~ 好開心~~

終於快手影好哂相介紹完喇~~ 我每次去旅行影酒店相, 老公都配合得好好~ 哈哈哈! 

影下景先~  

呢度影夜景好靚~ 估唔到~ 夜晚熄哂燈睇得仲清仲靚~  

又黎下一餐~ 之前介紹過喇~ 葡韻美食~

去到岩岩好有位, 仲要同上次坐同一張檯~有緣~ 

yeah~ 飲杯~ 

好開心帶到黃爸媽黎呀~ 呢度葡國菜係好食夠地道~~價錢就唔太平, 消費around$200-250/位~

檸檬炒蜆, 蜆肉非常肥美, 鮮味十足~ 

炸物 - 我記得$50-3件(任選3件) 我地揀左呢3件, 牛肉餅一般, 其他都好食~ 

食到唔講野~ 哈哈~ 

食完蜆又再等第二道菜先~~~ 

葡式牛舌 - 我好鍾意食, 薯仔好粉~ 個汁好夠味, 牛舌炆到好淋滑~ 好好食呀~ 

葡式鮮茄雞肉飯 - 上次食過好掛住~ 新鮮雞~ 煮出黎味道好鲜~等我自己學下煮先~ 應該唔難既~ 

燒豬手 - 好食 ! 外脆內滑, 不過燶左少少~ 

甜品 : 木槺布甸作結 (係老闆娘介紹話好好食, 所以一試~ 真係堅好食) 

其實已經好飽, 但都要開心share食埋佢~哈哈哈~ 食完大滿足 

9 March , 2015

GOOD MORNING

CHECK OUT埋都十二點幾喇~ 酒店行去喜蓮都好近~ 午餐時間排哂隊~ 

照舊牛尾茄通 

芝士雞扒飽~ 必吃~ 

第一次試咖哩角~ 

特別在於用三文治去整~ 咖哩味好香~ 

炸水餃, 炸就香口, 不過我喜歡湯煮多D~ 

招牌 奶茶紅豆冰~ 

食飽行去買手信之前帶爸媽黎影下相~ 

扮總統呀???哈哈哈~ 

行去買蛋卷再行去威尼斯人~ 

又休息陣就等上車去坐船返香港喇 ! 行程夠HEA夠嘆夠飽啦~ :)