2014 Taipeil 5D4N Schedule ● 台灣台北自由行 DAY 4《(淡水)淡水可口魚丸/Ancre café、(石牌)湯瀨溫泉、大發百元熱炒》

2014 Taipeil 5D4N Schedule ● 台灣台北自由行 DAY 4

《(淡水)淡水可口魚丸/Ancre café、(石牌)湯瀨溫泉、大發百元熱炒》

1 MAY, 2014

仙蒂小溫太 || 分享快樂生活本子 ||

LIKE : Facebook Page

終於黎到旅程既第四日喇 ! 時間過得好快呀‧‧‧ 我地好唔想返香港~ 哈哈 ! 日日吃吃喝喝笑笑玩樂~ 人生呀~ 就係要努力先可以享受~ 其實我都好努力做個老婆架~ 其實我真係好忙架~~ 哈哈 ! 朋友們呀~ 俾心機搵錢, 我地一定會再有機會一齊去玩架~~ 哈哈 ! 呢個時候我已經化好妝~等緊佢地就可以出門口喇 ! 到第四日我地已經開始攰到唔想行~ 所以今日既行程係超HEA, 一直講咁既行程先岩我地呀~ 哈哈哈 ! 今日係「嘆DAY」先去Cafe飲杯咖啡~ 再去浸個溫泉~ 食飽飽就返酒店訓教~ 哈哈哈 ! 點解會咁爽架 ?

O~ 下雨天呀~ 決定一人買把遮~

好似NT200一把, 我個把最後爛左~ 變左NT200用1日~貴~

落雨濕濕去旅行最怕咁架喇 ! 我對鞋係濕哂~ 濕全日~ 好彩新鞋唔會腳臭, 不過新鞋就搞成咁喇~ 哈哈~ 都唔知好唔好彩~

今日係胖胖陪我地既日子呀~ 近近地約係淡水~ 帶COEY同豆子食地道野~

可口魚丸同餛飩, 最驚喜係肉包~好好味呀 ! 有肉汁既包~好鮮味~ 仲有個辣醬點住食~好好味~難怪咁多本地人食~ 重點係好好好好好平~ HK$1X/位~ 哈哈 !

原本打算帶佢地去情人橋, 不過我同豆子去過, COEY話我地唔係情人關係, 可以唔使去~ 哈哈哈 ! 重點係我地真係唔想再四圍走, 你想像下我地對腳係勁濕 ! 岩哂~ 就咁就行去Ancre café, 呢間係咁岩係台灣卜友介紹~ 見到當時環境好正~ 好舒適~ um... 我地咁岩去個陣退潮, 不過望出去真係好舒服~ 如果天氣好d會更正 !

Ancre café 安克黑咖啡

地址：台灣中正路233號電話：+886 2 2626 0336

環境乾淨舒適~ 令人好放鬆~ 我地一黎到就好開心~ 不停講真係好呀~ 好舒服呀~ 好靚呀~哈哈哈 !

特色的擺設~

如果我住台北無無聊聊都可能會咁做~

介紹一下食物~ 真係正 ! menu都好特別, 好似畫漫畫咁~ 好靚呀~

YA~首先送到既~ 我既熱抹茶歐蕾~ 好好飲~ 濕泣泣寒寒地飲淡熱LATTE~ 真係好幸福 !

叫左客薯條, 一睇就知好味啦 ! 非常酥脆~

蜂蜜甜甜圈鬆餅~甜甜圈食完令人幸福感倍升喔 ! 一人一件岩岩好~ 其實係台灣鬆餅黎既~~好好食~ 好鬆軟~ 好香~ 食一件唔會太飽~ GOOD !

同MENU既公仔畫一樣架~ 好靚~ 呢間CAFE真係好有心~ 我記得全部都好好飲~ 左: 冰抹茶歐蕾, 中: 摩卡咖啡砂冰, 右: 冰焦糖蜂蜜奶茶

YEAH ! 齊哂~ 開動喇~ 好開心呀~

帶左自拍神器自己影相先~ YEAH ! 開心~

多謝胖胖既陪伴呀~ 夜晚仲帶我地去食熱炒~~呢個朋友真係唔話得呀~ 錫哂你~ 哈哈~

單眼甜甜圈~~ 見到好想食落肚~哈哈 !

好~ 坐到四點左右~ 時間關係要出發浸溫泉喇~ BYEBYE 淡人~

我地坐捷運去到石牌站~ 行過對面係公車, 搭508、535、536公車，至站名<行義路3>下車，於行義路300巷進入，步行3分鐘即可到達[湯瀨溫泉]

幸好都有本地人去~原來呢邊好多湯屋~

哇~ 好大煙~ 落完雨, 天氣好濕~

終於到喇 ! 今次只係去浸完就走~ 當然好好好好舒服~ NT200/位, 真係超抵 ! 而且好推介湯瀨, 雖然公共湯屋唔算大, 真係好日式, 要裸浸的, 一定分男女湯~ 環境衛生都好高分, 本地人見到我地遊客, 會望實我地, 提我地要沖涼, 帶浴帽後先可以落溫泉(只有一個溫泉)~全部人都睇到你沖涼, 日式個隻~ 個時去北海道都係咁~~ 好有日本FEEL~ 真係正 !

湯瀨SPA溫泉日式料理 (石牌站)

地址：台北市北投區行義路300巷1號 02-28760888

休假日： (女湯) 周五 08:00~10:00 (10:00後開放)

費用：無用餐，200元/人，無時間限制

捷運石牌站搭508、535、536公車，至站名<行義路3>下車，於行義路300巷進入，步行3分鐘即可到達。