2014 Taipeil 5D4N Schedule ● 台灣台北自由行 DAY 2
《上引水產、五分埔、天仁茗茶、極野宴燒肉、(西門町) 夜遊西門/巴黎草莓》
29 APRIL,2014
仙蒂小溫太 || 分享快樂生活本子 ||
LIKE : Facebook Page
真係唔好講笑 ! 我只係執相, 真係見到都覺得好飽~ 唔明點解可以去親都係食~ 完全無咩景點~ 哈哈哈哈 ! 我相信我個胃好嬲我個幾日咁傷害佢~ 哈哈哈哈 ! 好喇 ! 出發我地既第二日行程~
每天一早要去清清個腸胃, 每天一杯蜜糖白苦瓜汁~ 好好飲~ 個底太苦我就唔飲喇 ! 豆子就話超正 !
白苦瓜功效好多~ 反正係最健康既飲品~
每天必到《檸檬屋》買苦瓜汁 ! 讚 ~
仲有豆子話要每天必吃蔥抓餅~ 我地都係叫一份再SHARE~ 有d野落下肚就好夠喇 !
yeah~ 我都識整喇 ! 美味美味~
今日行程只係勁食食食食團~ 睇返都好開心~
我地第一站係去上引水產食個LUNCH~ 黎到行天宮站~
一出捷運站~ 大約要行10-15分鍾先到上引水產~ 見到有U BIKE~ 我地停左係度, 望下部機點用~ 呢個時候剛好有位先生租車, 我地三個望住佢點租, 佢見我地眼眼望傻下傻下~ 好主動教我地點租車, 真係感激~ 台灣人真係好好人~
聽教中~~係第一次登記個陣麻煩D~ 要有台灣電話號碼, 同悠遊卡做登記, 直接用右邊部機登記, 之後再用悠遊卡就可以拍卡取車~ 其實好方便架咋 ! 好開心呀 ~ 終於可以出發喇~
好彩有帶~ 唔記得電話號碼~ 哈哈~
YEAH ! 先生教完我地感謝佢一輪, 我地就拎車出發喇 !
YEAH~~ 興奮~~
借車/還車都要拍悠遊卡, 好方便 !
出發~
跟住GOOGLE MAP一直踩~ 其實踩左5分鍾左右, 話係人多車多既道路上踩除左勇氣外, 只要一口氣向前, 最驚撞親人咋~ 哈哈 ! 幸好都順順利利~ 因為上引係無車站架~ 我地見到前面有停車站就還車先喇 ! 反正再行上去都唔太遠LU~
跟GOOGLE MAP行, 唔識路又問下人~ 大部份都係遊客~ 終於黎到~
上引水產 / 第二果菜批發市場 (天宮站)
前往: 捷運行天宮站3號出口,沿松江路往民族東路直行 (15mins)
上引水產~ 我地終於到喇 ~
睇相睇得多, 不過俾我想像中細好多, 好似係一間SUPERMARKET多D~ 唔係魚市場~ 可能去完韓國果個~ 落差太大, 唔覺有咩特別~
得個睇字~ 見岩都可以買黎食~ 不過價錢唔平~
四處行一行先, 原來有間立食餐廳~ 好多人等位~ 我地都係度食~ 等左大約一個鍾先有位~
行街個陣發現呢包紅豆湯~ 好好飲喔 ! 一袋只有四包~ 我覺得好飲~
終於有位喇~ 立食立食~ 我地大約食左每位HK$350, 食物新鮮好食, 感覺幾特別 ! 遊客值得一試, 下次我會去出面買外賣會抵食好多~ 哈哈 !
先叫左兩個餐~ 一個餐有好多野食架~ 手握壽司好正 !
生蠔好好食~ 好甜呀 ~ 樣樣都正 !
好味~ 好回味~
我地係叫左一堆先發現乜咁多野食~ 哈哈 !
呢度無免費茶水, 不過食壽司我都習慣飲熱茶~ 呢杯綠茶好飲~
仲有叫左馬糞海膽(左上)好鮮甜架~ 好creamy~ 牛柳好好食~ 係用備長碳燒, 好香~ 呢餐真係好滿足~
叫左客蟹腳, 同我自己整既無咩分別, 可以不叫~ 呢度一條等於我自己去梁九記買一份蟹腳~哈哈 ! 不過都好味既~
出面有燒烤區~
食飽飽好滿足呀~ 我地就行返去坐捷運, 原本想踩單車, 點知唔夠車, 就行算啦~ 食飽飽散步~ 之後去左《五分埔》掃貨~ 我好鍾意係台灣買衫架~ D質地好D~ 價錢又合理, 係香港D衫俾租金拉貴哂~ 我一口氣買買買買左堆~哈哈
《五分埔》真係女生購物天堂呀~ 真係超多衫買 ! 不過豆子同COEY唔係好岩行, 行左陣就閃喇~
哈哈~ 我係度買左好多衫~ 快快手~睇岩俾錢~ 下次再黎一定要去多轉先~
哈哈~ 開始無咩行程~ 我地坐捷運返去忠孝敦化站 又可以行頂好名城, 買埋尋日未買既野~ 哈哈~ 去左天仁茗茶休息下 ! 真係好攰呀~ 行行行無坐過~ 好彩有位坐陣~ 要抖夠先行到~哈哈 !
熱奶綠~ 最愛熱熱的~ 好好飲~
野宴極燒肉 (台北SOGO旗艦店)
地址:台北市大安區忠孝東路4段49巷4弄8號 02-87737499
(忠孝復興站4號出口)
我唔太推介呢間~ 因為之前食過都好好味 ! 呢間雖然任食, 食物用料太差, 價錢唔算平, 都係乾杯 / 冠軍烤肉 最好 !
可能肚飽~哈哈 ! 又唔太好食~ 我地都食左好少咋 ! 好唔抵~~哈哈
好後悔帶左佢地黎呢間~ 下次一定會去乾杯~ 呢間CP值講到咁高~ 真係好唔認同 !
甜品只有一份, 味道不錯 !
去左行SOGO~ 豆子介紹有間千層批好好食~ 可以買返酒店做甜品 !
見到甜品就好開心~
有好多味道~ 真係唔錯 ! 可以買黎食下~
返西門町喇~ 最後一站, 就係去巴黎草莓買野~
水果都好靚, 要買D生果食先得呀 !
我係呢D地方就失控~ 我要快D用哂D護膚品先呀 ~ 見到BEVY.C品牌好開心~ 想試好耐, 呢加香港LOG ON有得買喇 !
我大出血後返酒店休息 ! 我出發前仲同老公講, 台灣我唔買手信架喇~ 你地都食到唔食~ 估唔到以為無野買, 我會買左咁多我用既好野 ! 哈哈哈哈 ! 今次好自私呀~ 全部都係自己野~ 哈哈~ 好過真係好開心呀 !
BEVY C價位唔算平, 中價~ 不過好細盒, 計落都貴~ 美白面膜好好用~ 左下角保濕霜都好好用~
買左堆衫~哈~
轉個頭一齊落街買野食~ 呢間萬國滷味都好好味~ 可以支持下 !
返酒店一齊享受~ 好幸福呀~~~~~~
食飽飽傾下計就訓覺喇~ 真係好攰~~ 聽日仲要去九份~ 晚安~
又食又買超開心呀~~~ 海鮮同甜點都好吸引呢~
回覆刪除超正呀~~ 所以好開心呀
刪除我地成日都話自己係廢柴...食得咁小野~
回覆刪除而家睇番...其實我地都唔算廢...食左好多野~
哈哈....XD
其實係呀~ 係飽到食唔落咋
刪除五分埔好啱睇呀)))))一定瘋狂喪買
回覆刪除排成個鐘仲要立食.......我就唔制喇^^
五分埔好好買~ 真係買到好多好野~
刪除我發覺而家去旅行, 都係以食行先, 番來一定肥幾 lb.
回覆刪除真係無錯~ 同埋仲要好平~
刪除Cindy:
回覆刪除~又真係由朝都食到晚. 不過難得去到, 當然食返你夠本啦!
~你買衫速度都幾快, 而且, 我覺你平時着衫, 好好睇
哈哈~ 我買野真係好快架~ 睇岩就拿拿聲俾錢, 好怕買野要人等我~
刪除食食食至鍾意😄
回覆刪除無錯~ 旅行咁先開心~
刪除超多美食!
回覆刪除哈哈 係呀~ 好飽
刪除