2014 Taipeil 5D4N Schedule ● 台灣台北自由行 DAY 1《(永康街) 度小月/思慕昔冰館/天津蔥抓餅、(忠孝復興/敦化) 糖村/SOGO/頂好名店城、馬辣麻辣鍋》

2014 Taipeil 5D4N Schedule ● 台灣台北自由行 DAY 1

《(永康街) 度小月/思慕昔冰館/天津蔥抓餅、(忠孝復興/敦化) 糖村/SOGO/頂好名店城、馬辣麻辣鍋》

28 APRIL,2014

仙蒂小溫太 || 分享快樂生活本子 ||

LIKE : Facebook Page

終於有時間開始寫台北遊記喇 ! 每年一到台北~ 真係好開心~ 雖然每年去, 但感覺都好開心~ 有種好思念老家既感覺 ! 哈哈哈~ 誇張~ ! 不過今次真係好開心, 真係好難得有咁既機會可以一齊相處五日四夜, 朋友難得當一場, 去個旅行就係本著快樂、享受 ! 所以去到旅行尾聲, 豆子話攰到笑唔出 (因為佢真係用心用力四圍走都係為屋企人帶手信, 真係要拍手鼓掌!) 我好記得我講左句 : 你唔記得左我地黎旅行既目的係咩 ? 去旅行係為開心丫嘛 ! 所以去到回都要開心~ 唔好俾疲倦掩蓋左快樂 ! 大家都叮一聲 ! 係~ 去旅行係為開心而去~ 大家又再笑笑口咁入機場喇 ! 雖然攰, 但開心~ 最重要係我老公真係超級無敵好, 我咁瘋狂佢都放過我, 哈哈 ! 其實我問老公前有祈過禱架 (證明我有幾想去得成~) 我去得成, 我呢兩位朋友要歌頌BILLY啦~ 哈哈哈 ! 終於可以一齊出發喇 ~~

YEAH ! 出發GOGOGO~

我地一見面就傾唔停, 正當企係流動電梯個陣我就調轉頭見古天樂向我方向急腳行緊, 我就同佢地講, 古天樂呀~ COEY仲走去望下人地對鞋, 確認下~ 哈哈哈 ! 好搞笑~ 咁急原來佢架機要起飛喇 ! 好~ 一個開始係特別興奮既~哈哈~

講返行程, 我地上發得咁突然, 我仲有兩日時間打個行程表出黎~ 咁多地方去過, 都唔知去邊好~ 就試下新野(餐廳)啦 !

今次我地係T2落機~ 就搵岩巴士就上車喇 ! 今次可以直接係西門町落車~ 落車後就開始搵酒店~ 間酒店係第一篇介紹過我就唔多講喇 ! 我今次住間酒店完全唔掂架~ 千萬唔好跟我地住GO SLEEP 呀 !

時間關係我地早到, 未有房, 我地放低行李就出發喇 ! 係西門町掃下街先啦~ 反正都真係餓喇 !每日必吃的蔥抓餅, 呢加我都買到整黎食喇 !

必經的繼光香香雞~ 大份的~ 好好味喔~ 太耐無食喇~

時間關係我地第一站就出發去永康街啦~ 呢加好方便~ 已經有捷運到~ 就係[東門站5號出口] 期待左好耐終於通車喇 ! 好方便呀 ~

YEAH ! 遠眺101

轉入黎就係永康街喇 ~ 行入去第一間就係高記, 聽聞不錯, 不過都無入去~ 因為我好想食牛肉麵, 可惜我成個行程得最後一日係機場先食到~

好想食個間老張牛肉麵休息~ 唯有行返出黎食度小月~ 保證好食嘛 ! 哈哈 !

我地都係每樣叫小小, 大家一齊試下 ! 因為我地呢幾日係會不停食~ 度小月出名既擔仔米粉~ 小小一碗, 好好味呀 ! 醉雞都唔錯~ 台灣土雞~ 每次黎度小月都最愛點龍鬚菜~ 真係好好食, 好爽脆~ 係冷盤黎架~ 仲有炸蝦春卷, 都係好味既~

大約三點呀~ 餐廳無咩人~ 哈哈~ 我地食少少, 因為仲有冰要食~

以前就叫冰館, 今次終於有名喇 ! 叫思慕昔, 呢間原店係永康街15號, 係前少少姐係度小月旁邊有間大D既思慕昔, 我地去左個間, 原店排哂隊, 又熱~ 又露天, 我之前去過, 吧檯櫈好高坐得好辛苦~

我地去左分店, 係前少少, 好方便 ! 係門口點單, 再上去搵位坐~ 地方都算大~ 好開心呀 ! 我地叫一份冰SHARE~ NT$180 超級雪芭芒果雪花冰 好抵呀 ! 真係好大份~ 好開心呀~

NT$180 超級雪笆芒果雪花冰

上面球雪笆一定好味的~ 下面厚厚既台灣水仙芒~ 好甜好多汁~ 雪花冰入口即溶~ 好正呀~~~~(流口水)

YEAH ! 我帶左個自拍神器呀 ! 旅行自拍無問題~ 哈哈~ 第一日特別精神~ 我地無越來越無心機影相~ 哈哈~ 太熱太攰喇~ 重點我地開始老喇~ 哈哈哈哈 ! 無活力~

美味推介 ! 永康街

我係旅遊書又見到, 有間蔥抓餅好好食~ 我就見到排哂隊~ 忍唔住要去買返一份食下 !

天津蔥抓餅

原來出名在加左九層塔, 辣辣地, 即買即食~ 正 !

九層塔+蛋 NT$35/份

食完我地就出發行程喇 ! 大家記得黎永康街就到[東門站5號出口]

時間關係我地坐捷運到忠孝敦化站

豆子介紹去糖村 , 我見香港一田有售, 大家想試可以去一田望下~ 哈哈~ 台灣馬路太長, 見到得返十秒要用跑先過到對面~ 哈哈哈 ! 見到豆子跑步忍唔住要影低 ! 佢唔做運動架~哈哈哈~

糖村店內唔俾影相, 所以係門口影戰利品喇 ! Yeah ! 我買左士多啤梨味~ 我覺得好味D~

呢區我以前成日行, 都記得d路~ 我要去入下貨仔先~ 之後有介紹過頂好名店城, 買好野一定要黎喇 ! 唔可以講好抵買, 係好岩買 ! 又唔算好貴, 普通價, 我每次買親都好好用~ 講咁多就梗係化妝扮靚用品啦~

入到去上一層23號鋪 - 宏賓日本流行彩粧

仲有熱賣排行榜~哈哈~ 我買2 and 4

主要我係想買化妝掃, 點知買買下買埋其他~ 哈哈 ! 我最推介係貼眼捷毛膠水, 基本上每次去台北我都會入貨, 一係叫台灣朋友帶俾我~哈哈 ! 香港無一支好用~ 貼左上去係全日唔會(luck)一落妝都好易, 唔會傷眼皮~ 非常好用~ 買化妝掃d毛好軟滑, 買買買 ! 眼捷毛夾就夾一下好易上, 不過覺得貴HK$160~ 丸子圈圈好好用, 發現香港759化妝用品店有售, 報告完畢 !