[分享] ♥ 第一次分享按摩店感受, 環境如置身泰國的 MANNER SPA

[分享] ♥ 第一次分享按摩店感受, 環境如置身泰國的 MANNER SPA

其實我自己就好鍾意按摩, 幸好老公都係, 第一次按摩都係佢帶我去, 哈哈 ! 身邊都有唔同朋友喜歡按摩, 今次我就係被好友帶到呢間 Manner spa試下~ 其實唔知咩格局, 只知呢間按摩店位於九龍城Tony Wong對面, 三層密封式裝修. 原來就係按摩店, 真係唔講唔知~

好友介紹我知話呢間店平日非繁忙時段有promotion, Aromatic Body Massage 香薰按摩 50mins + Foot Massage 足底按摩 50mins $398, 不過未試過就試試佢啦 !

第一個感覺都仲係唔錯, 揀好做咩package之後就會俾香薰油味你揀, 有三款, 西柚/佛手柑/薰衣草, 我要左西柚, 可以放鬆同通淋巴(不過我估作用不大, 係要個味既~)

 被安排到按腳既地方, 感覺幾舒服

 

welcome drink係花茶 (味道普通), 不過走個時飲左薑茶 (味道非常香濃, 呢杯正好多 !) 

開始浸腳喇~ 就係呢刻開始, 全店得我同好友, 同面兩位內地口音極重既按摩姐姐非常之嘈吵 ! 其實佢地係傾緊計, 但咁就真係好影響客人, 所以環境同員工不成正比~ 

幸好兩位姐姐按腳開始唔多講野, 如果唔係真係享受變痛苦 ~ 50分鍾按腳好快就過去~~ 我位姐姐按得唔錯~  

之後被安排上1/F按身, 嘩 ! 估唔到九龍城真係變左泰國FEEL~ 

被安排到二人房, 有間沖涼室 (最好按之前沖, 按完一個鍾內唔好沖涼, 好傷身架~) 房間唔算大, 環境尚可~~ 不過50分鍾好快就過喇~ 師傅按得都舒服既, 推油就無咁痛既~~ 

按完感覺鬆左D~ 不過時間太短, 下次再搵第二間按二個鍾就好喇 ! 不過呢間我覺得價錢貴左d~ 勝在環境舒服放鬆

影左張Package相參考下~ 哈哈!

Manner Spa Beauty & Health Studio 

地址: 九龍城福佬村道55號地下至三樓 

電話: 2382 2863