2014 Seoul 6D5N Schedule ● 韓國首爾櫻花自由行 Day 6 《樂天超市、全州中央會館(拌飯)、 明洞聖堂、LONG BREAD、MANGO SIX、退稅》

2014 Seoul 6D5N Schedule ● 韓國首爾櫻花自由行 Day 6 

《樂天超市、全州中央會館(拌飯)、 明洞聖堂、LONGBREAD、MANGO SIX、退稅》 

8 APR,2014

最後一日喇 ! 沒有不捨~ 只係好想返香港飲茶 ! 哈哈哈 ! 

不過最緊要再去多次LOTTE Mart掃貨, 哈哈 ! 今日真係有早起床喇~ 時間關係我地九點已經出門, 坐的士去左首爾站既樂天超市先, 連旁邊有LC既OUTLET我都無時間去~~ 就係超市專心買齊要買既野就算喇 ! 

一大早係無乜人行既 ~ 又無promoter姐姐~ 買野無贈品送架喇 !  

黃爸媽就係要買泡菜返香港~ 哈哈哈 ! 多得CAREY介紹我先知有泡菜魷魚呢回事, 試過覺得好正 ! 係生魷魚黎既, 送粥/白飯都好好味 ! 

全智賢呢支個日買過, 覺得好用, 媽咪買多支, 送多支俾奶奶~ 

呢支髮油今日終於有貨喇 ! 好好用架 ! 我都買左兩支, 送左支俾朋友 ! 係尖沙咀見到又再買 ! 哈哈哈 ! 

之後都係補下貨仔零食咁啦 ! 無咩特別野買LU~ 返酒店PACK好箱先~ 再去食個LUNCH !

呢餐LUNCH我覺得自己好白痴 ! 真係明明酒店隔離有一間, 一模一樣既飯店, 我走到老遠既明洞店, 仲要又貴, 又細~ 我都覺得自己好傻 ~ 因為轉頭食完打算去明洞聖堂行陣~

全州中央會館 (明洞總店)

地址: 首尔特别市中区忠武路1街24-11

 (서울특별시 중구 충무로1가 24-11) 

前往方法: 地鐵4號線 明洞站 6號出口，步行5分鍾

不過最緊要好味姐~ 哈哈 ! 呢碗湯好鮮甜呀~ 好似係蜆肉湯~ 

好好味既石頭飯呀 ! 

不過熱石真係好夠熱, 完全熱到食唔到落口, 要用碗仔分散下熱力先得~ 不過真係好好味 ! 不過呢間就係遊客價錢囉~ 

明洞天主教堂  

地址: 首尔特别市中区明洞2街1-1 (서울특별시 중구 명동2가 1-1) 

前往方法: 地鐵4號線 明洞站 8號出口，步行约8分鍾

地铁2號線 乙支路入口站 5號出口，步行约8分鍾

食飽飽跟住GOOGLE MAP行到黎呢邊~ 咁岩呢邊開始有工程, 好彩仲有得上到黎睇下~ 真係上黎參觀下架咋 ! 不過都幾靚~~ 

好喜歡呢種紅磚建築

天氣好, 無論咩角度都好靚~ 

教堂可入內參觀~ 入都好莊嚴~ 好高樓底~ 

都有教徒黎祈禱, 我行入黎我老公係我耳邊問我, 係咪買得太多野要入黎懺悔呀 ? 哈哈哈 

影幾張相就閃喇~ 

時間關係有D攰攰地~ 去左CAFE坐下~ 係YOUNG PLAZA附近, 放低佢地三個, 我自己一個閃左去YOUNG PLAZA行左陣~~ 哈哈哈 !

cappuccino : ) 幾好飲~ 

叫左杯 Tiramisu甜品~ 好味道 ! 咖啡味夠香, cheese好滑~

好滿足~  

首爾既cafe都好有特色~ 可以坐好耐~ 

 

LONG BREAD 

地址: 首尔特别市中区小公洞 

差不多夠鐘出發去機場喇~~ 返酒店前我同老公閃左去酒店旁邊既mango six~ 有無睇過 <<繼承者們>>呀 ? 女主角打工個間飲品店~ 哈哈 ! 酒店旁有一間, 所以我要去買一杯試下先~ 

成杯都係芒果~ 好好飲喔~~ 

好開心~ 呢個首爾之旅完滿結束喇 ! 真係好攰~~ 哈哈哈  

mango six 

我地返plaza hotel度等3:45pm巴士返機場, 我地早少少到機場呀 ! 驚要做退稅好耐~順便係機場食埋dinner + 買高麗參~ 時間岩岩好呀 ! 

退稅 : 點都要預多1粒鍾早到機場, 因為要退稅既物品全部都要入盒, 好似樂天超市咁, 入哂盒, 如果好似買左d護膚品要退稅, 唔該去M櫃位旁邊買左個紙盒PACK好先, 又或者安排定一個可寄倉既袋 ! 首先到機場, 埋COUNTER出機票, 再寄行李, 佢會問你有無行李要退稅, 當你有2個喼 + 2盒(退稅貨物)紙盒, 咁就一共4件寄倉行李 ! 會痴哂行李條紙~

整好哂D野出哂機票後, 唔該拎返個 2盒(退稅貨物)紙盒*痴哂行李條紙*, 就行去J位置, 帶齊退稅單據 + 物品 + PASSPORT, 排隊等蓋印, 再入閘到28號登機閘口, 排隊拎錢, 要留意, 3一共有兩間退稅店+1部退稅機, 係退唔同既稅俾你 !

真係排完一間, 再排第二間, 再排第三部退稅機, 我唔好彩買齊哂要退哂三間~~

最後老公發現第一間同第三部退稅機得好少錢, 各1500WON , 可以放棄 ! 得10蚊港幣 !

第二間就退最多, 我唔記得幾多錢~

所以退稅要計定先~ 唔係太多, 唔好浪費時間~ 好似我咁笨~ 做哂咁多STEP先唔退~ 退得太少真係好白痴 !!

終於完成喇 ! 食埋個飯去買埋高麗參就上飛機平安返香港喇 ! 六天首爾行程完結 。