2014 Seoul 6D5N Schedule ● 韓國首爾櫻花自由行 Day 5《土俗村參雞湯、梨花女子大學、龍山汗蒸幕、橋村炸雞(弘大店)、帆布餐館》

2014 Seoul 6D5N Schedule ● 韓國首爾櫻花自由行 Day 5

《土俗村參雞湯、梨花女子大學、龍山汗蒸幕、橋村炸雞(弘大店)、帆布餐館》

7 APR,2014

話咁快就黎到第五日喇 ! 今日終於食到我最想食既炸雞~ 一直由第一日講講講講到最尾呢晚先食到~ 真係呢~~ 好過無啦 ! 

原本行程係無計劃要食參雞湯既~ 黃爸爸話想食~ 我就上網睇好多台灣卜友介紹呢間~ 原來都幾出名架~ 尋日食唔到啦 ! 今日原本講好, 要早D出門口, 最後都係遲~ 哈哈哈 ! 不過今日係星期一呀 ! 無咁多人~ 所以唔使等好耐~~

土俗村參雞湯

地址: 首尔特别市钟路区体府洞85-1 서울특별시 종로구 체부동 85-1

前往交通: 3號線  景福宫站2號出口, 步行7分鍾

終於被安排入去喇 ! 有塔塔米 / 檯位~~ 我地要返檯位算~ 唔想咁辛苦 ! 好開心呀 !  右上角呢個牌係埋單用既~

我同黃媽就叫參雞湯, 黃爸同老公就叫烏雞參湯~ 真係好補身呀 !  參湯真係好好飲, 好鮮甜~ 好香新鮮人參味道, 雞肉好滑~ 雞入面包住有糯米, 栗子, 人參, 旁邊有杯人參酒, 俾你加入湯度一齊食~ 呢餐真係好飽~~根本食唔哂~ 哈哈 ! 黃爸爸最抵 ! 我地全部唔食人參, 佢食哂四條~ 哈哈哈 !

食飽飽, 無咩地方去~ 就去下梨花女子大學啦 ! 係細佬強烈叫我去睇下韓國D靚女~ 幫佢帶返幾個返香港 ! 真係好可惜~~ 女就真係好多, 唔太多靚~~~ 哈哈哈哈 ! 

梨花女子大學(이화여자대학교) 

前往交通: 2號地鐵線 梨花女大站 2號出口

可以參觀下校園外貌~

咁岩放學喇 ! 好多妹妹放學~ 影下相就閃LU~

行返出去有D街頭好多野行~ 

就係呢兩條街喇~~ 好多學生妹行街街~ 我就係度買左好多飾物~ 好靚架~

黃爸同溫生既手信~ 買得最多就係襪 ! 1000WON/對~~ 買左五十幾對 ! 哈哈哈哈 ! 

我又敗好多小飾物~ 唔行咁耐街喇~ 唔可以悶親我老細架~ 哈哈 !

龍山汗蒸幕 Dragan Hill Spa (드래곤힐스파) 

電話 : 02-792-0001 

地址: 首尔特别市龙山区汉江路3街 40-712 

前往方法 : (135) 龍山站1號出口 ( I Park Mall旁/Emart 易得買超市可逛)

無錯 ! 我地今日又去龍山汗蒸幕 ! 真係好爽架~~~ 第一日有介紹喇 ! 今日唔多講喇~ 只可以講黎首爾一定要去汗蒸幕~ 哈哈 ! 我地最愛流汗~ 爽爽爽~ 係度可以消磨好多時間 !

出返黎已經天黑喇 ! 拜拜喇~~ 汗蒸幕~ 有緣再會~ 哈哈 !

橋村炸雞(弘大店)

地址: 首尔特别市麻浦区西桥洞362-15 (서울특별시 마포구 서교동 362-15) 

前往方法: 地鐵2號線 弘大入口站 9 號出口，步行10分鍾

汗蒸完係好肚餓~~ 餓屎左~~~ 拿拿聲上左架的士, 司機好好人~ 車到我地去門口 ! 感激~ 多謝全家既成全小妹~ 陪我食炸雞~ 老公大人係唔愛食炸物既~ 其實我都一般般, 黎韓國唔食炸雞唔UPDATE架~~~~ 哈哈哈 ! 不過呢間炸雞真係唔錯 ! 好好食 !

來一杯啤酒先~~ CASS~~ 好抵飲~ 先廿幾蚊杯~~ 而且好易入口~ 送炸雞一流！

忍唔住要吞落肚~~~ YEAH ! 好開心呀 ! 飲杯~~~~

我點左香辣炸雞~ 全隻~ 炸得好好味呀 ! 唔太油, 不過就好脆, 皮好薄~~ 又好夠辣~~ 真係好味~

香辣炸雞 : 16000WON

叫左多客炸薯角, 不過好熱氣呀 ! 真係太炸~  哈哈哈 ! 其實食完唔夠飽架~ 不過叫做食過咁啦 ! 

我偶像~~ 我仲要同POSTER影相~ 哈哈哈 ! 

橋村炸雞 - 讚 !

返酒店休息陣, 大家又出發去下站~ 食正餐呀 ! 哈哈哈 ! 我唔知呢間餐廳叫咩名~ 係酒店樓下, 睇過價錢先入去~ 

不過呢間我覺得好普通 ! 好彩食左雞咋~~ 

漢堡~

呢道最好味 !

海鮮拉麵, 就係呢D青口搞到黃爸爸肚瀉~ 因為黃爸爸食到青口有D怪味,佢好偉大咁唔想我地食, 自己食哂, 搞到肚瀉~~~ 我地個個笑佢浪費午餐個四支人參呀 !!!!  呢加一食青口都會笑佢~~ 哈哈哈 ! 呢個係教訓, 唔好咁偉大呀 ! 唔食得仲食落肚 !  

YEAH！阿朱媽幫手影張相~~~ 好開心~~~

普通得很~~~~~

小時候最想跟黃爸媽去旅行~ 大個更想帶佢地去看看世界~ 大個女能夠做到幾多就幾多~~ 最緊要大家開心 ~ :)

酒店下既帆布餐館

食飽飽就返酒店房同黃媽媽一齊睇下買左D咩~ 要執執喼~~ 以為無咩買野~~ 點知~~~哈哈哈

前排買到呢加只係用過D 唇膏 ! 哈哈~~ IOPE好好用~~ 價位雖然高, 但非常好用~ 

我最愛既頭箍~~ 髮飾真係韓國最靚~~

一條妹妹一條自己既~~ 行程接近尾聲喇 ! 好掛住香港呀 !