自家韓式烤肉 ( 附食譜 )
[ 材料 ]•••
**於韓式小店買齊醃肉、雞扒/雞翼在燒烤店買**
韓式牛肋骨(已醃) ••• 1條
韓式豬肉(已醃) ••• 1盒
雞扒(已醃) ••• 1塊
雞翼(已醃) ••• 6隻
茄子 ••• 1條
栗米 ••• 1條
唐生菜 ••• 2棵
[ 調味 ]•••
韓式辣醬 ••• 適量
芝麻 ••• 適量
[ 做法 ]•••
1) 熱PAN後掃油, 先放原條牛肋骨燒, 熟後用剪刀剪細後, 包唐生菜,芝麻後食得
2) 其他燒物亦如是, 韓式燒以原塊燒後再剪細後慢食。
在韓式小店買回家, 非常簡單方便 ! 怕不夠吃, 雞扒雞翼在燒烤小店買的!
買到非常清甜的粟米, 仲有短小圓的茄子, 切薄一點較易燒~
哈哈~ 前兩天敗的小碟好岩用~
原條燒, 熟左之後再剪細, 係尖沙咀韓式小店就能買到, 這是一條的份量
燒到七成熟就好食喇 ! 好好味架~~
剪好就食得 ! 開動 !
用生菜包著吃可減少油膩感, 而且可以多進食菜唔會食肉咁單調~ 記得一定要買唐生菜, 特別清甜爽脆~~ 加片茄子加片肉, 再放點芝麻, 非常好吃 !
其實做法好簡單, 人人都識~ 不過計落又幾經濟~ 好似我買咁多都係$240左右, 每人計落都係$80, 所以係屋企燒好經濟 !
好多人會關心大唔大煙呢個問題, 我之前自己都好懷疑~ 不過我買過鐵板, 呢加已經無用喇 ! 因為真係好大油煙同埋彈到四圍都係油, 自從我入左呢款Grill Pan, 試左一次韓燒就愛上, 因為我係用電磁爐最低300-600W細火慢燒就已經熟, 唔會好大煙同彈到四圍油 ! 呢個真係好抵讚 ! 有D後悔唔買個大D size ! 哈哈 ! 黃媽媽睇完d相已經忍唔住打俾我問我仲咩唔叫佢一齊燒 ~~ 哈哈~
想問下洗唔洗落油架?
回覆刪除我熱鍋後有掃油,到燒茄子有加少少油~ 😄唔多油架!唔建議用牛油,係香,不過產生油煙
刪除