2014 Taipeil 5D4N Schedule ● 台灣台北自由行 《行程、電話上網卡、兌換、酒店》
小溫太岩岩又去左個快閃衝動台北之旅, 其實我地有個名架 ! 不過真係堅似咸片名, 「(笑)婦的衝動」哈哈哈哈 ! 得啖笑架咋~~ 不過婦人就得我一位, 今次同兩位好朋友一齊去玩真係堅開心呀 ! 沿途笑料多羅羅, 我地真係堅廢柴, 計劃好去邊去邊, 因為太攰會CUT左, 最後連夜士都係行左一個 ! 哈哈哈 ! 不過來來去去都係咁上下, 而且我去過好多次台灣, 另外兩位朋友都有黎過, 所以有D行程, 唔去就等下次, 去過又可以唔使刻意去~~ 不過對我黎講真係一個SHOPPING團, 我勁買勁買~ 哈哈哈 ! 都係買衫買護膚多~ 忍唔住要買~~ 返香港拿拿聲要排隊清清個櫃~
行程都係計劃不似預期既 ~ 所以返黎先再更新下個行程表
行程:
28/4/2014 (Mon) Day 1
落機 → 兌換/電話卡 → 酒店 → (永康街) 度小月/思慕昔冰館/天津蔥抓餅 → (忠孝復興/敦化) 糖村/SOGO/頂好名店城 → 馬辣麻辣鍋
上引水產→ 五分埔 → 天仁茗茶 → 極野宴燒肉 → (西門町) 夜遊西門/巴黎草莓
30/4/2014 (Wed) Day 3
十分/九份/基隆夜市 → (西門町) 排骨酥麵/指甲美容
1/5/2014 (Thur) Day 4
(淡水) 淡水可口魚丸/Ancre café → (石牌) 湯瀨溫泉 → 大發百元熱炒
2/5/2014 (Tue) Day5
永和豆漿 → 微熱山丘Sunny Hills → MELANGE CAFÉ → 酒店→ 機場
電話上網卡:
我唔知T1同T2有無分別, 我係T2入境既, 所以出閘後係左邊開電話卡, 基本上好多人都會買架喇 ! 所以爆多人排隊架 ! 一開始要決定邊間就排邊條~ 我地揀左台灣大哥大, 叫得大哥大應該唔會差 ! 哈哈 ! 我地去5日就揀PLAN B, NT50 + 無限任上網 =NT$300, 貴少少PLAN C就係多D電話費用, 我呢D普通遊客打去訂下位既, PLAN B好夠用 !
兌換:
兌換我無影相呀 ! 都係一出機場兌換會抵D, 間間一樣架喇 ! 揀間少人排隊就岩架喇 ~ 如果係機場兌完都唔夠用, 好似我咁~ 我就會去附近既SOGO兌換, 同機場個價最接近, 而且服務好, 又快手 ! 不過就緊記帶PASSPORT同入台證同現金, 三樣齊哂先換到錢架 !
酒店:
今次係我揀咁多次台灣酒店最差既一次, 一來我係打電話去旅行社訂既, 二來太急急腳, 睇都無睇清楚就訂酒店 ! 因為我星期五訂, 星期一飛, 趕到嘔 ! 就係咁... 西門附近好少少既都FULL哂, 聽個AGENT講GO SLEEP HOTEL, 就係咁就早哂伏 ! 不過有三人房係咁上下, 唔係話好好好差, 係差D囉 ! 哈哈哈 ! 普通訓教無問題 , 係酒店本身係 8-10/F, 但LOBBY係G/F, 好似3-6/F都係D 卡拉OK房, 波樓, 機鋪, 仲有D痴痴呆呆既人同你同LIFT上樓, 你都咪話唔驚呀 ! 雖然要有房卡先按到LIFT, 但我發現就咁按9/F都可以上到去, 好驚~~ 而且好多西裝男女都係9/F出LIFT~ 大家都知咩事啦 ! 唔通遊客著西裝咩~ 反正撞到D唔多正常都驚驚地, 架LIFT又舊舊地, 訓醒就出發, 返上房就唔落樓就最安全 ! 出入點都係三個人一齊出一齊入 ! 安全要緊 !
LOBBY (好時鐘FEEL)
簡單都無朋友 ! 好彩咩都自備, 毛巾都係自備既好D ! 第一次用紙杯刷牙 ~哈哈
不過叫做訓到 ! 好彩咋~
浴室都乾淨既~
同朋友一齊去台北, 又買又食超開心~~
回覆刪除係呀 ! 同朋友一齊就係會狂買~
刪除嘩! 勁HAPPY!!
回覆刪除你的生活簡直係我夢寐以求呀 (唔駛返工, 閒時約FD 飲飲食食, 鐘意又可以去下旅行, 羨慕羨慕~)
哈哈~ 真係咁岩架咋~老公知我同朋友FD底而且佢地咁岩QUIT左又得閒~ 真係天時地理人和先出發~ 最緊要開心呀 !
刪除正呀,我果日都想買飛快閃,但我去唔成呀~~
回覆刪除真係趕到呢~~ 完全覺得自己唔似去左旅行~ 好似坐巴士咁快 ! 哈哈
刪除Cindy:
回覆刪除~還以為你會講韓國之遊, 點知轉頭去咗台灣添!! 好開心!!
~好彩你一班人去, 你住嘅酒店部電梯, 我有啲驚驚哋, 但有一班朋友陪, 都ok嘅!!
~你每次去旅行, 講出電話卡好長詳呀!! 但而家無internet 真係唔方便!!
哈哈~ 真係好瘋狂呀 ! 星期四買機票星期一飛去玩~ 真係趕到傻~ 不過回頭睇係好開心~
刪除哈哈~~~同好朋友去旅行,真係會勁買架!!!^^
回覆刪除係呀 ! 我買到傻左呀 ! 平機票去, 買左成堆返黎~哈哈
刪除三個女人一個墟 , 呢個旅程一定好熱鬧呢~!!
回覆刪除仲要超開心呀~~~
刪除