2014 Seoul 6D5N Schedule ● 韓國首爾櫻花自由行 Day 4《(世宗村飲食文化街) 牛肉湯、景福宮、光化門廣場、O'sulloc TEA HOUSE、明洞小食、韩国馆 (한국관) 》

2014 Seoul 6D5N Schedule ● 韓國首爾櫻花自由行 Day 4

《(世宗村飲食文化街) 牛肉湯、景福宮、光化門廣場、O'sulloc TEA HOUSE、明洞小食、韩国馆 (한국관) 》

6 APR,2014

每日都想早起身, 去旅行最緊要放鬆~ 最後都會慢慢先出門口, 哈哈 ! 今日打算黎食土俗村既人參雞湯, 點知坐的士黎到之後發現大排長龍, 條龍真係好長~ 所以唔打算等喇 ! 唯有明天請早啦 !

土俗村其實就位於景福宮光化門附近, 好似北京既故宮一樣, 所以守衛深嚴~ 好多警察~ 講返食唔到土俗村啦 ! 咁我地就行返去光化門方向, 沿途條路都係個5大化妝品牌既鋪頭啦~ 全智賢代言既麵包店啦~ 行行下見到有條行好似係食街之類, 好多人食唔到土俗村都會行入去睇下有咩食咁啦~~~~ 我地行左一陣, 其實全部韓文都唔知佢寫乜~~ 就是旦入左間~ 原來係食牛肉湯架~ 不過黃媽媽唔食牛~ 都有豬肉湯~

我地入座後開始多D本地人黎食喇~ 個個都望下我地, 俾佢地睇穿我地係外族~ 哈哈 ! 全韓文, 好彩又有位中國阿朱媽會講少許國語~ 溝通到就得架喇 ! 

牛肉湯之前都睇書見過, 我就無諗過食,不過一口飯一口湯又幾韓~ 哈哈哈 !  牛肉湯本身真係無咩味, 初初以為佢無落鹽, 點知原來係自己落鹽同胡椒, 全部自己調味~ 都幾特別~ 不過落極都好似唔夠味~~ 所以呢餐真係好一般~~ 豬手就係滷既, 不過就唔夠入味~ 飽肚就算~ 哈哈 ! 

食飽就出發去 景福宮喇 !D陽光好到呢~ 唔好講笑我真係曬黑左, 由第一日到第六日係好明顯黑左, 返香港要美白先得喇 ! 

嘩~ 睇張相就知好多旅行團啦~ 哈哈 ! 好似要收入場費, 不過唔記得幾錢, 應該好平~

 對面正正就係光化門廣場~ 星期六/日有市集, 封左D馬路俾佢地賣野~ 真係好 ! 星期一就變返馬路~

門口總有門神係度~ 佢地好高大呀 ! 果然係食人參大既唔同D呀 ! 哈哈哈 

其實同我地中國都係差唔多建築風格~~  

我們是觀光客, 曬到咁都要影張相先~

 一入門又見到櫻花 ! 原來~~ 最靚既櫻花就係景福宮~ 入面會越來越多~

你排第幾就企咩位~ 正三品官位~ 

我好明顯唔係正一品啦 ! 但都要影張相先~ 哈哈哈 ! 

乾淨過故宮~ 哈哈 ! 上朝既地方~ 

宮入面既環境都幾簡陋~ 以前應該無咩錢~ 

 好大棵櫻花樹呀 ! 好靚呀 ! 呢D遠望真係好靚呀 !

應該係以前娛樂既地方啦 ! 環境咁正~~ 係度飲杯茶都正啦 ! 可惜無~ 哈哈 ! 

好曬好曬真係好好太陽~ 眼都睇唔到喇 ! 哈哈 ! 我唔記得黃爸爸叫我擺咩POSE~ 好搞笑~ 

呢度既櫻花又係好靚, 同埋好夠陽光, 天又夠藍~ 真係好靚呀 ! 影到D相好似畫咁~  

老土POSE~ 哈哈哈 ! 

櫻花樹下~ 感覺特別浪漫幸福呀~ 好開心可以帶埋黃爸媽同老公一齊睇到~ 實在太幸福~ 

請位朋友幫我地影張相先~ YEAH ! 難得既合照呀 ! 

見到D花, 我傻左咁興奮~ 真係覺得好靚~ 以為睇電視~ 哈哈哈 !

 

真係好靚呀 ! 呢度真係盛開喇~ 

影張相先~~ 睇埋今日聽日無櫻花LU~ 

行錯路, 去左出口就BYEBYE喇~~ 

 光化門廣場

頭先都有經過既光化門廣場, 好多小檔口係度賣野~ 好多手工呀~ 食物~ 睇既就多, 無咩特別野買~

旅遊書有介紹既景點~ 哈哈 ! 朝鮮三大發明~~ 

原本我地坐地鐵去左高速巴士客運地下街, 點知去到好似葵芳廣場個種, 賣D野係CHEAP D, 如果想買好野真係要搵, 不過我帶住黃爸媽同老公佢地唔多想行, 我自己都麻麻地, 所以行左轉就走左喇 ! 

大家都開始攰攰地, 又去返明洞啦 ! 見到咩就食咩~ 呢個烤肉包好好味呀 ! 加左D芥末醬~ 非常好味 ! 

綠茶專門店 o'sulloc TEA HOUSE (明洞店) 오설록 

地址首爾特別市中區明洞1街47-1 서울특별시중구명동1가47-1 

地鐵2號線乙支路入口(Euljiro1(il)-ga)站5、6號出口之間，步行5分鐘

係明洞尾巴位置~ 我咁愛抹茶又點會放過佢~ 估唔到黃爸媽都喜歡~ 哈哈 ! 

店內都幾大, 有3層, 樓上就靜d~ d位置都好舒服~ 仲有得充電~ 真係非常貼心既cafe~

有好多product可以買黎做手信~ 

地方好大,唔使驚無位~ 不過我地就坐1/F~ 唔使行上行落~呢度環境好舒服呀 ! 香港實在太細, 連CAFE都無咁大空間~ 所以係度坐真係好正 ! 

老公的 ICE GREEN TEA 沙冰~ 其實我唔記得佢叫左咩~ 哈哈哈 ! 最正係上面球雪糕~~ 

 黃爸媽既HOT GREEN TEA LATTE~ 佢地話好香好滑~ 真係好好飲架~

我既係HOT GREEN TEA CAPPUCCINO~  好香滑好好味喔 ! 

 一場黎到一定要叫返件ROLL CAKE先~ 蛋糕好綿滑~ 真係想帶返香港 ! 哈哈哈 ! 點解咁好味~

好開心呀 ! 我一心想黎呢間CAFE架~  

認住個門口, 簡單到行過都唔覺眼架 ! 

大家個胃都飽飽地~ 決定掃街, 係明洞食小食~ 不過其實都唔平~ 呢串雞肉要3000WON, 差唔多$22, 不過真係好好味 ! 辣得好過引~~ 

好好味呀 ! 

對面仲有檔小食架~ 有炒年糕啦~ 飯卷啦~~ 我最愛呀 ! 每樣叫少少一齊食~ 唔使咁飽~ 哈哈 ! 

 飯卷係我至愛~ 我決定返香港自己整~ 哈哈 

食飽我地行返酒店呀 ! 真係好攰~ 去旅行第四日我地已經頂唔順~ 真係廢柴~ 哈哈哈 ! 開始發現香港既美食先最岩我地 ! 其實我OK韓國美食架~係佢地唔太OK咋 ! 哈哈~ 返左酒店休息沖涼~ 原本話唔食飯, 都咁上下又覺得餓~ 樓下既TWOTWO炸雞星期六日唔開架 ! 激死我, 佢地笑我由第一日講食炸雞, 唔係講到走個日都未食到呀嘛~ 有無咁灰先~~ ! 

雖然沖左涼~ 都要落街食下野~

韩国馆 (한국관)

係酒店樓下~ 24小時架~ 好多本地人食~價錢唔貴架~

我同黃爸飲米酒~ 溫生飲啤酒~ , 今餐食韓豬呀 ! 爽~~ 一口米酒一口牛~ 我係天堂~~ 哈哈哈 ! 

好好味呀 !  大家食飽飽就返酒店繼續吹水飲茶~ 同屋企人去旅行就係咁爽~~