2014 Seoul 6D5N Schedule ● 韓國首爾櫻花自由行 Day 3
《南山谷韓屋村、鷺梁津水產市場、永登浦地下街、全州中央會館、夜遊明洞 》
5 APR,2014
呢加睇返D行程, 其實都幾攰~ 不過去旅行我就有無限體力~ 可以四圍走返到酒店仲可以整理行李, 我係變態架, 我要每晚都執好個喼先訓~ 哈哈哈 ! 同我去旅行既朋友都知我有咁既習慣 !
由於我係同黃爸媽去啦~ 所以點都要帶佢地去D名勝地方遊走下~ 因為韓國對我黎講緊係SHOPPING第一啦 ! 不過都要就下大家, 去下D景點影下相, 真係感激櫻花配合, 所以大家行遊客區影下相真係好開心~
呢度靚到我同老公四圍影~ 哈哈 ! 心情好興奮呀 !
南山谷韓屋村
前往交通: 3/4號線 (423) 忠武路站3/4號出口
由於好近酒店, 我地就坐的士出發~ 去到門口, 非常方便 ! 係門口有檔賣手卷架~ 我無影相就咁買左客食完先入去~ 免費入場既, 好似睇D舊時人係度居住既環境 ! 其實都幾無聊~ 可能我上網睇話呢度多櫻花, 所以我先黎咋~~ 因為事隔太耐, 唔係好記得~ 哈哈哈 !
不過呢度環境好舒服~ 好多韓國人黎郊遊~
大水車~
嘩~ 開始見到櫻花喇 ! 唔夠高都要影返張相呀 !
呢度既櫻花都係較白~ 眼睇靚好多~
南山谷韓屋村
黃爸爸見到佢兒時玩具~ 哈哈估唔到佢真係識玩呀 !!!
開始行入去櫻花區喇~ 呢度唔算好多人黎~ 真係好彩~ 四圍影到夠~
好靚好浪漫呀~
睇完櫻花行一陣先~
舊時既人煮飯既地方~ 入面係咪有泡菜???
影張合照先~~ 好曬呀 !!! D太陽光好強 !
欣賞完靚景~ 我地要去醫醫肚先~
鷺梁津水產市場
地址:首爾特別市銅雀區鷺梁津洞13-8 서울특별시 동작구 노량진동 13-8
前往交通: 1號地鐵線 鷺梁津(Noryangjin)站1號出口,步行4分鐘
嘩 ! 好大既漁市場呀 ! 真係好多好多檔口呀 !
大家見到都好興奮呀 ! 大家都係愛海鮮之人~ 而且黃爸媽最愛逛街市之類既~ 漁市場仲岩~ 哈哈哈 !
位置非常易搵, 跟地鐵站一出跟指示就行到~
我地原本跟返之前D卜友既行程去佢地試個間既, 不過最愛都係隨心啦~ 見到邊間靚又岩買就幫襯, 大家沿路由街頭行到街尾啦~ D阿朱媽真係會見你拎住張行程紙, 會搶黎睇, 然後就叫你去佢度買, 好粗魯呀‧‧‧我最驚佢地濕濕既手掂我, 我真係好驚~ 我係咁NO.NO.NO先走得開~ 哈哈 ! 最後行到尾尾有位阿朱媽識講國語, 係中國人, 咁就岩傾喇 !
就係呢檔喇 !
蝦聽聞一般呀 ! 飽魚非常新鮮~ 右下角呢款叫海菠蘿, 做刺身食既~
YEAH ! 買左隻長腳蟹公~ 好開心呀 !!! 好大隻~~~
漁市場雖然大, 但都算乾淨 ! 行左一條街都買齊哂喇 ! 就直樓上2/F自己搵餐廳加工~ 我其實唔知佢地買左幾多錢, 我掛住影相~ 哈哈 ! 所有加埋大約HK$250/位, 我地買左好多, 所以都幾抵食 ! 真係好新鮮呀 ! 我地一共買左《比目魚 、三文魚、鮑魚4隻、大長腳蟹、帶子、海菠蘿》
其實唔知邊間好, 是旦入間~ 都OK既 !
好韓劇FEEL~ 哈哈哈~
好大客三文魚刺身呀 ! 真係好抵食架~ 咁大碟~~ 黃媽媽超高興呀 ! 三文魚係佢最愛~
比目魚刺身, 條骨用黎煮辣湯係非常好味呀 ! 刺身比較硬身小小~ 有D彈牙既感覺, 不過我地唔係好喜歡~ 所以等個湯黎, 就烚熟黎食, 點知熟食係好好味 ! 哈哈 !
心情非常興奮的爸媽~
哈哈~ 黃媽媽都係相機食先既朋友~
有無見到好大碟刺身呀 ! 真係好大碟架~~ 哈哈 ! 影張相先~~ YEAH ! 好開心呀 !
韓式食法, 比目魚刺身包生菜吃, 加蒜片同辣醬一齊食~
帶子係蒸, 佢地話好鮮~ 碳燒鮑魚 , 佢地話好正好彈牙 ! 海菠蘿刺身, 一般般, 有D苦味~
咁高興呀 ! 一定要飲酒啦 ! 我地細細地試米酒好喇 ! 好好飲好易入口甜甜地, 所以好易醉~~
最期待就係長腳蟹喇 ! 我分到一條腳~ 哈哈 ! 我唔太食得, 食到已經好開心喇 ! 因為真係好鮮甜呀 ! 打開隻殼, 個面好似蒸雞蛋白咁, 好滑好鮮, 佢地話係糕, 真係好正 ! 必吃呀 !!!
滿滿的蟹肉~~ 好回味 !
辣比目魚骨湯~ 非常好味 ! 真係一定要叫 ! 唔知自己整唔整到呢~ 哈哈
比目魚剌身變熱食~ 哈哈 ! 肉質好滑~ 食完呢餐大家都非常滿足呀 !!!!
食飽飽就坐地鐵去行下街喇 !
永登浦地下街
前往交通: 1號地鐵線 (139) 永登浦站 5號出口
我地係永登浦買左好多既面膜 ! 其實最好等到星期六、日, 好多大型化護膚化妝品店都會做優惠 ! 但好多時係明洞買係無咁抵架 ! 反正係其他地區既鋪頭就會多D優惠同埋SAMPLE~ 所以唔係好趕都唔好係明洞買喇 !
innisfree 係度掃左過百片面膜 ! 哈哈~ 真係好抵呀 ! 買10送10呀 ! (指定送綠茶/青瓜) 真係好用 !
行去隔離見到有IOPE買 ! 仲有44色, 我忍唔住買左支, 送支俾妹妹, 媽咪就要其他色, 最後發現IOPE真係好好用~ 我前後買左三支~ 哈哈哈 ! 不過有時貴有時平架~ 全部都係27000won, 不過有D分店有打折, 有D分店無 ( 因為周街都有Aritaum)
呢度好多衫買~ 仲買左好多頭式~ 哈哈 ! 不過d衫真係好貴~ 差唔多都要hk280起~ 可能唔識路~ 但計落真係唔平~ 所以都買左一件咋 ! 我見呢加好多妹妹用緊d韓國袋, 係韓國真係好平, 先10000won ! 係度行行下都行左兩個鍾, 黃爸爸同老公去左cafe坐~ 哈哈哈 !
全州中央會館
地址:首尔特别市中区北仓洞 90-1
交通方式:(201)市廳站8號出口步行8~10分鐘
之後返酒店附近食飯~ 全州中央會館一共有兩間, 一間就係明洞, 個人認為全州比較好食同抵食係酒店呢間~ 明洞個間貴d同細份好多~
每人一鍋石頭飯~ 叫左個牛肉石頭鍋飯~ 真係好熱辣辣架~ !
快拌~~ 真係非常好味呀 ! 黃爸爸大讚好味, 所以最後個日再去食, 點知明洞個間唔太好食 !
食飽飽後, 我同老公去拍拖~ 黃爸媽上房休息 !我地又行去明洞喇~ 學我朋友話, 一定要晚晚去一轉先安樂~ 真架~ 唔行好似唔舒服 ! 哈哈~
我去個陣已經好夜, 接近佢地收鋪既時間~ 我就快快手咁見岩就買啦 ! 有檔賣狗仔衫好得意架~ 忍唔住買俾黃bibi呀~ 超可愛~ d質地又好 !
仲有要買手信俾屋企人同朋友啦 ! 唇膏係必買架~~ 我最後由唔知會買咩, 到最後一見岩就買 ! 哈哈 ! 晚晚上網做功課架~~
行完返酒店休息喇 ! 我就係買左呢件衫仔俾bibi呀~ 好可愛既小天使~
櫻花勁靚呀~~~ 當然要影多幾張相~~~ 另外海鮮餐都好吸引, 望落新鮮好味~~
回覆刪除真係好靚,今次旅行決定做本相簿。呢度既海鮮超新鮮,好值得去。
刪除首爾好多野買呀))))) 這天行程好豐富,去咁多地方^^
回覆刪除係呀 ! 我都覺得自己好瘋狂呀 ! 呢加打卜就覺得好攰 哈哈哈
刪除