小溫夫妻の遊澳門 2D1N《澳門大倉酒店、丹桂軒、柳家莊、牛記咖喱美食、十月初五街、義順雙皮奶、澳門觀光塔》

小溫夫妻の遊澳門 2D1N

《澳門大倉酒店、丹桂軒、柳家莊、牛記咖喱美食、十月初五街、義順雙皮奶、澳門觀光塔》

12-13 JAN,2014

一月份既時候我地去左轉澳門 ! 來來去去都係食, 今次同埋HEA, 實在太好喇 ! 我唔明點解我日日都咁忙, 可能成日出街, 哈哈 ! 感覺好攰, 同埋前三日都陪台灣朋友遊香港, 今日我既最佳節目就係酒店休息逛煲劇 ,一來我最鍾意留係酒店 ! 小溫子就自己去左賭場, 各有各輕鬆~ 哈哈 !

今次入住大倉大酒呀 ! 都係第一次, 位於GALAXY入面既, 以日式風格為主

 

時間尚早仲未有房

一訓醒就上船未食野, 好肚餓, 係GALAXY搵下野食先~

突然好想飲茶, 走左去《丹桂軒》, 好彩咋 ! 趕得切, 入埋我地就已經唔入人喇~ 可能中場休息 :)

丹桂軒 Laurel 

地址: 路氹城「澳門銀河™」綜合渡假城購物大道西地下G02號舖

好有新年氣氛呀 ! 上年仲拎左獎 :x

擺設用具乾淨 :) 處女座通病~ 哈哈

不過會有醬油錢同小食錢, 呢D都無得計~ 小食係青豆 / 辣雞腎, 青豆老公一見到就驚, 童年陰影 ! 哈哈哈 ! 所以轉左兩碟都係辣雞腎, 味道非常之好 ! 食哂~ 哈哈

我最愛既流沙包, 其實我好變態, 我只係食包個外皮, 入面D餡我全部都唔要架~ 哈哈哈 ! 呢個包既外皮做得好好, 好軟熟~ 正~

好流呀~ 唔算好甜~~ 正 !

我個人都係黎黎去去燒賣同埋鳳爪 ! 哈哈 ! 正 ! 最愛燒賣~ 最特別係個芥菜豬骨粥, 好好味~ 仲有脆脆油條, 好好味呢~ 

地方算大, 都幾好坐~~ 好多大6人好豪氣架~~ 真係大魚大肉~ 哈哈哈

被安排坐兩座位, 幾好~ 唔客氣喇~ :)

食飽終於有房喇~~ 

見到有日本和服小姐, 點知佢真係講日文架~ 嘩 ! 我真係好想去日本呢~~

好日式好喜歡~ :x

上房喇 ! 澳門D房黎黎去去都係大架喇 ! 所以真係最好住~ 哈哈哈 !  環境非常之好啦 !

望下個浴室先~ 都唔錯~~

房~ 日式木我最愛~~ 所以全日留我係房都無問題 ! 哈哈

大床夠大~ 

小紙鶴 :) 

D櫃設計幾好~ 收得好埋~ 好整齊~

走廊~

住過咁多酒店~ 最靚既房卡都係呢間~ 哈哈哈~

我真係係房HEA夠一日, 哈哈哈 ! 係度追劇~  肚餓先出發食野~ 

有SHUTTLE BUS~ 我地出發去新馬路~

GALAXY NIGHT~

柳家莊美食坊 Lau Ka Chong 

地址: 新馬路新填巷13-15號地下

今次我地返去新馬路食飯, 行左去飲涼茶個條街, 姐係好多紅門附近個條街~ 食串燒呀 ! 好正呀 ! 好有味道~ 平時經過唔會覺眼, 真係認真望先知~

入到去地方細細, 不過我地都試左好多野~ 都幾好味 ! 呢款肉醬燒蕃茄都好香架~ 仲有羊腩架~ 仲有安格斯牛柳, 土豆片~~ 

粟米好甜, 正 ! 反而艽菜好老~ PIZZA雖然有半邊燶左, 哈哈~ (燶左無食) 不過個PIZZA係好正架~ 拉得出絲~~ HEE~~食完大滿足~ 開心~

師傅努力燒~

食飽行返出去飲涼茶 ! 咩熱氣都無哂啦 ! :)

食飽行左陣我地又坐返車返酒店~

有野睇~~ 睇完上房再煲劇~ 實在太精彩喇~~ 

GOODNIGHT~~ :)

 ● ● ● ● ● ● ● ● ● ● ● ● ● ● ● ● ● ● ● ●

早晨的一天呀 ! 小溫子尋晚做左winner~ 哈哈 ! 開心~ 好彩尋日買左件banana cake~今朝當早餐~ 仲要兩份食~ 哈哈哈 ! 分甜同味啦~~

牛記咖喱美食 Estab De Comidas Ngao Keo Ka Lei Chon 

地址: 新馬路十月初五街1號地下

試新野 ! 都係十月初五街, 不過係好頭~ 就係呢間牛記喇 ! 試下佢既橯麵~ 小溫子終於係呢d麵喇~ 我實在太開心喇 ! 每次想食佢又唔食~ 終於開鑿喇~ 牛記小店細細~ 不過就好多客~ 

叫左個淨牛腩, 好好味~ 最喜歡上面有D膠膠地, 好高骨膠原架~ 我係時候要補補~ 去韓國食豬皮喇~ 哈哈 ! 仲有好好食既~ 小溫子既蟹黃撈麵, 好香超好味~蟹黃配麵估唔到咁正~ 睇返都想食~~而我既就係花雕烏雞麵, 真係好好食 ! 我唔識講, 我記得真係好甜, 烏雞原來好香~ 推介 !!!!!

食飽又行十月初五街~ 我D行程好鬼HEA~ 哈哈 ! 岩岩食完麵, 真係覺得好正 ! 點知經過有間專賣蝦子麵既~ 仲有蝦籽賣~ 實在太正 !

我買左六個麵返香港 ! 同埋蝦子, 仲未得閒食~ 哈哈

同埋走左去華聯買茶, 今次打算拜託老伯, 不過見佢忙緊, 我地就走去另一邊鋪試茶~ 我地買個幾斤茶又就飲哂喇~~ 我地今次買《單叢茶》$480/斤, 有隻$280唔好飲, $680又唔捨得~ $480公道d~ 哈哈~

送d俾爸爸先~ :)

到此一遊 :x

即刻向外父報告~哈哈哈

走左去義順食碗雙皮奶~~好好味呀~~

好開心~~ 有甜品 :)

正~~ 

之後又無無聊聊走去坐公車, 打算去下澳門觀光塔, 我似係坐23號公車~ 我係葡京酒店對出巴士站上車~

哈哈~ 行行下去左音樂豆咖啡坐下~

坐outdoor~~ 可以hea下~ 享受陽光~ 好彩凍凍地~ 爽 ! 又可以望下人跳樓~ 

出名既超巨型蛋糕~ 唔好食既~ 

無機出既咖啡(壞機) , 得返蒸餾咖啡~ 叫左mikado, 味道唔濃~ 都幾好~

我一定要加奶先飲得啦~ :)

一有甜品就好滿足~~ 哈哈哈

好靚呀 ! :)

澳門觀光塔

呢兩日一夜好開心呀~~ 哈哈~ 過下二人世界 

:x