2013 Hua Hin Bangkok 5D4N Trip ● 華欣曼谷《手信篇》

2013 Hua Hin Bangkok 5D4N Trip ● 華欣曼谷《手信篇》

其實我出發去旅行前都會做哂準備, 連買咩手信都要諗定, 一睇岩就買, 唔回返轉頭 ! 哈哈 ! 等我介紹下我覺得都值得買既手信俾大家參考下 ! 講明我已經去過幾次, 今次越買越少, 哈哈哈 !

● JIM THOMPSON ●

呢間係泰國出名既絲綢專賣店, 有著各式各樣既絲綢產品, 而且有好多款式, 係SIAM PARAGON, Central World等地方都會搵到佢既蹤影 ! 我對佢最沈迷就係scarf, 不過價錢都唔平, 最平都3500bth左右, 大部份你覺得靚, 摸落又好滑手個d呢~ 可能係5000bth以上, 哈哈~ 不過佢地會放埋一齊, 我好難先揀條3500bth, 最埋之前有條深藍暗花, 今次揀左條米白配啡暗花款, 一深一淺~~哈哈 ! 不過好多時都係得一兩條, 間間分店賣既貨都唔同, 越大就越多款啦 ! 我記得SIAM PARAGON暫時係最多款揀~ 可以去睇下~

同埋佢都有袋賣, 我上次去大中細各買一款~ 哈哈哈, 我買布款袋價錢唔會好貴 ! 今次黎就買俾奶奶同媽咪, 4900bth一個, 好岩佢地呢d C9用~哈哈哈 !

● HUA HIN HILLS ●

華欣山莊就要買果JAM, 同埋葡萄汁, 提子乾都唔錯~ 可以買俾小朋友食 !

● BIG C ●

BIG C SUPER MARKET, 就真係多野買喇 ! 如果第一次去就一定要掃MAMA麵, 哈哈 ! 通常買買下就唔會再買, 九龍城大把貨 ! 何必搬餐死~ 哈哈 ! 不過都要買D零食既~ (左上) 辣魷魚乾, 真係好辣, 香港都有, 不過勝在夠平, 送手信都唔錯~ (左下)冬陰公味百力滋, 原來好好味架~ 酸酸辣辣, 真係必買, 仲有香蕉朱古力百力滋都係必買 ! (右)好明顯送禮夠大件, 而且好抵買 ! 哈哈哈 !