2013 Beijing 4D3N Trip ● 北京 Day 2 《八達嶺長城、大董烤鴨、鳥巢、水立方、什剎海(后海) 》

2013 Beijing 4D3N Trip ● 北京 Day 2 

《八達嶺長城、大董烤鴨、鳥巢、水立方、什剎海(后海) 》

17 NOV,2013

每次去旅行整卜都有成八十幾張相, 真係執到執到攰 ! 哈哈哈哈 ! 今次出北京快好多架喇~ 前陣子既華欣都未執~ 見到D相咁多都頭痛 ! 哈哈哈 為左自己為左俾準備旅行既你睇, 都值得既 ! 我想講, 我好多卜友都係睇旅遊卜後開始睇我個卜, 所以我會繼續寫好D既 ! :)

今日係要出發去八達嶺長城既 ! 話說前日晚真係好眼訓呀 ! 今日原定要7:45AM起身, 點知唔想起, 決定訓到9:00AM, 訓醒快手換衫化妝, 仲要落去食個靚早餐, 真係好食到每日必到呀 ! 

早餐係半自助餐, 真係好正 !  自助部份有好多野食, 雖然日日都一樣 ! 不過我地日日都食得好開心呢~ 

D麵包都好好味 ~ 好愛吃菠蘿酥皮麵包 :x

嘩 ! 點解我擺得咁靚既 ? 哈哈哈哈 ! 痴左~ 除左煙三文然麻麻地~ 其他都好好味 !

早上一杯好既咖啡 ! 係令你全日都咁醒神 ! 哈哈哈~ 賣廣告咩~ 不過真係幾正 ! 每天一杯Cuppacinno , 真係日日都飲~ 因為好正囉~

嘩 ! 個主菜太大份喇 ! ALL DAY BREAKFAST~ 大碟到要影張相呀 ! 哈哈

仲有smoked salmon egg benedict & all day breakfast, 兩份三個SHARE~

好好味既早餐, 都要為著趕路而趕食呀 ! 食完就快手坐的士出發去北京北站, 打算坐火車出發到八達嶺長城, 酒店出發around 20分鍾到 !

最痛苦既事係趕到北京北站買火車票個下先發現 ! 票已售罄 ! 除左粗口之外, 我唔識講其他~ 哈哈哈 !  講笑~ 咁咪排隊買下午1:xx幾既票, 不過都知無可能架喇~ 去到都好晏, 身邊有好多司機叫我地包車, 第一個開我地RMB ¥600, 2person round trip ! are u crazy ???? 水魚搵下位, 唔該 ! 後來見到前面有對人走開左, 聽到話RMB ¥150 for 2 person round trip 都係包車 ! 不過就好多人既, 我地就跟實啦 ! 佢開價開RMB ¥200架 ! 我地講到RMB ¥150, 自己講價啦 ! 

呢班就係同路人 :) 等車個下好大風呀 !

yeah ! 順利上車, 我旁邊係法國人~ 我地自high中~~~ 哈哈哈 ! 坐車同火車時間都差唔多, 都係要一個鍾左右 ! 呢個時候都係訓一訓先~

話咁快就一個鍾, 先放我地去廁所, 其實係飯局黎既,睇我地食唔食飯, 我地話食左, 去個廁所之後就拉我地埋一邊收錢, 因為個個價唔同架 ! 一定要俾哂錢先, 唔係就俾證件, 係人都俾錢先啦 ! 跟住同班人傾好時間, 走個陣再集合上車 ! 我地12:30pm - 15:30pm, 一共行三個鍾 ! 

落車後見到駱駝, 但要同佢影相又或者影佢, 要收RMB ¥20, 真係傻架 ! 我咪行遠D影, 咪佢見到, 叫我咪影 ! 哈哈哈 ~ 好搞笑~

我地READY做好漢喇 ! 上面真係好凍~ 我真係同包著無分別 ! 我由保暖底衫+外衣+貼暖包+羽絨+有內綿大褸 , 真係成隻糉 ! 咁先夠暖呀 ! 好彩有對手襪, 我地SHARE用 ! 實在太凍喇 !

八達嶺長城 入場費 RMB ¥45

等買飛~ 一定要行到去門口先有得買架, 最出面有個買票位, 係長期無人架 ! 搞到D人走黎走去 ! 又唔寫清楚 ! 反正放心行到最入先買到飛 ! 

YEAH ! 出發 ! 

見到有南有北, 我地行北面, D太陽光位呢邊影相會靚D~ 同埋都多人行D~  

第一眼, 好靚呀 ! 自然風景呀 ! 我地睇到長城喇 ! 唔係睇戲呀 !!!! 心情好興奮呀 !

 腳踏長城

慢慢行~ 北一樓

八達嶺呢邊已經修復得好好, 行個陣唔會咁辛苦 ! 同十年前差好遠呀 ! 呢度咁行好舒服~ D風又凍又涼~~醒哂 ! 

行到第一個台, 影張相先~~~ 

好腫同埋好糉呀 ! 哈哈哈

話咁快行到上北三樓

其實八達嶺都唔係想像咁多人~ 就算多人, 條長城咁長, 你點都會影到相 ! 唔會好迫~ 放心~

我有帶腳架呀 ! 係咪好醒呢~ 哈哈哈 !

大風到~~~~~ 

上到北四樓, 我都攰攰地喇 ~

避下風先~ 好凍呀 ! 我講唔出有幾凍, D風係刺骨既~  

唔想行落山, 可以玩呢個~ 哈哈哈 ! 仲要唔平, 成RMB ¥30 

好多山呀 ! D長城真係好長呀 ! 睇唔到盡頭~  

好宏偉呀 ! 

哈哈, 佢地套家庭裝, 好特別 !  好彩我地件大褸無買軍綠色咋 ! 唔係就......好笑喇 !

行行下已經兩個鍾多D喇 ! 要落山喇 ! 

仲要去《不到長城非好漢》石度影返張相, 哈哈 ! 叫做到過啦 !

走個陣見到班靚女~~ 佢地行過好嘈~ 全身都係鈴鈴聲~~~ 

又凍又餓食個麵SHARE先~ 仲打算去寫名信片, 點知食食下麵, 司機話齊人, 叫我地快D上車, 真係O嘴, 說好的3:30PM呢 ? 點解改左3:00PM, 可能人地無我地咁玩到傻左~ 係咁影相呢~ 食完麵就閃喇 ! 

坐車都坐左1.5個鍾, 塞車呀 !!! 坐到太陽落山, 咁又一日 ! 返到去北京北站都5:00PM, 轉的士返酒店先 ! 會合AUNT~ 

返到酒店好想訓啦~~~ 點知收到小禮物呀 ! DAY 2 小禮物就係名信片, 好細心呀 !  

開心後HEA完就出發去食飯喇~ 我地今餐去北京大董烤鸭店(团结湖店), 我地係酒店行去都around 20mins, 幸好坐車經過記得點行~~

 大董烤鴨, 環境唔錯 !

menu 成本書咁厚 ! 誇張 !

好好像既菊花香片茶, 其實我屋企有好多~ 哈哈哈 ! 不過都好好飲既~ 

大董烤鴨既食物質素都好好呀 ! 全部都好好味 ! 非常推介大家黎食~ 

第一道好似係金栗津白菜, 超甜, d菜俾d汁包住左, 好正 ! 

宮保雞丁, 北京菜之一~ 味道不錯, 唔太辣~ 係酸甜既~ 

重點黎喇~ 就係烤鴨啦 ! 每人都有一set既烤鴨料~ 一定係每人一set喇~ 每set計錢 ! 哈哈哈 

北京烤鴨, 我今日終於食到喇 ! 好正呀 ! 個皮烤到脆哂, 唔油~ 好甘香呀 ! 正 !

第二種食法係用呢個包做皮~ 不過我覺得傳統好味d~ 

嘩~ 好美味呀 ! 包埋就食得 ! 

北京包子出名, 叫左個豬肉包, 好好味 ! 好鮮~

仲有雜菜包子, 幾好味~ 個皮好薄 

有碗鴨湯~ 無咩味道既~ 

飯後有甜品, 就係呢個新鮮紅棗, 原來係超好食架 ! 好爽甜, 我食左好多粒 !

影張合照留念先~ 多謝ruyu陪足我地兩晚晚餐 !  

大董好多名人黎食~ 

 大董烤鸭店(团结湖店) 

地址：朝阳区东三环长虹桥东南 (兆龙饭店东门对面) 

电话： 010-65824003 65822892

食飽我地就出發去睇奧運地標喇 ! 就係鳥巢同水立方 ! 親眼睇, 真係幾靚~ 影相都唔差~ 睇鳥巢同水立方一定要夜晚先靚 ! 

好開心呀 !  同鳥巢合照

仲有水立方, 海藍色好SHARP~ 

影下合照先~~ :) 好開心呀 ! 

哈哈哈 :x 

影左好耐~ 最後一張喇 ! 呢度真係黎影一影相, 叫做到過啦 ! 哈哈 

水立方~ 好靚 

佢地去廁所, 我自拍下先~~ 哈哈 !

走個陣發生左年小插曲呀, 就係任小姐整親, 仲受左傷, 幸好最後無咩事, 不過當下都嚇親我同SUKI, 就咁係受左傷, 任小姐成為左《撞完夫人》喇 ! 哈哈哈 ! 人地做狀元, 佢就撞完, 我地事後傾返先好笑, 後日做埋榜眼添呀 ! 哈哈哈 ! 一個好好既經歷, 就係D阿爸阿媽行街唔俾佢地玩電話 ! 今次玩到PK喇 ! 真係要小心 !

任小姐堅持要出發去下站,  什剎海(后海) 呢度係夜市同酒吧街 ! 日落左右黎應該幾靚, 可以睇哂~ 因為入面有D胡同, 早上先影到相~ 晚上就只可欣賞河上倒影喇~

又係到過~~

受了傷的任小姐~可憐喔~~ 

我同SUKI 試左蜂蜜酸奶, 我就麻麻地~  

有好靚既冰糖葫蘆 

YEAH ! 北京必吃的冰糖葫蘆, 呢間好新鮮呀, D冰糖葫蘆係脆既, 粒葫蘆係好新鮮, 酸中帶甜, 好正呀 ! 之後食唔返LU~  

我地行左入胡同個邊, 我終於買到野喇 ! 就係兩把扇呀 !

 一把送媽咪、一把送奶奶 

估唔到有間咁靚既賣扇鋪頭~ 哈哈~ 好開心呀 !

就係呢間喇~ 京扇子

真係夠哂皮喇~ 好攰~~ 返酒店先~~ 我同SUKI打算再行下三里屯

我地最方便, 就係酒店後面街喇 ! 不過行夜街要小心, 好多黑鬼同你SAY HALO, 我都俾佢HI我兩次, 好Q驚呀 ! 不過夜晚係超級凍~~ 

忍唔住買麻辣燙食先~ 都幾貴 ! 好明顯呃我地錢, 呢度收我 RMB ¥20, 我影相仲兇我仲咩影相 ? 我問佢, 我黎旅遊唔影相咁影咩 ? 個老闆娘答我唔到, 真係傻傻地 ! 

被呃的RMB ¥20, 可能本地人收RMB ¥2 一串 ! 哈哈哈 !

食到嬲嬲地, 行前D有我之前睇台灣卜介紹既煎餅呀 ! 係好好味架 ! 一定要食呀 ! 

係好薄既皮, 加D辣醬, 蔥花, 蛋, 脆脆, 雞扒, 再包埋一齊食 ! 十分好味呀 ! 

老闆仲幫我地開邊, 一人一半吃 ! 天氣咁凍, 食落好幸福喔 !

事關真係好辣, 我地閃去STARBUCKS飲杯先~ 好正呀 ! 呢間24小時架~~ 爽呀 !

好多聖誕杯~ 好靚

一齊飲~ 咁凍仲飲凍野~ 真係傻左呀 ! 呢度有FREE WIFI~ 不過要有當地電話先用到, 我走去問佢點用, 個店員幫我用佢電話NO. 登記, 哈哈 ! 真係太好人喇~~ 其實酒店有WIFI既, 忍唔住好想同老公講, 呢度有間24小時STARBUCKS呀 ! 

星巴克(三里屯Village) 

地址：朝阳区三里屯路19号三里屯Village 10号楼10-1-5-6号(近工体北路)

 电话： 010-64165068 64165078

最後送上我的戰利品, 係唯一戰利品, 好似 RMB ¥58, 好岩用呀 ! 真係好凍呢~~ 暖哂~ GOOD NIGHT~