2013 Beijing 4D3N Schedule ● 北京《行程、酒店、交通》

2013 Beijing 4D3N Schedule ● 北京

16 - 19 NOV,2013

今次決定去北京既日子非常之短, 真係出發前十幾日先買機票, 除左買定羽絨同大褸之外, 真係出發前日一我忍唔住買左本北京書睇 ! 係網上面真係搵唔到太多北京自由行既資料 ! 都係豪花一佰大元買本書算 ! 都真係幾多野睇, 我真係成晚溫哂書, 快手plan行程, 執埋行李搞到凌晨2點先訓, 差唔到凌晨4:45就要起身, 我要坐最早既巴士入機場呀 ! 因為我坐08:00機, 真係好想屎~ 又要想玩多d, 真係付出下 ! 哈哈哈 !

今次既行程都算幾豐富 , 四日真係唔夠玩, 因為北京實在太大, 景點與景點之間距離都遠, 而且你去一個景點已經用左你4-5個鍾, 隨非真係係門口影張相就走, 否則3個鍾以上, 係唔少得既 ! 呢北京既天氣已經好乾好凍, 我地去個幾日係 8- -2度左右, 早晚溫差都幾大, 我都算好彩, 無咩沙塵毒霧, 司機都話我地去個日就開始好大風, d毒霧吹走左, 吹到我地走個日 ! 真係好彩 ! 哈哈哈 !

而我地對北京既感覺係非常良好, 完全無係香港見到既強國人影子, 係好有禮服, 好有心幫人, 環境好乾淨, 地上無垃圾, 坐地鐵唔算好迫, 係的士司機都好好, 不過都有塞少少車, 唔算太塞 ! 自己都好開心能夠再黎北京, 其實我十年前去過, 個時係跟爸媽去既, 新年一家六口出發, 當時細咩都唔識, 不過呢加真係好靚 ! 跟住落黎既時間睇下d遊記就知架喇 !

我地兩姐妹做左咁耐好朋友, 一齊坐飛機去旅行都係第一次 ! 實在係太開心喇 !

YEAH ! 開心到跳起呀 !

行程 :

16/11/2013 (SAT)

DAY 1 : 11:30am arrive 北京→ 12:00 pm airport to Hotel →13:00 arrive 瑜舍Hotel@三里屯 check in → 14:00 LUNCH@餃子館→ 15:30天安門門口→ 16:00中山公園→19:00海底撈火鍋(白家庄店)

17/11/2013 (SUN)

DAY 2: 09:30am 早餐→ 10:15am 出發到北京北站→ 11:00am 包車到八達嶺長城→12:30pm 到八達嶺長城 →15:30pm 出發返酒店→19:00pm 北京大董烤鸭店(团结湖店) → 21:00pm 鳥巢及水立方 → 22:30pm 什剎海(後海) 酒吧街&夜景→ 12:30am 三里屯酒吧街及酒店後街夜市

18/11/2013 (MON)

DAY 3: 10:30am 早餐→13:00pm 出發到頤和園(14:00pm到達)→16:00pm出發到王府井(17:00pm到達)→ 18:00pm DINNER@王府井小食街→ 19:45pm 東華門美食夜市→22:00pm 億健堂足療SPA會所@按腳

19/11/2013 (TUE)

DAY 4 : 10:30am 早餐→ 12:30pm 故宮→16:00pm LUNCH@杭州小吃 →16:30pm 出發到機場 (最遲1800 check in) → 1730到機場

旅遊書 :

我買正文社, 我係大眾買好似 $95-100, 內容豐富實用, 值得買黎睇下 !

酒店 :

瑜舍 The Opposite House Beijing

交通 : (機場到酒店) 的士大約RMB100, 約一個小時到達

公車 : (三里屯站) 乘坐113、115、406、416、431、701、758，下車即到

長虹橋西站：乘坐117、758、431、701、416、113、406、115，下車往西步行即到

地鐵 : (10號線) 團結湖站，A出口，往西步行即到

酒店外貌

Lobby

浴室超大, 全用木制, 好有家的感覺

房間設計好舒服, 真係好時尚 !

交通 :

基本上我地係坐的士比較多, 可以點到點唔使煩, 不過地鐵都坐過兩次, 站與站之間好遠, 我係酒店出發到頤和園要一個鍾, 所以地方真係好大, 不過地鐵都好方便既 !

地鐵 : 已經好先進, 係拍卡入即早閘 , 已經無論地點遠近都車費都係 ¥2 ,所以有時間既朋友係可以坐地鐵既 ! 其實一個站去下個站係好快既, 睇下你自己去咩地方啦 !

有好多條線 ! 睇清楚先好上車呀 !

地鐵入面無香港咁大, 細小小, 同廣州OR深圳似D, 不過有樣奇怪 , 我見有人係地鐵車廂內行乞, 真係有D驚 ! 不過我驚完再望下其他人, 佢地都見怪不怪咁, 可能見慣左 !

出站既標示都好清晰 ! GOOD !

的士 : 起錶 ¥13 起, 大部份司機都好好, 當然你要識講國語/普通話啦 ! 基本上不停都會問你地係邊度人, 答廣東得架喇 (遲下講點解) ! 無野既, 佢地無繞路, 仲好好心教你點行添 ! 最遠隨左係機場去酒店要 ¥100, 坐一個鍾, 其次就係頤和園去王府井都要 ¥100, 同埋都坐一個鍾, 放心 ! 佢地好少繞路, 因為塞車都夠浪費司機搵食時間 ! 試過最後個日下午三點左右啦, 俾司機話去唔到酒店, 因為BUSY時段係有交通管制, 係唔出得車去機場條公路 ( 我地酒店係會跟機場路行 ) , 暫時係我坐的士既經驗 !

● 八達嶺長城交通 :

***** 到八達嶺就要買定回程車票 *****

酒店坐的士到北京北站(地鐵西直門站)

坐往廷慶的火車在八達嶺下車,約1.5hrs

(S207特快車北京北→八达岭上車09:02 到達10:15 1小时13分)

以上係我去個時知道既火車路線 ! 不過最後遲左, 無火車坐, 我地見排一點幾火車既又排好長, 又要等, 又要坐一個鍾火車先到, 真係無哂時間 ! 排隊個陣已經有好多司機埋黎叫你租車, 有架係話我地兩個就可以包車, 不過要 ¥600, ROUND TRIP, 嘩 ! 搶咩 ? 後來我地見前面有D人跟左D司機走開左, 聽到話 ¥150 兩位包來回, 不過係小貨VAN , 可以坐十位一架車 ! 我地聽到當然JOIN啦 ! ¥ 150 FOR2 , ROUND TRIP ! 抵哂 ! 而且好安全, 又好方便, 車到八達嶺門口就落車, 大家係車上傾好要幾耐時間返上車, 我地12:30PM就到八達嶺, 15:30PM就集合上車後北京北火車站, 都好方便 ! 一定要三個鍾先夠行 ! 我地兩個15:00就被司機催, 佢話其他乘客都上哂車, 算 ! 我地趕快就上車集合 !