3D2N 六人行澳門遊 ‧ Day 3

3D2N 六人行澳門遊 ‧ Day 3

30 JULY,2013

時間關係唔再拖, 快手寫埋個澳門之旅, 就要開始寫華欣喇 ! 去到第三日, 時間過得好快, 尋晚佢地五隻野就落去賭場度玩, 返到黎我已經訓左, 仲要係咁話食宵夜整鬼我, 我好似發夢答佢地, 總之就搞笑啦 ! 

一早起床喇 !執齊行李就出發, 落放LOBBY退房+放低行李方便出去玩~~個個訓醒樣 

第一站我地坐的士去喜蓮, 我就去過好多次喇 ! 都係帶佢地去試下 ! 等左陣先有位 

我地要分開檯坐~ 好迫~

好正既紅豆奶茶同紅豆冰 

牛尾通係必吃的 ! 雞扒芝士飽都係 ! 食到好飽呀 ! 

食飽行落官也街, 是關要買手信呀 ! 買買買~  

我的最愛呀 ! 我見證住佢由$78加到$128 ,每次買我都會話又加呀 ! 好貴呀! 

不過又真係好好味架 ! 可唔可以唔好加咁快呀 ! 

嘩 ! 買完好開心~

 

大利來後面既建築物, 影下相

好多葡萄牙風格~

 

好快又行到去GALAXY~ 好方便~ 又係周圍望下 !

轉頭係坐車去到威尼斯人~ 點知一上到去 ! 嘩 ! 好似羅湖城咁既 ?  

好彩行遠少少都叫做正常D~  

大細佬話要型下~

轉個頭我地去行四季Afternoon Tea, 話說要行都行左, 緊係要休息下啦 ! 因為澳門酒店Afternoon Tea真係好平, 所以無辦法唔去~  我地被安排坐呢度~

餐具

影下相先~

地方都算大~ 不過無咩人~

我叫左杯 ice 荔枝綠茶, 好好淡~ 無咩味既~

一人一杯~ YEAH ! 

一齊影張合照先啦 ! 

我同小溫子 :)

我地叫左TEA SET FOR TWO咋 ! 真係好彩咋 ! 好難食 ! 哈哈哈哈

我記得呢個酥餅都OK既 !

SCONE都唔錯 ! 其他都好差 ! 我上網睇D人仲話澳門四季好正 ! 真係好難食 ! 咸點係蟹子壽司, 真係~~~~

不過我地自在HEA姐~ HEA到咁上下就行返去Sheraton, 沿途影下相~ 

佢地話RUNNING MAN去過呢度~ 

YEAH ! 走喇~

結束三日兩夜澳門之旅~

總結 : 好開心 !  難得同屋企人去玩下, 近近地澳門都係唔錯既選擇 ! 雖然我成日去, 但同唔同既朋友或家人去都有唔同既體驗~ 真係非常開心 ! 下次希望就到BIGGER同男朋友啦~ 成日都留低佢兩個, 話時話, 聽日我地一行9人去浸溫泉又係留低阿妹~哈哈哈哈 ! 不過都要有人照顧黃BIBI架嘛 ! 哈哈