3D2N 六人行澳門遊 ‧ Day 2B
29 JULY, 2013
快手寫埋先~ 話說我地飲完茶之後就去左東望洋燈塔, 我地每三人一組坐的士上去, 上到去既感覺係極度後悔, 因為除左熱之外就係勁熱 ! 哈哈哈 ! 真係行上去個下有點攞命~
其實我好耐之前上過去一次架喇 ! 都唔記得有咩睇, 就打算帶佢地去睇下, 哈哈哈, 點知真係搵笨 ! 曬到係入面涼陣先落去, 真係唔值得去呢個地方, 直頭係「零觀光感」 !
日久失收既東望洋燈塔
頂得住就望下個景, 真係佢地三個男人都頂唔住個太陽 !
熱到傻左, 係個樹底休息下 ! 哈哈哈
原來打算行去坐$2纜車落返去既, 點知 !! 點知.. 無開呀 ! 嘩 ! 幸好個邊有間小食亭買水飲, 飲完我地唯有行落去, 幸好落行落山唔算好熱 ! 哈哈哈, 真係辛苦呀 ! 記得附近係三盞燈, 呢邊有間咖喱好正, 上次黎食過, 咁岩行到就拎住旅遊書地圖搵路 ~ 雖然難搵, 真係坐的士又無, 行又好辛苦 ! 最後俾我地搵到呀 !!!!! :)
華記咖喱, YEAH ! 咁辛苦終於行到黎喇 ! 我地都幾瘋狂 ! 因為好餓, 一人一個麵丫唔該 !
菊花茶~解辣之選
叫左碟淨咖喱牛腩, 牛腩好淋咖喱好香辣 ! :-bd
我要左咖喱牛根超讚 ! 我好鍾意淋淋既牛根, 呢個唔錯 !
哈哈 ! 好辣~ 呢度雲吞一般般
哈哈大細佬咩事咁樣樣 ?
華記咖喱麵食專家
地址: 新橋(三盞燈/白鴿巢)義字街51號A地下
麵家出面好多檔口仔, 小溫子愛買車厘子, 好甜好大粒, 夜晚我自己係房食左好多 ! 哈哈 !
事關太攰, 係岩岩個度係無的士既, 而見到d巴士站, 見到返到新馬路, 太好喇 ! 我地去到再轉的士去金沙. 再係金沙返金沙城 ! 哈哈哈 !
返左酒店我地係沖涼同休息, 真係好攰, 一早起身, 又出完汗 係房hea左兩個鍾, 哈哈哈 !
差唔多六點半我地先出發, 坐的士去到葡韻美食(氹仔官也街附近) , 好期待呀 ! 終於有得食葡國菜, 要多人食先開心架 !
入面裝飾都好有味道,
四處都有國旗
呢d係咪足球 ? 我唔識 ?
一坐低就係好香噴噴既豬仔飽, 是非常好吃的 !
男士們既好朋友 ! 葡國啤酒
馬交六人行, 實在好開心 ! 下次要八人行呀 !
呢間餐廳好特別, 係要自己拎飲品既, 好多選擇架 !
呢支係葡萄牙汽水, 無得簡就試下啦 ! 點知好好飲呀 ! 係梁九記見到有得買呀 !
一試愛上既熱情果味 :-bd
好食上先, 我地每樣叫左兩件, 因為有好多餸 ! 上檯非常熱, 岩岩炸好 ! 味道非常好 !
好似係炸蝦餅,炸牛肉餅, 馬介休球
三件好都都味 ! 特別推介炸牛肉餅, 好多肉汁 !
呢碟係「葡式燒腸」好正呀 ! 老闆點火, 令酒慢慢燒香條腸 ! 真係有得睇, 有得食呀 !
細細佬拎黎影~ 哈哈
老闆人好好架 ! 非常funny~ 我個人認為食葡菜適合成班人食, 氣氛又好, 而且呢度都幾大碟, 一齊開心share正好多 !
哈哈 ~ 不停影~ 最後食落條腸真係好香~ 好好味~
燒牛肋骨係好香, 用碳燒~
我叫老闆俾d茄汁, 佢問我點解要點茄汁, 佢話唔點先食到新鮮薯仔味 ! 哈哈哈 ! 不過我真係習慣左嘛 !
超大粒既「檸檬炒蜆」, 好肥美呀 ! 佢地話好正呀 !
我自己好喜歡呢道菜「鮮茄雞肉飯」, 好正 ! 真係鮮味 ! d汁同d飯真係岩岩好 ! 好似泡飯咁, 好有家既味道 !
我係食完又食, 食左好多~ 熱辣辣仲好味 !
燒豬手, 其實呢道豬手好耐都唔到, 我地都已經好飽, 哈哈哈 ! 不過一到左, 仲係脆卜卜架 ! 不過食唔得多, 我真係好飽~ 交哂俾佢地喇 ! :D
哈哈哈 ! 老闆真係好funny架~ 岩喇 ! 佢埋單架 ! 攬佢就岩喇 ~
老闆仲同我地一齊影相~ 哈哈 ! 好開心既晚上 !
我同老公都覺得呢間葡國菜食物同氣氛都好好, 可以再來 !
葡韻美食店 A Tasca Do Luis
地址: 氹仔舊城區告利雅施利華街57-59,63號舖
哈哈 ! 食飽都影張相先 ! 正 !
食飽飽行到GALAXY坐車到新馬路 , 影下相先~
之後再行去大三巴, 陪遊客馬姐同大細佬 :D
澳門對我黎講有好多回憶~ 求婚同影Pre-WEDDING都係呢邊~ 感覺特別浪漫~
哈哈 ! 帶佢地黎影下相先
:D
有三位男士好影響市容 \m/
我們三姐弟 :-*
行返去見到涼茶, 我上上上幾次有幫襯過~
好好飲, 好足料 !
遊客要到既地方
我叫佢地四個跳黎影張相, 哈哈哈 ! 不過一張都影唔到 ! 笑就笑死~~哈哈哈 ! 好開心呀 ! 咁快又完左一日喇 !
間餐廳好正呀~~
回覆刪除不過我個人幾中意東望洋燈塔呢,上次同屋企人專程去影相^^
呢間係我寫咁多暫時好又味又抵食既一間 ! 不過東望洋燈塔無之前咁靚喇 !
刪除我上次去燈塔都遇著纜車停駛, 行上行落真係好熱, 不過個人覺得風景都ok~~ 葡國菜真係好好食~~
回覆刪除不過好彩行落去個下就無咁熱, 有D風呀 !
刪除你呢家人感情真係超好,好warm
回覆刪除哈哈係呀!大家都好岩傾
刪除