3D2N 六人行澳門遊 ‧ Day 2A

3D2N 六人行澳門遊 ‧ Day 2A
29 JULY, 2013

YEAH !今日終於齊人喇~ 我地十點起身梳洗, 差唔到十一點出發, 去接細細佬同Carey喇 ! 我地時間控制得好好~ 去到等一陣就見面喇~~ YEAH ! 大家心情都好興奮呀 ! 終於齊人去玩LU~ 第一站我安排左去醫下個肚, 就係去何生個雀籠度飲茶, 我都係第一次去, 帶住十分期待既大家出發~~

六人行出發




不約而同, 真係心靈相通  果真係TWINS~


係大細佬最CHOK囉 ! 不過成個阿叔咁CHOK ! 哈哈哈哈哈 馬姐咪訓覺啦 !

係碼頭坐發財車出發~ 好快就送我地到葡京酒店, 直上二樓就係好有七八十年代氣派既酒店餐廳, 雖然有點OLD SCHOOL都幾有味道既  記得要訂檯喔 ! 有機會無位架~

水晶燈好強喔 真係有點舊時代既感覺~ GOOD~

一坐低就送上小食一碟, 好似米通, 上面放D菜莆, 蘿白粒, 都幾好味~

水滾茶香~

都幾快手, 一碟碟上檯喇 ~ 好開心呀 ! 我地好肚餓喇 !  呢度既點心真係好好食 ! 大部份都好有手準, 值得再來 !



墅西哥叉燒飽 $28 - 我覺得好味過添xx , D叉燒唔太咸
香芋豉汁蒸排骨 $32 - 好似係新鮮豬肉, 唔似雪藏豬, 好好食 !
XO醬煎腸粉 $45 - 呢個我超鍾意, 個皮係煎到脆脆咁, 又少少辣, 好香
咖哩焗蟹撻 $33 - 蟹撻好似係signature 點心, 我見好多人都有叫, 原因係真係好香, 同埋一絲絲蟹肉

咖哩焗蟹撻 , 真係好睇又好食, 近鏡望下, 好多料~


蟹子蒸燒賣皇 $36 - 好彈牙, 足料 !
竹笙雞粒玉免餃 $30 - 為左睇下似唔似免而叫既, 應該好味~ 我無試, 不過見就幾飽滿喇~
橙蜜炸雲吞 $30 - 我無試, 聽聞不錯 !
蟹肉小籠飽 $33 - 皮薄多汁, 都係聽返黎, 我無食 ! 哈哈哈

大家食得好開心滿足~ 葡京日麗真係幾好味 !

YEAH ! 我地自制大頭合照先~ 哈哈哈 !

葡京日麗 Portas do Sol
地址:  南灣葡京路2-4號葡京酒店東翼2樓

食飽飽就梗係落下面沙圈行返轉啦 !  帶大家見識見識, 的確好早就有人搵食, 大家都望到眼定定呀 ! 唔知沙圈係咩 ? 去D討論區望下~ 我都係人帶我去架咋~ 哈哈哈~ 望完就行過去附近永利喇~ 有條好長好長又好多樓梯既地下路~ 我建議行上面勁曬既馬路會好D囉 ! 下面真係好攞命 ~

大家黎到永利就係望下上面既十二生肖, 其實我黎過N咁多次, 睇過N咁多次, 因為每次都係帶朋友/ 家人到澳門, 所以我都係幫大家影相為主 ! 哈哈哈哈

永利十二生肖金錢樹, 好似每三十分鍾一次, 我忘記實際時間

第一次睇會覺得好靚, 之後就覺得, 係後面睇先係最靚, D內地人全部都係度拋拋拋~ 傻的嗎 ? 之後又行左轉CASINO, 都係行左轉就算~ 我地又搵路行去附近既MGM, 真係係旁邊, 行行下行到過去的~~

嘩 ! 每次黎都覺得好靚, 今次終於見到有展覽喇 ! 上次黎仲未整好~ 呢個魚缸真係好勁 ! 好靚呀 !



成個感覺好海洋~

魚呀魚~ 水魚呀~ 呢D魚好似我媽蒸個D~哈哈哈

HALO !!! 上面你地兩個影我地, 一定係豆豉咁細粒啦 ! 

哈哈~~哈哈哈~ 好開心~ 我部相機最盡去到咁咋 !

Carey好配合呀下 ! 哈哈哈

個境咁靚, 影張相先~ 睇唔到我地都ok ! 因為影d境就岩喇~ 哈哈哈

其實我無左兩個細佬好耐架喇~ 因為已經成為小溫子既手下 ! 你睇下佢地做咩 ? 唔怪之得佢地姐夫蝦我, 我叫佢地還手, 佢地竟然叫我「家姐, 你冷靜D啦 ! 姐夫都無錯~ 」我每次都叫可以講:「頂~~~~~~~~~~GOOD DOG呀 ! 」 哈哈哈哈哈 ! 不過得啖笑~