澳門日半遊【GALAXY HOTEL, 聯記麵家, 水簾 Cascades, 林記燒烤, 翠華餐廳 】

澳門日半遊【GALAXY HOTEL, 聯記麵家, 水簾, 林記燒烤, 翠華餐廳 】
24-25 APRIL, 2013


來去匆匆去左個一日半澳門遊，因為上次去唔到好多地方，內心一直心痕想再黎食返餐，哈哈！咁岩有酒店房，就BOOK左過黎玩返晚，原本帶埋大細佬，點知最後佢學校有事無辦法JOIN，唯有下次啦！因為我地去咁多次澳門，大細佬都未跟過我地去，哈哈！又要等下次～

我地坐1：00船，去到大約2：00左右，係北安碼頭（氹仔）落船，坐星際接駁車後再轉的士去〔新馬路〕附近近清平直街，我地去【聯記麵家】食麵， 基本上係好出名祥記麵家附近，好易搵。





行經見到涼茶店，好正宗既五花茶，飲完立即排毒。哈哈！




飲完涼茶，好快行到。無人既～假日實迫爆！哈哈！

撈麵撈麵。好味道！

老公既【牛腩撈麵】麵質彈牙，牛腩夠淋夠香！好好味！

我既【雲吞蝦子撈麵】雲吞一口一粒，自家制即包，蝦子撈麵真係好香，好好味！分左D蝦子俾老公，佢大讚！哈哈！

YUMMY～ 食麵 

聯記麵食
地址 : 新馬路清平直街12號




今日既澳門實在太熱喇～ 我地行去大三巴附近，遊左一圈，BILLY見到間CAKE SHOP話入去錯！我當然話好架～ 就行入門口佢轉軑話返酒店TEA算，因為太熱，唔想再係出面。原本想坐的士又無，點知最後行下行下，行返星際酒店，坐接駁車  返GALAXY，唔知有無TEA架！試下有就有，無就算！

點知真係有～ 仲要我覺得係好野！GALAXY HOTEL【水簾】值得推介去下！而且環境舒服，好岩一家大細，又或者拍拖都岩！有人唱下LIVE SONG，都幾好FEEL架！

好大件SCONE先賣MOP10，好抵呀！！！！ 立即叫左件試，有得翻熱。



仲叫左兩件CAKE，一件CAKE好似係MOP35 一件，平過TONY WONG，味道都唔錯！左：鮮果塔 ﹣好靚，而且有好多什果係面，入面係熱情果mousse，酸酸甜甜，好味！
右：青檸蘋果芝士蛋糕 ﹣俾個樣呃左，以為好酸，有D蘋果肉，不過我唔鐘意食，BILLY就覺得幾好！

最開心有CAKE食，真係好爽YY呀！！

唔緊要，我有件SCONE補夠，MOP10一件，抵食！仲要好味！好大件～ 食完好飽飽。有齊牛油、士多啤梨醬、CREAM可以塗，好味！

我地叫左一本TEA SHARE～ MOP45一杯，今日太熱，終於叫左ICE Ceylon Tea，有驚喜竟然用Tea Forte，好大方！真係估唔到，所以好開心  又好飲，又香，又靚！哈哈！ 好大壺茶，可以有兩杯茶！抵飲！

好滿足，好驚喜，好抵既TEA 

影下合照先～ 好開心喔！ 



水簾 Cascades
地址 : 路氹城「澳門銀河™」綜合渡假城地下G03&G05號舖




HEA夠就去拎房喇～ 又係FREE WIFI，住呢間水酒店好開心！咩都有，忘記帶泳衣，又一次MISS左下面既泳池，BILLY提左我都忘記  算～ 我地今次住31／F，應該入住率不高，所以有高就要求高D既房，個VIEW都靚D～ 第二次住GALAXY，同樣咁鐘意，呢間房今次係青綠色為THEME COLOR。

澳門既酒店都好大～好好住！又夠光～

沖涼房，好大～ 可以浸浴，除左企缸去水有點差之外，其他都非常OK！有小GALAXY既沖涼用品，好貼心。

全部免費任食～ 哈哈！我忘記左拎喔！！！個杯麵～～～～

氹仔官也街景色 

休息陣，上下網～ 已經7：30PM，出發去林記燒烤，我地坐接駁車到【拱北】再轉的士到海濱花園第8座，同司機講林記燒烤佢地都識架喇！ 我上次落雨的士都無架！唔識去！今次我終於去到喇～～ 開心開心！
林記燒烤
地址： 黑沙環黑沙環新街252-358號海濱花園第8座

葡式凍蝦：MOP98，得四隻海蝦，大隻，厚肉彈牙！好鐘意，有好多生洋蔥碎加D檸汁／醋，好醒胃！

咖喱牛腩：好濃好香既咖喱，我就係怕太濃既咖喱，牛腩就好好食！
蒜蓉包：好食，燒到好脆
燒牛舌：好香！厚肉！燒得剛好，好好味！
燒栗米：燒到一粒粒，好乾身～ 多點蜜糖會更好味！

芥茉＋香草羊架：有兩味香草及芥茉燒羊架，另一邊係黑椒汁細細件好嫩肉，佢既肉仲係有少少血唔會燒得老

好濃既咖喱汁，點包食

自制合照～ 

整體我覺得林記唔抵食～ 都算貴！味道唔係我想像的好！哈哈～ 不過都食到好飽～


食飽行左陣先返酒店！上網睇MY TV先～ 哈哈！咁就一日喇～

我地住既ROOM 31102

訓醒要返工喇～ 坐船返工～原本講好九點起身，點知成十點半先起，要快手落樓下食早餐算～ 食完坐船返香港。 原本講好係去喜蓮食早餐！哈哈抵死～最後係食【翠華餐廳】

早晨喔～～好眼訓！太舒服唔想起身喔！

翠華熱奶茶，好香好滑～

MOP50一個餐 有MEMBER CARD有5﹪off，MOP45～普通！食完算喇！下次早D起身喇～

乾杯～ 日半食遊澳門完成～