澳門．珠海 4D3N．DAY 4【海泉灣溫泉渡假區、神秘島、老四川、元氣】

澳門．珠海 4D3N．DAY 4【海泉灣溫泉渡假區、神秘島、老四川、元氣】
1 APRIL, 2013

今日係愚人節~~ 仲記得呢兩晚都係度睇哥哥D節目~~ 係拱北酒店個晚仲播緊異度空間～ 好Q驚呀～～ 所以我都特別深刻知道，哥哥死左十年喇～ 好快！ 人生幾多個十年既十年又過一個～ 好快！

今日返香港喇～ 其實都幾開心～ 返屋企既感覺好舒服！

訓醒食早晨喇喂～～～ 嗶！ 一早食腸，土匪雞翼味既腸，試左條～ 難食～

鍋貼～～  食物總類普普通通啦！！

訓飽左～ 好精神！ 

嗶！咁殘既～～～ 

早餐～～ 食粥！ 粥好正常～ 其他試下算～ 已經飽左！

呢舊香蕉糕最好味呀！！！真係好正～ 好鬆軟，又香香蕉味！我地兩個一人食左四件！

食飽就行出去～ 事前BILLY話帶我去神秘島，完全無唸過係一個遊樂場～ 有幾神秘先～～跟我去睇睇啦！

嗶！ 呢度好空曠呀！ 無咩機動遊戲～ 前後我地玩左兩個，都係過山車之類，有個好搞笑～ 排排下孩，架車故障，要遲D先玩得～ 迫住無得玩，佢一正常我地又去玩～ 哈哈！唔驚死～～～

凍到不得了～ 我帶錯衫，就自然著錯衫！ 多謝小溫子熱情捐出外套一件，先無凍死老婆～～～ D 海棉寶寶個樣好麼盞鬼呀！

真係無咩玩～ 尋日先講完唔玩腳踏船，轉頭又去玩！ 哈哈！ 今次架船好踏D，唔使玩得咁辛苦！





件救生衣好大件～～ 左邊架船仔好搞笑～我地三番四次撞埋去～ 都無事～ 佢地見到我地就急急腳遊走～ 好好笑～～不過佢地都好NICE架！

嗶～ 去到呢邊好大浪～ 真係好大～ 搞到我好驚～～真係驚死架！就算無鱷魚，我都驚D水污衊啦！！！！！

真係好搖架～～～～～

合照下先～～ 




又撞喇！！！快D快D～～～～～

玩完就去排返頭先講既故障過山車～～～～OH！！！！ 好刺激架！ 真係秒速衝出去架！玩一轉就24秒完成！！！！快到嘔！！！！

哈哈！好多當地學生去玩～～～～OH～～興奮！！！玩完都覺得幾正！！好想去下大陸有個華僑城～好似都好正？有無朋友仔去過？？

玩完過山車就走喇！ 已經一點幾～ 仲未退房～ 退埋房已經快二點～～趕車返出拱北～ 同樣係一個鐘～～～我地返香港坐5：00PM船，可以係拱北食埋LUNCH先走～～

又去地下街～～去左間老四川食～～～幾好味！不過有點咸～～～

又等食～～～～

我出去一轉，BILLY口叫左成檯餸  我好鍾意食左上角既土豆絲，酸酸地好開胃！口水雞都好味～ 

四餸一湯～ 唔會餓親老婆！哈哈 ～～ 食飽我地就返香港喇！！

返到屋企差不多七點～～～～～執東執西整到九點半～～未食飯～ 好想食壽司～～又閃出街

香港都凍～ 懶得換褲～ 哈哈！著返件褸算喇！！！！

YEAH！落街食元氣

最近愛上元氣水蛋～好滑～～

係咁而～～食下算喇～～ 遠遠食太多濃味！壽司夠清～～ 岩哂！

總括呢四日都係食、食同埋食～～～～真係好飽！！
不過好開心，因為四日都同老公二人世界，感覺真係唔同D， 唔同FAMILY個D感覺，真係好開心架！！因為我好珍惜兩個人獨處既時間，好鐘意痴住小溫子四圍去～ 十月打算去蘇梅～～希望成行啦～～