澳門．珠海 4D3N．DAY 3【福海港大酒樓、海泉灣溫泉渡假區】

澳門．珠海 4D3N．DAY 3
【福海港大酒樓、海泉灣溫泉渡假區】
31 MARCH, 2013
早晨~ 訓到好晏~ 差唔到十點, 要快快手起身~ check out喇~~ 我地又要轉酒店~ 住三晚轉足三晚~~ 執好哂行李 ! 不過我出門好方便, 真係一袋就搞掂, 我買左lock&lock個d 吸納袋, 好似壓縮左D 空氣~ 令到個喼空間大D~ 又方便D~~ !! 好!! 講返今日, 主要係去海泉灣, 尋晚買定車飛, 去到先預約登記時間上車, 都幾方便~~

出發去飲茶~~~~~








去附近既【福海港大酒樓】, 係2010年5月個時已經黎過一次, 仲記得D小菜好好食~ 今次兩個人就去飲茶~~ 點知去到, 勁多人等位, 幸好我地等左15分鍾就有位, 可以坐低~~ 太幸運~~

一坐低又見到印度薄餅 , 好開心, 又可以叫香蕉薄餅

BILLY 落ORDER~ 我去左睇個師傅整餅~~ 佢拉到D皮好薄好薄~~~ (PS: 佢真係好印度佬FEEL~~)

拉到成張檯咁大, 不過佢會切頭切尾~~




YEAH ! 望住佢整, 好快有得食喇~~~~   香脆香脆, 香蕉加熱後特別香~~~




開餐喇~~~~~~

幫我過緊關~~ 哈哈哈~~ 無計啦~~~ 真係好難玩丫嘛~~~




個皮蛋廋肉粥, 好好味~~ 好似用鍋快煮(開放式廚房係我旁邊~)  點心都尚算可以~~ 不過都不及小菜好食~ 下次有機會再黎先介紹!

飲完茶前或後都要幫我過關~~~ 哈哈哈




好 ! 食飽飽, 我地十二點幾就行喇~~~ 落到去車站大約12:45分, 剛剛好坐到1:00PM個班車~~~都幾多人去啵~~ 架車出發去海泉灣~~ 車程大約一個鍾, 食飽上車又訓~~~ 真係太豬喇~~~~

去到海泉灣係有D驚訝~~ 因為好似有點OLD SCHOOL~~ 有點舊~~~不過酒店房都唔錯~~夠大~~~

廁所都好大, 好乾淨~~~ 用品都齊全~~~

房景就係咁喇~~~ 有D霧~~~~ 又落雨又霧~~

好~~ 放好行李又出發去行陣先~~~ 其實我影呢PART已經係最靚, 其實真係無地方好行~~ 哈哈哈的確有點被騙~~ 講到風光如畫, 睇唔到~~ 影相真係呃到人, 我睇自己影既都呃埋自己!!! 哈哈哈哈哈~~~~~

YEAH! 無野做, 行左個圈之後, 玩踏腳船, 我地總結個覺踏腳船, 非浪漫的拍拖活動, 而是辛苦雙腳既活動~~~ 哈哈哈哈腳軟, 小溫子好賤架~~ 明明無踩係度扮踩, 哈哈哈我當然又學下去~~~ 打個和啦~~~   大頭兵團~~ 出發~~~

O~~~ 好浪漫喔~~~~ 最開心真係兩個人係埋一齊真係好似以前拍拖咁~~~ 好爽~~~




喇~~~~~~~~~~~~~~~~佢又唔踩喇~~~~~ HEA坐~~~ 哈哈哈哈




踩完出左一身力~~~ 食飯, 都係酒店解決~~ 個時5點幾~~ 得返間《麵館》可以食~~ 信唔到都OK啵~~ 口水雞最難食~~ 麵就好好食~~皮蛋都唔錯~~~

價錢~~~~ 酒店無計~~ 實貴~~~~




哈哈哈 ~~~ 食飽行出黎~~~ 睇下佢做咩~~~~~D男人係咁唔自制架喇~~~ 不過得啖笑~~ SEND WHTAPPS俾屋企人睇, 笑死佢地~~~

好喇`~~ 返房換衫就出發去浸溫泉喇~~  溫泉D水有D咸咸地~~ 因為佢地係加埋海水一齊浸, 好似係咁上下~~ 不過溫泉真係好OK~~ 起初發現酒店無人既, 原來大部份人都黎左溫泉區~~ 好爽呀!! 不過無得影相丫~~~ 的確幾舒服~~~ 我地浸完仲覺得好滑添呀!!!

溫泉無得影~~~ 影影下都好似係食野咁~~~

差不多11點喇~~~ 溫生餓~~ 要食宵夜~~ 點知西餐廳無人~~~

就係得我地兩條友落黎食野~~~~ 哈哈哈哈其實我好眼訓架喇~~ 小溫子好精神啵~~~

我的皮蛋粥, BILLY的炒米粉~~~ 全部都好好味~~ 滿足滿足~~~