澳門．珠海 4D3N．DAY 1【Sheraton Macau Hotel、榮暉咖啡美食、瑪嘉烈蛋撻店、金都餐廳】

唔好意思, 之前篇BLOG有問題, DEL左~~

澳門．珠海 4D3N．DAY 1
【Sheraton Macau Hotel、榮暉咖啡美食、瑪嘉烈蛋撻店、金都餐廳】
29 MARCH, 2013

一連放四日假～ 同小溫子出發去澳門．珠海玩夠四日三夜～ 好開心呀！今次終於可以過下二人世界既生活喇～ 對上一次已經係HONEYMOON，不過FAMILY又好，兩個人又好，出去玩最緊要開心、盡興。 講返呢四日，三日半都係落雨，仲要帶左一把遮咁大把～ 哈哈！貪方便，換黎全身濕透透～一連四日假，幸好小溫子英明～ 前一日買定船飛出發～ 不過係坐8：30AM船，我地好眼訓～ 前一晚係WONG's FAMILY度玩得太夜～好辛苦！



眼訓～ 上船後慢慢訓  感欣當日無咩浪～ 訓得幾好！ 訓醒就到馬交喇～

專誠留肚黎澳門食野～ 又來榮暉食雞米～  

雞扒芝士飽～ 我每次黎都係例叫呢三樣～ 唔知係味物價貴，雞扒細左，價錢高左～係高左好多好多！不過同樣好食！




好鐘意佢個湯底真係好鮮甜味美，米粉吸哂D湯汁，清清地～ 我好鐘意～

小溫子既魚頭米～ 佢話無咁好食

最愛~ 好掛住個飽~

食飽飽就行出十月初五街~ 澳門好多舊式建築物~ 好多好有特色~



每次遊澳門必經的一站~ 哈哈 好少係呢度影相~

民政總署入面都有得影下相, 幾得意架~ 岩影相~

芬達廣告~~




唔知大家有無留意, 澳門d行人路有好多有特色既建築~

行經郵政大樓~ 之後行左去食葡撻~ KEKE~~ 好開心



瑪嘉烈蛋撻店
地址 :    新馬路馬統領街金利來大廈17B地舖

電話 : (853) 2871 0032

等緊小溫子買撻, 走去旁邊影張相, 間鋪好特別呀隻色~~  似糖果店多D~ 哈哈

排咁耐, 終於食到~ 不過我覺人認為大家可以去試下安德魯既葡撻, 好好食 ! 唔去路環, 可以去下威尼斯人酒店運河個邊食~




此撻我唔會再食喇~ 已經唔熱, 唔脆, 只是鬆鬆的, 我同小溫子都覺得西貢餅店更加出色

食飽行去永利先~~ 沿途見到D 牆, 好似磚咁既牆, 小溫子係對面馬路影 , 司機好好人仲停低少少俾我地影~ SO NICE~





小賭一回就出發去金沙城喇~ 好眼訓呀!! 終於有得CHECK IN喇~ 今次我地住sheraton macau hotel~~ check in完之後, 好香既咖啡~~~

小溫子學陳豪飲咖啡~~ 好嘆喔~~~

vanilla latte~

sheraton macau hotel 真係好大, 有分宏地樓 / 浩天樓, 不過就係用地氈分色, 宏地樓(綠) / 浩天樓(紅) ~~




小溫子帶錯路喇~~~

行返落大堂再搵返浩天樓先~~ 一入到間房覺得好靚呀~~ 簡約時尚~~




好鍾意塊鏡~ 好靚喔 !

sheraton D房都好大, 環境好舒服 !  我記得呢間酒店係我見既最多茶包同咖啡! 好似都係靚野~ so good !

洗手間同樣都係好大~ 有企+浴缸~ 自家品牌~~ d lotion好香~ 酒店太乾, 都係靠佢~ 哈哈




房景望正對面就係康萊德酒店~ 係金沙城三間酒店最貴既一間~~

好! 介紹完房, 無無聊聊發現相機有個好似漫畫mode咁~ 好得意架~~ 哈哈哈玩左好耐~~




睇唔清個樣又幾靚啵~~

遠望泳池景




我的豹鞋~~~ 著左一日~ 之後全部拖鞋！落雨呀！

ｓｗｅｅｔ　ｔｒｉｐ　　




靚～～

二人行馬交遊～

澳門必備澳門王　




I PHONE用戶有福了~ 有得差電+聽歌~~ I PHONE5朋友記得帶轉插器喔

好~ 出發去行陣街先~~ 酒店咁大~~ 決定行下先~~~




灰 X 紅~ 型~~

好大既剪紙佈置~~




近賭場都係名店, 旁邊都係D 大牌子~~~

有新巴女朗跳舞~~~




留心D留意會見到有水流落黎, D 水係有字架~~ 當然都係廣告啦~~~

旁邊有FOODCOURT~~ 都不值得介紹!

行行下搵到條路行去四季酒店 ~ 再連堆威尼斯人~ 好方便~ 可以唔使坐車都去到~~ 好方便~





金沙城~~

四季酒店~ 歐陸風格~~ 好靚呀



朱古力晚裝~~~

復活蛋花~~ 現場睇好靚架~~ 不過睇相就唔知似咩LU~~




之後好難得先黎到金都酒店食BUFFET~ 完本我打算好大段講點解~~ 唔該YAHOO ! 我唔打LU~ 反正好好彩搵到間食得又算價錢OK既酒店 ! 哈哈 感欣感欣~~  復活節度度都爆場~ [付LOOK]地WALK IN仲有位~ $398+10% ~ 個陣唔理咁多~ 已經入左去~ 哈哈哈見到人多都無咁驚~~

不過我地最想食都係MGM既BUFFET~~~ 我下次一定會早D BOOK架喇~~~ 因為個日見到有即切PAMA HAM~ 好豐富~~~~

金都餐廳
地址 :    路氹城南部遊艇碼頭鄰近西堤圓形地金都娛樂場1樓
電話 : (853) 2888 6800(內線3220)

入到去被安排坐到最最最最最後面~~~  見到Hangendazs 雪糕杯任你食~~ 當然我都只係食到一個~ 哈哈哈哈 

甜品款式不多, 樣同味都係一般~~~




前菜好好食~~ 款式都有6-8樣~~~ 算多選擇~

海鮮拼盤亦好多選擇, 有蝦、長腳蟹、藍青口等~~ 尚算唔錯~~

沙律~~ 我個人覺得好一般~~~

刺身round~ 出面好多人~~ 唔太想迫~~ 食住先~~~ 刺身厚切~




老公拎俾我既鵝肝多士, 有點油~ 我不喜歡 

重點 : 即開生蠔~~~ 小溫子一連食9隻~~ 真係即開, 睇住佢開~~ 新鮮度好高~ 不過我無食~ 俾唔到意見~

有人食海鮮食到大滿足~~

熟食方面~~ 我覺得都係普通~ 只係樣樣都好食~ 樣貌欠缺, 但有內涵既~ 如果平時係平d 既~~ 都可以黎試下~~~

自助餐自己DIY甜品~~ 哈哈哈~~~ 食完好滿足~~~




  YUMMY~~~

食飽就行去GALAXY~~~ 有免費車可以返到金沙城~~點知~~~~~~~~~~~~~~~

好多人~~~~~~~~~~~~ 最多人等車係金沙城~~~~ 等左好耐~~鍡蚊





其實我已經好攰~~ 不過下午收到張PARTY入場卷, 免費參加, 打算一睇就算~~~ 點知好靚~~~ 係泳池邊有DJ打碟, 又有酒飲~~(當然要俾錢~) 又有涼風~~ YO~~~ 好爽呀!!

JAYA~~~ RELAX~~~




現場睇好靚~~~ 周五周六晚上就會有呢個PARTY~~~ 好多外國人係度跳舞~~~ 我地都俾佢既氣氛感染到~~ 好開心~~~

談情就無喇~~~  小溫子太喝三杯~~~~~ 佢話非常爽啵~~ 環境氣氛一流~~~




BAR檯~~~ 越夜越多人~~~

我當然係無酒精飲品~~ 哈哈哈

CHOK WAN

好想訓MODE~~~ 哈哈哈

係咁完美既音樂, 環境, 氣氛下作結~~ 真係好開心呀!! 多謝老公