台北 ♥ 2013 Day 3【點水樓、貓空纜車、聖娜多堡、COLD STONE、誠品、麻辣一村】

台北 ♥ 2013 Day 3【點水樓、貓空纜車、誠品、麻辣一村】

16 JANUARY, 2013

今日好早起床，因為我要早D出發去換錢，早上既西門町帶點寧靜，穿過兩條街就到銀行，可惜第一次我忘記帶入台證，又返轉頭，點知第二次我再去既時候又話最多只可以換HKD3000， 我打算換夠HKD4000既，好～ 我唔想再行就照換啦！點知台北第一銀行既姐姐，傾住無聊電話要我等佢， 之後要我自己填哂D資料，每張銀紙都要填，勁麻煩！ 問句野又要等佢答我，仲覺得我阻住佢講電話！個下我真係好嬲！ 嬲到即刻撕爛張FORM即刻走，嬲到我丫！ 我手上仲有小量台幣，夠我坐車去到SOGO，去到再換！

返酒店同家人會合再講下我既經歷先～ 即刻無事！ 當我唔好彩！ 我地行走去坐捷運～ 

忠孝復興站 EXIT 2 , 一出就係SOGO（復興館），唔好行錯！因為呢個捷運站係有兩間SOGO的，唔同出口！一上到去就係岩岩好換錢既櫃檯，同樣HKD3000，不過呢度簽個名就得，方便好多！！！ 

今日我地既第一餐， 為於SOGO復興館既11樓

【點水樓】打算試下其他小籠包先至揀佢～ 點水樓位置方便，裝修好靚，不過我地覺得呢餐好失望！而且好貴，如果好好食都值既～BUT真係好普通～～～～

【點水樓】最出色只係蘿蔔餅，同埋煎餅 

牛肉麵也不錯！

我地超期待既小籠包，令我地失望了！ 還是鼎泰豐最好！ 

好！大家食飽飽，落返去，因為呢度有好多野買，都係手信，禮盒比較多～ 我地去台灣前有朋友送左呢盒【裕珍馨】奶油小酥餅，BILLY同細佬覺得好好食，咁岩經過見到就係度買手信啦！！！  

買完手信，放返係間餅店，今晚先拎，因為今晚我地都係附近食飯～ 因為我地呢加去坐「貓空纜車」，YEAH！ 好興奮喔～～

之前想黎架喇～ 點知休館定期檢查！ 今次終於上到黎喇～ 開心開心～

出左動物園捷運站之後仲要行一斷小路，哈哈～ 我地係條街都傻玩～～～

爸爸～ 咩事呢？ 打功夫？？

YEAH！好大風呀～ 

終於到喇～ 貓空纜車好經濟，無論坐水晶定普通都係NT100，好抵坐！！ 不過水晶排耐少少～ 我地都照排水晶車廂啦！

出發～～

我地一家人一架水晶車廂  開心開心～

OH～ 爸爸有D驚高架～ 好開心呀！ 係香港架車又貴～  仲坐好耐添～

同BIGGER影下相先～ 

影張正經D先～ 風景真係非常之好！

爸媽邊欣賞風景，一邊影相～ 開心～

可愛 

O～ 到貓空站喇～ 一出去風景好優美，而且好好風～～～ 好舒服呀～～ 

【貓空站】

影張相先～  有太陽射住～

一行出貓空站左邊有好多檔既小食店，我地見到地度野一定要試下先啦！ 

最愛台灣山豬肉腸  YUMMY～

NT35一條！！！正～～～

呢邊好多茶園～ 我地亂入左間茶店，有賣鐵觀音雪糕，好奇既我地當然一試啦！！！ 只可以講好奶～ 好茶～ 

有靚車～ 坐住佢吹風實好正姐～

同BIGGER見到一對好可愛既貓像 

一語度出心聲～～ 我仲有台中未去過～

好喇～ 落山LU～

時間關係，行左轉就出發去市政府站，原本打算行去101既～ 點知落雨，咁唯有行商場啦～

YEAH！ 統一百貨門口已經有麵包賣～ 爸爸肚餓，買左兩個麵包食～ 呢間包店叫「聖娜多堡」D麵包真係好香，好好味！！大家可以試下～

旁邊就係【COLD STONE】，黎到台灣一定要食啦！ 一陣要食麻辣鍋，叫一客一齊SHARE食先～

最愛既士多啤梨加香蕉   大愛～～

每次黎都要食架！！！ 

下著雨，遠望101算喇～ 

食飽行陣誠品先，要等胖胖放工，我買左本台灣料理書，哈哈！其實到呢加都未有時間去睇，學左再教大家～ 哈哈！

YEAH ！ 等埋胖胖我地就出發去食今晚最期待既「麻辣一村」， 我係非常推介大家去食既！真係好正，D肉質好靚！

非常多既調味料，我就勁落白蘿蔔蓉，蔥花，腐乳醬！！超級好味！哈哈！

位置都坐得舒服，有個人空間，記得要訂位！

混醬～ 

美白牛奶鮮魚湯 ＋ 麻辣湯底

任飲～～～ 支裝可樂～～

任食MOVENPICK 雪糕！ 無錯！係任食！！！！！  LIKE爆

所有食材都好好食～ 任食黎講，質數真係唔錯！

麻辣一定要配王子麵喔！！ 

蔬菜～～ 咩菜都有！！！好新鮮～

海鮮都唔錯！！

最後梗係留肚食雪糕啦！！要食兩碗回返哂本喇～～哈哈！！

平時爸爸唔食雪糕既，都食左碗落肚！！哈哈！！ 真係好好味喔～

麻辣一村 

忠孝店：台北市忠孝東路四段98號（Bistro 98）8樓 

忠孝東路及大安路口，忠孝Sogo斜對面 

預約電話：（02） 8772-1518

YEAH！食飽飽好開心，今晚都好開心，笑笑笑～ 笑到傻左！ 胖胖呢位朋友陪足我地，真係好多謝你呀！！ 下次再你黎香港喇～ 哈哈！