台北 ♥ 2013 Day 2【地熱谷、鳥來老街、鳥來瀑布、師大夜市、俞美精品飯店】

台北 ♥ 2013 Day 2【地熱谷、鳥來老街、鳥來瀑布、師大夜市、俞美精品飯店】
15 JANUARY, 2013

YEAH！ 執好第二日相喇！ 知道大家心急，我會努力架喇！不過新年快到，我忙瘋了。

好！講返一早，我地落左春天度食早餐，已知道都係普普通通，可以飽肚個隻，因為一陣浸溫泉，點都要食少少野既～





哎喲！連關東煮都有～ 厲害厲害！

清清地～ 幾好！！

食飽飽我地返房換衫喇！ 要換浴衣出去風呂LU～～～～YOYOYOY～～ 興奮！

呵呵！ 先自拍一張浴衣照先～

落2／F 係溫泉露天風呂

認真，呢度真係好舒服，有點點涼風，浸係暖暖既溫泉，真係好嘆呀！！！！

環境乾淨，而且清靜，場內都有本地女士們專誠黎浸，的確不錯！

浸完可以吹吹風，望住個靚景，休息一下。 好梳FU～ 

熱石區， 浸完有時間最好可以訓响度訓下覺，就最舒服喇！ 可惜我地時間有限。

很重硫酸味的溫泉水～

十二點前交房， 我地都快快整頓好行李，準備離開春天酒店喇！

再見喇～ 春天！ 你好好住呀！ 下次再見

好！ 時間尚早，又黎到北投呢邊，當然要去附近既【地熱谷】行返轉先～ 【地熱谷】位於春天酒店附近，行落去都只要十分鍾左右路程，非常方便！

OH～ 只係睇相你就知有幾熱啦！！ 我地熱到外套都唔使著！！超級熱呢～ 不過環境非常優美，如果住北投酒店既話，值得黎睇睇！ 我朋友講站呢度以前可以整溫泉蛋架！不過發生過意外之後就停止左，無得自己親手整LU～

呢D風景區同爸媽黎就最岩喇～～～

一位外國朋友幫手影既～ 哈哈！ 終於有張似樣既合照喇！

IPHONE的全景拍攝好好玩呀！！哈哈！

好喇！ 行完地熱谷我地坐捷運返西門町喇～ 因為黎緊兩日都係住西門町～ 就係捷運影完呢張相之後，發生一件很有緣的事～～～哈哈！ 就係响捷運上遇到一位家在台北的香港人，而呢位先生竟然係睇過小妹既BLOG 哈哈！ 世界實在太細！真係好開心，好高興認識你，金先生。

捷運中～
當時我係坐得好HEA，玩緊電話，突然間坐我對面有位先生望到我，然後同我講左句說話！

許：（指住我非常有善地微笑）我有看到你的部落格
我：（勁HEA狀態，未回魂，無細心留意對方講乜，我內心以為佢指住我話我聽小心走光，但當日我著褲 ，我係聽到部落格三個字，我以為係台灣話既走光口頭蟬）
我：（對媽說）仲咩話我走光姐～ 我著褲架！
媽：D台灣人真無幾好啵，咁好心底！

【呢加念返起簡直係笑話呀！！！哈哈哈哈】


再來許先生，指住爸爸，再同我講～
許： 我有看你部落格，你跟BILLY的！你剛結婚。。。爸爸媽媽送你。。 。。（大概我記得，詳細忘了！哈哈）

我地全家人係咁點頭笑住答： 對！對！對！
許：我請你們吃飯！
我地全家傻笑答：不用客氣了！
跟住講左咩我唔太記得咧！
許先生熱情咁邀請，但夜晚約左胖胖～ 所以無答應，下次有機會一定會應約

哈哈哈！大概大家當時心情都好興奮！ 後來傾開許先生都係香港人，不過已落地生根於台灣呢片褔地！真係幸福呀！因為我地全家都想搬去台灣！哈哈哈哈！

後來許先生都係同爸爸傾計多喇～ 因為佢地坐同一排～ 我地係對面， 三母女係咁講，真係世界好細！好有緣呀！！！哈哈哈哈！雖然只係短短幾個捷運站，大家都傾得好開心，而且好似有D遇上家鄉人的感覺～ 而且許先生非常親切，台灣人真係好友善，你去多幾次真係會愛上台灣 每次我去台灣，感覺好似回鄉，反正有時間，找岩人就出發去一轉，真係好開心架！！！

謝謝你！許先生，知道你有看部落格，雖然沒拍到照，不過這麼特別的經歷也會讓我記住了。  下回有機會來香港我們家也會非常熱情的請你吃飯或飲茶喔！哈哈

係台北車站轉車，跟許先生道別之後我地就坐到西門町，今次入住【俞美精品飯店 Beauty Hotels Taipei-Hotel B6】，位於西門町武昌街，電影院對面，地點尚算方便，不過酒店新起，房間比較迫，但係我已經係訂左高級雙人床房，都係好細，不過張床好大，爸媽都滿意，而且好欣賞佢地咁善用空間！哈哈！

一入房已經係一張大床！不過隔音有D差，對面房的香港朋友，一朝早就開住兩間房度門，係度大聲傾計，放音樂我知一家人好開心，但我被佢地嘈醒好唔開心，行為實在自私。我地唔好變左強國人，要有自律的心喔！




書檯同床非常近，不過裝修時尚！ 幾舒服，如果CITYINN PLUS FULL左，我都會推介朋友住呢間既～

洗手間乾淨，光猛！ 爸媽個間房係開房式，同我地唔同！

用具齊全！

床頭有照明燈，呢個設計唔錯！！

門口可以放行李！ 同掛衫，呢間酒店係無衣架供應的！！！

好！ 介紹完酒店去爸爸房飲杯茶就出發喇～

原本去點水樓，坐的士去到先知休息！ 好！ 再坐的士去到信義區鼎泰豐又休息！ 

好！ 我記得呢度有【度小月】，食【度小月】爸媽都岩食！！

【小羊城油雞】，爸媽大讚好味！特式在於連埋一片香橙一齊食，味道好清新特別！

我地叫左好多野食！！樣樣都好好味！【擔仔麵（湯／乾）、肉躁飯、和花龍鬚菜、荀干扣肉、台南小炒、特滷大腸】

已經食過第二次，真係幾好味！ 大家經過信義區可以黎試下架～～

【度小月】地址:台北市忠孝東路四段216巷8弄12號
電話:02-2773-1244  營業時間:11:30~23:00

食飽飽之後我帶大家去鳥來～ 其實有D晏左入～ 不過無計啦！！照去～ 捷運站到新店，一出閘右邊有公車，因為趕時間我地坐的士，NT100一位，我上次黎都係咁既價錢，上車後司機問加NT200去唔去埋瀑布，一場黎到是但啦！！！去埋！！

我地先到鳥來瀑布，再到老街行下。 其實沿途都係山路，而且有D陰暗既感覺，我未必會再黎烏來，因為D山實在太言，我有D驚 爸爸坐車忍唔住問我，阿囡點解你搵到呢D咁入既地方黎呀？有咩特別？ 我話唔知架，叫做見識下～ 望到D山知道自己好渺小！

大約20分鐘車程，到達呢個司機站好特別既鳥來瀑布， 我只係感覺到有D寒～ 係心寒～ 拍鬼片岩哂！ 哈哈 ！ 除左瀑布叫做有野睇之後，旁邊一概無野睇，得D無人住既酒店同埋好舊無人坐既纜車，真係好Q恐怖！！！！

嗱～～～渺小呀咧～～～～～  我地係被山圍住，影完相～ 好D驚，快D走～因為媽咪驚危險，決定包埋車落返新店，司機有運行，我地真係水魚～ 送到你上山，你無得唔落山～～～哈哈！！！

鳥來瀑布～ 見識過喇～ 司機話其實可以去瀑布入面架，我地唔玩呢D既～

好！司機送我地到鳥來老街，走個陣再車我地！

見到一棵好靚，唔知係咪櫻花～

黎到老街一定要食山豬肉腸！！！好好味！！！

鳥來老街， 平日真係無咩人。

買左支溫泉玉米～ 好清甜～

超級讚既草莓，超級好味！！！要多加鍊奶～～～～

好新鮮喔！！！！

我KO一杯了～～哈哈！！



QQ既糯米～～ 我妹大愛！！！

買到糖蔥， 可以返香港整糖蔥餅～～哈哈！！！開心

好快樂的行程～～～好開心！！！！




其實老街特式店唔多，行一陣就行完，不過天已經入黑，我地要去師大搵胖胖！！！！司機車我地落新店，已經訓到傻左！！！一來一回一共NT1200。不過真係方便既～

師大夜市位於台電大樓捷運站。

其實我地處於一個好飽既狀態，不過約左都係要食飯！！！哈哈！！ 胖胖帶我地黎食台灣人既泰國菜，呢邊D味唔太辣，亦無香港D味咁濃！

伊洛瓦底～

好豐富！！！！！酸酸辣辣好開胃！

好多本地人食！！！

飯後送甜品，好好味喔～～～

之後既行程唔岩爸媽，佢地自己返酒店！！我地三個就梗係SHOPPING啦！！！YEAH！！

終於可以有時間買衫喇！！！最愛師大！！！

時間關係我已經買左一堆～～～～ 同埋我地等緊買紅豆餅！！！

麻雀紅豆餅～～呢間都幾好味！！！

買芭樂俾爸媽！！！

重點我要推介呢間【燈籠滷味】！！！超級讚！！！

非常多本地人幫襯～～

自己揀完食物， 計埋錢之後有人幫你加熱！！

NT400 ～ 胖胖說我們瘋了！！！豬腳筋超QQ的！！好骨膠原喔！！

加熱中～～～

完成品！！！ 味道非常好！！！好好食！！！大家一定要試下！！！係正師大夜市正中間～ 一定見到～～

好長既DAY 2～～～～ 我打BLOG用左兩個鐘～～～ 我要訓喇！！！BYEBYE～～