台北♥2013 Day 1
【北投春天溫泉酒店、淡水、情人橋、漁人碼頭、乾杯、淡水老街】
14 JAN 2013
新鮮滾熱辣既台北BLOG, 用左我用黎訓教既時間執左D相, 只係第一日我已經執左70張寫BLOG, 夠哂豐富喇 ! 都係當埋留俾自己做參考, 我就算去過好多次, 有時都無忘記點去, 要自己睇BLOG搵資料, 哈哈哈 ! 今次就係咁喇 ~ 幸好自己有寫得清楚, 都仲睇得明~ 哈哈 ~ 有無留意到我開左D 旅行地點標籤, 我係用黎方便自己睇架! 方便埋搵資料既你~ 所以我標題都改埋, 列明去篇BLOG去過咩地方, 方便哂!
YO~ 香港機場當然要影香港地標啦 ~ 我為左慳每人12蚊, 我棄國泰, 搭中華, 而且中華10點機, 國泰10:40機, 原本我好有道理, 仍然被家人話我幾時變得咁慳家, 而且到機場先發現要遲15分鍾飛, 又被七嘴八舌一番, 不過我仍然愛中華 ~ 呵呵
我愛中華
好快就到台北桃園機場, 第一時間都係換錢同埋買電話卡, 要上網搵資料同埋聯絡朋友 , 換錢裡裡外外都一樣, HKD 1: TWD 3.6 (算最高, 我去銀行/SOGO/酒店都無咁高, 又或者同銀行一樣價) , 電話卡有三間公司, 我都係楝價錢合理, 夠用就算 !
遠傳電信 NT300/ 3日任用 (14號12點開始用到17號下午12點) 去4日3夜就買3日夠用 ~
桃園機場已經裝修得差不多喇~ 呢加坐巴士係要向右邊行, 再唔係以前既左邊喇~~ 向右邊行之後再落一層有多款巴士俾大家楝
話咁快就買到飛喇~ 一開頭想去民權西路捷運站個邊食飯既, 所以先坐大有巴士, 平時坐開國光好快架~ 今次坐左成個半鍾, 頭都痛埋, 重點係落坐車, 向中山站落左, 最後決定放棄食飯, 直接去北投算了~~
大有巴士 NT90 一張
好快就坐捷運黎到北投站喇~ 我同BIGGER(妹)都好餓 ~ 見到爭鮮, 一人一盒買左返酒店開餐~
好抵好抵 !!
一出捷運站我地坐的士黎到今次最正既酒店【春天酒店】, 一開頭見LOBBY似90年代STYLE, 內心已經一沈, 好驚唔靚, 點知上到LIFT已經覺得感覺好舒服, 入到房地方算大, 環境非常好! 今次訂左【典雅雙人房】, 好值得推介, 非常乾淨 ! 感覺好舒服~ 下次我會再安哥呢間酒店!
黃爸黃媽間房既溫泉位置仲大, 每間房既STYLE都唔一樣, 各有各好啦 !
話口未完, 參觀完兩間房之後呢, 我同BIGGER就開餐喇 ! 好好吃喔~~
忘記介紹今次主要係陪黃爸、黃媽遊台北, 佢地都幾年無黎, 我地就成日黎, 哈哈, 今次點都要帶佢地黎玩下, 以前你帶我地, 今次到我地帶你地啦 ! 而BILLY呢~~~ 哈哈 佢留响香港搵錢, 我地去嘆世界! 真係無娶錯佢~~~ 抵鍚 !
黃爸每到每一個地方, 必定要帶備私家茶, 連杯, 茶壺都要帶~ 哈哈所以我地係俾茶浸大
黃爸黃媽房的景色都不錯, 係多左條野姐 ~
好喇 ! 事不宜遲帶大家出發喇 ~ 我地响北投呢邊, 近近地去淡水啦~
大堂有靚花, 唔知叫咩名呢?
門口
我地就係等接駁車喇 ! 有分時段既, 多數都會係出酒店先坐, 因為無車嘛 !
【 北投站 → 淡水站 】
淡水 1號 出口 , 正是大家都去過既淡水老街方向
不過我地先去【情人橋】個邊睇日落 , 時間關係我地唔坐紅26公車去, 四個人坐的士去都好方便
一去到漁人碼頭, 雖然黎過, 今次有D唔同, 多左個LOVE , 幾靚 ~
影張合照先 ~
行情人橋
行情人橋無老公係旁邊取暖, 借住BIGGER妹用著先啦 ! 哈哈哈 呢度好凍架 !
淡水【漁人碼頭】呢度靚左好多呀~ 仲好浪漫添 ~ 拍拖好去處呀 !
【情人橋】
【漁人碼頭】新酒店已經落成, 就咁睇個環境都抵哂啦 !
天陰到無太陽喇 ~ 入夜有打燈, 另一般的美
浪漫的淡水 , 配著冷冷的風, 真係好凍呀 !!!!!!!!
黃爸爸話淡水呢兩隻字好特別~ 叫我影得~ 又係既 ~
之後我地坐公車喇 ~ 坐紅26公車返淡水捷運站
一返到黎已經入黑, 經過MISTER DONUT又買黎食先
甜甜圈呀 ~~~~ 我的最愛 ~~~ 你何時回來香港 ~~~ 我還是喜歡原味的 ~~
去到【淡水老街】已經開始要搵食喇 ! 第一站 【繼光香香雞】
大SIZE NT100 , 抵食 ! 雞肉嫩滑, 非常可口 ! 黃爸最愛
呢位哥哥仔好搞笑, 見我地影相一齊影~ 台灣人SO NICE
接住黎就係買手信喇 !
郭金山既杏仁酥好香、好鬆化
朋友ORDER既黑糖薑母茶, 女生好岩飲, 買左【桂圓、紅棗味】返香港飲下先
【淡水老街】
又係手信站【許義魚酥】的確好味又抵食 ! NT50/包
有原味 / 辣味
買完手信岩岩好行左一圈, 就約埋台灣朋友仔, 胖胖, 上次我結婚佢都專誠黎香港飲, 非常有心 我地一連三晚佢都陪足我地, 真係夠朋友!! 話就【乾杯】未有位, 我地去星巴克坐下先, 飲杯COFFEE嘆下先~
我的好友謝謝你陪我們幾天囉~~
等到八點終於有位喇 ~ 【乾杯】係一直都想黎食既燒肉店 ! 要等人多食先好 ! 可以食多D 唔同款式
CHEER~~~~ 乾杯乾杯~~~~~~
招待我地既係表哥, 非常NICE~~ 跟黃爸好岩傾
一入到去音樂聲非常非常大, 傾計好似嘈交咁, 不過氣氛非常好, 連黃爸黃媽都話年輕十歲~ 哈哈哈 太誇張嗎 ? 你地去試下就知道~ 反正呢餐又好玩又好食
點解我地既COLOR TONE 咁似既 ! 哈哈哈 ! 無約埋架~~~~
乾杯~~~~~ 這杯有酒精的, 我叫左先知道 ! 好似係提子SODA~
食飯前影張合照先~~~ 開心開心~~~~
我地叫左五人套餐, 咩都有, 每樣都好好食 ! 想黎好耐, 今次終於黎到, 好開心~~~
除左牛同豬, 仲有豬 同海鮮, 菜 都有 !! 前菜有沙律, 泡菜等 ~ 非常豐富
好多蔥花好香呢~~~
表哥會經常幫我地燒, 非常熱心, 差不多每燒完一次, 佢地就自動幫我地換網, 前前後後換左十次以上, 非常感謝~~~哈哈
點解話無年輕左, 有相為証架 ! 哈哈哈哈哈 , 黃爸黃媽親10秒就可以換豚肉一碟~ 哈哈哈而且非常開心搞笑~~ 估唔到既就係呢張相, 送俾我地~ 好開心喔!!!!! (PS黃媽話唔可以POST上網, 我只係POST相中相~~ 無錯既)
啦啦啦~~~ 好好味唷 !!!
下次要帶朋友黎試下先~~~ 哈哈
食飽飽, BIGGER要買紅豆餅, 胖胖話【晴光紅豆餅】好好食, 而且好平 NT10/個 , 奶油/紅豆一樣好食~ 買返酒店食
一返到酒店第一時間沖涼, 浸溫泉啦 !!! 今晚無去到露天風呂, 聽朝要早D起身出去浸先~~
真係真溫泉~ 好硫磺~ 好舒服喔!!! 黃媽一直講, 下次要帶BILLY黎~ 哈哈哈
波完溫泉, 胖胖竟然買埋生果上黎俾我地食~~~實在太好喇 ! 台灣番石榴 (台灣名為笆樂) 非常清甜多汁, 配梅子粉一流! 胖胖實在太好喇 !!!! 滿足的一天
繼光香香雞!!我的最愛呀!!!!
回覆刪除[版主回覆01/25/2013 17:35:40]我都係呀!
娃哈哈! day 1 就咁正!! (仲有台灣好朋友陪你地四圍去, 堅係開心開心!!! )
回覆刪除[版主回覆01/25/2013 17:34:19]哈哈我會快D寫埋之後架喇!
好講究, 自備茶具
回覆刪除[版主回覆01/25/2013 17:32:12]係呀!我地全家都好鐘意,包括我老公呀!哈哈
節目豐富,好吸引,令人好想即係飛去呀。。。
回覆刪除隻白色嘅花好似係雀梅?
[版主回覆01/25/2013 17:31:29]快D買機票啦!哈哈呢排機票都好平!
你呢位好妻子, 真是好孝順陪MAMA PAPA旅行
回覆刪除[版主回覆01/25/2013 17:30:40]孝順父母係我地做仔囡該做既😊
超多美食呀~~ 而且可以一家人一齊去旅行真係好開心~~~
回覆刪除[版主回覆01/25/2013 17:29:52]哈哈台灣都係美食天堂!
行程超超超豐富呀~~慢慢寫...唔洗急,最緊要快~哈哈哈
回覆刪除酒店溫泉舒不舒服...一定爽啦
[版主回覆01/25/2013 17:28:59]之後既行程都非常豐富,行到腳都斷咁滯!我會加油架喇!
春天我都住過ar,真係好正ae!
回覆刪除慢慢打,我等你~
[版主回覆01/25/2013 17:13:28]真係好正呀!好想去浸、呢刻好眼訓〜
好正呀, 旅行真開心!!
回覆刪除[版主回覆01/29/2013 10:15:35]係呀!真係好爽呀!
嘩.....見到咁多美食, 好吸引呀!!
回覆刪除哩一篇一定要MARK低佢先, 對於未去過台灣既我非常有用!!
仲有酒店房內有私人風呂, 正呀!!
[版主回覆01/29/2013 10:17:27]呢間春天溫泉酒店,我都建議去下,真係堅正!未去過台灣,希望你會同我一樣咁鐘意,我去過台灣好多次,真係次次都想再返去。
我二月尾就去台灣喇! 期待你跟住落黎打埋之後果d!
回覆刪除[車厘回覆01/31/2013 01:46:52](給力、給力)
[版主回覆01/29/2013 10:19:51]哈哈!好啦!為左你我會加快進度架喇!因為我要寫卜前執相,都成個鐘,老公又唔俾我夜訓!一日執相一日寫卜,因為太有資料性我都比較花時間!等我喔〜
很開心的旅程~~ 春天酒店俾人有很舒服的感覺~~ 下次都要試下~~
回覆刪除你的爸爸很喜歡歎茶, 帶埋私家茶具用品~~ 犀利~
[版主回覆02/02/2013 18:28:53]春天的確不錯!房間內的溫泉同樣非常讚!
我全家都好鐘意飲茶架!哈哈
睇相已經好掛住台灣。你啲相好令
回覆刪除[版主回覆02/02/2013 18:30:12]我自己都係,每次睇完都想去呢〜
你地一家真係好sweet!!!
回覆刪除黑糖薑母茶 又係我飛彿, 哈哈!
[版主回覆02/02/2013 18:31:10]哈哈 ! 識貨呀!真係好岩女士飲架!
我幾年前跟團係住呢間春天呀,房有得浸真係正到痺呀!!!
回覆刪除[版主回覆02/02/2013 18:31:45]係呀!露天風呂都唔錯架!
請問你幾點由酒店出發去淡水?
回覆刪除[版主回覆03/01/2013 13:18:59]好似三點幾
請問你係旅行社買套票,還是直接上酒店網訂房間?那會經濟D?
回覆刪除[版主回覆03/14/2013 10:19:04]Hi!
機票我係中華網站買
酒店就係hotel.com
THX FOR YOUR INFORAMTION ARH~ 仙蒂
回覆刪除我而家都心大心細緊去唔去浸溫泉... 而且D行程都安排緊. 因為得番幾日.. 但係你寫得真係好好, 幫左我好多去SEARCH 資料 :)
不過, 我想問除了溫泉, 你覺得附近的地方值得去嗎?
[版主回覆07/27/2013 15:52:14]如果北投既地熱谷都值得去望下既〜有時真係玩唔哂〜 所以我都去左好多次。