曼谷 2012 ♥ Day 2【BIG C、翟度翟、ASIA HERB 】

又有半個月無blog 喇！因為最近summer，公司可以安排呢兩個月可以返早，
難得放早我梗係勁約朋友啦！同班friend大聲講大聲笑，好開心
知道有blog友就出發去曼谷， 我盡我能力，快打快打。。。。。加油！

曼谷 2012 ♥ Day 2

24 June 2012

早晨出發！我地間房1521 , 條走廊有d暗，配藍色燈光，好誘人

聽聞呢間酒店既早餐好好食，而且款式好多
所以我地一早就落去。。。地方幾大，真係多款揀，D包好好食！
我地兩個狂食，仲有WALFF一定要食，好脆卜卜架！
仲有新鮮蜂蜜！ 

早晨樣！ 睇下我地個早餐幾豐富

呢個OMLET真係每日必吃！哈哈食足三日，連師傅都認得我地 

新鮮水果, 我地最愛呀！菠蘿特別甜

呢間既羅馬生菜非常新鮮，一人一碟丫唔該！  

食飽飽就出發喇！！！！我地先去BIG C，再去翟度翟 

途經酒店LOBBY，見到呢隻花，好靚，呢間酒店都係用橙色花, 好靚！可以買返屋企架！120Bth一小樽，做手信都ok 架！

哇！一出酒店真係覺得好熱哩！

我地坐BTS去BIG C，BTS Chit Lom落車就行到去。。。已經行到熟哂！

途經CENTRAL WORLD

ZEN D野好貴，無睇無買。。。。

COEY 旅途的背影 

CENTRAL WORLD 留影先。。。點知。。。無左個CENTRAL WORLD牌既？？？哈哈！是但啦！

行去BIG C個時俾我地遇到紅衫軍，我好興奮呀！平時係電視先見到，好想走埋去影下相
其實佢地既示威非常和平，又有歌聲，好似開演唱會多D

到喇！見到麥當奴叔叔就到左BIG C 門口

未上BIG C 前去左呢間BEARTY BUFFET幫朋友買EYE LINE，朋友一買話要買三支，好奇心使我都買三支，不過我買黎送俾朋友仔

BIG C 係唔可以用相機影相，但可以用電話影
BIG C 都係買手信多，我同COEY買到成車都係杯麵，魷魚，紫菜，M巾，百力支，真係咩都有D

我聽人講泰國M巾好用，但我唔知咩款，就是旦買，但我覺得唔好用既。。。無再入貨！

MAMA杯麵！勁買！上面橙灰色：辣，冬陰公味帶酸；左下金橙色：辣，冬陰公味加椰奶（香D）；右下角綠色：唔辣，豬肉味
我就比較鐘意左下同上面，反正辣我都岩食！哈哈

老人上次鍾意飲呢支酒！我專登帶左四支返香港，感激我咧～哈哈！士多啤梨同LEMON同樣好飲

仲有都係老公ORDER既辣魷魚大包裝，30包,又浪費我D位

買完先唸。。。死啦！好重呀！點拎？？？？？？

一落樓見到TUKTUK ，帶COEY坐下，試完之後真係無下次，除非你鍾意吸塵啦！

返到酒店攰到傻左。。。好彩有榴槤安慰下我地！哈哈！好甜好好味唷！

食完出發去熱到爆既翟度翟，都係BTS MO CHIT落車，好簡單！

一去已經熱到我地呆左，連野都唔講，想保流水份！哈哈！
直至飲到佢。。。椰青, 一人一支！唔係真係熱死！

好想買小紅帽，但真係用不著。。。放棄了！

翟度翟必吃的烤肉包！超好味！

今次飲埋拉茶。。。。但我地唔欣賞！好甜！

我地買左一把小扇，岩哂一路行一口路涼

大路個邊有間賣餐巾，D花紋好靚！但用不著又無買！

經過見到都覺得熱既FOOR COURT

呢D就最岩我！好平架！好似160BTH

仲有呢D碟。。。好想買，但冷靜左就無買。。。

6:00PM 突然全部停低，又有歌聲，連車都停埋，我地兩個梗係唔敢唔跟啦！
原來係國歌，播完就回復原狀咧！公民意識好強,

見到有狗仔賣，都係BB，好可愛

話都無咁快我地就坐BTS 返酒店，沖涼換衫出發去做MASSAGE,
我地BOOK左ASIA HERB @ PHORM PHONG


上次做過既經驗，唔好做磨砂，唔多得！
所以做全身按摩＋藥草球就夠，兩個鍾1200BTH,抵丫！

呢度有D小藥草球可以當手信返去送朋友。。。

呢款細細用黎按臉既

終於有房咧！！！好開心呀！我地兩個辛苦左成日，終於可以輕鬆下！好爽呀！

條褲大到呢～～～笑餐死！人仲要唔識著, 要D姐姐幫我地添。。。哈哈！

今次好舒服，超爽！我仲即刻SEND WHTAPPS同BILLY講今次好過上次好多，堅舒服
我買左呢款可以用微波爐叮熱既藥球俾BILLY同媽咪，我知佢地真鍾意，
真係好舒服架！先400BTH一個，價錢都ok ya

做完都夜喇！坐的士返酒店，大約60BTH

按摩完好爽呀

成晚無食野。。。返酒店食杯麵！哈哈哈！

今日既戰利品。。。豐富豐富！

其實大部份都係買黎送俾家人同朋友！不過都買得好開心