曼谷 2012 ♥ Day 1【Novotel Bangkok Fenix Ploenchit 、水門海南雞飯(粉紅色)、Asiatique】

曼谷 2012 ♥ Day 1

23 June 2012 
一連四日既泰國行又完左, 今次好開心呢~ 因為係同朋友仔去玩, 你知啦 ! 有時去行街shopping有個男人係門口等個種感覺唔多好架嘛 ! 今次真係可以好放咁去狂買, 哈哈哈 唔使心掛掛門口有人等喇 !  

今次亦係我人生第一次miss飛機既一次, 我真係好鬼無用呀 ! 又搞到d時間咁忟水, 老公送我去坐車個時好輕輕咁拋低一句說話 :「你個人真係好鍾意踩鋼線, 係要搞到咁忟」 我仲好輕鬆咁話 : 「點會姐, 實有時間啦 ! 」點知就係呢幾句 ! 我抱憾, 因為我真係趕唔切飛機, 去到機場, 原來泰航係T2, 跑餐死, 已經趕唔到, 抵我死 ! 最後賠錢轉下班機, 我真係好豬 ! 下次唔訂咁早機 07:45 ! 不過知道趕唔到個下, 雖然有D DOWN, 但都起碼唔使再跑, 我即刻輕鬆左, 哈哈哈 

轉左下班12:45 我同高兒可以坐低休息下, 食個早餐先

呢位就係我好朋友高兒 辛苦你陪我跑喇 ! 

兩個傻更更未訓醒
睇下我地D行程先, 我每次出門都會做定D TRIP SCHEDULE, 方便帶出街

有成5個鍾時間, 當然要行一行先啦 ! 行到咁上下就買杯COFFEE坐低斗斗先

我地一早去到候機位置休息, 真係要訓陣 ! 好Q攰

下次坐返CX ! 因為唔使走咁遠, 又多D機位 ! 哈哈哈

我地架飛機呀 

完全攰爆 ! 我地一上機立即訓覺

第一次坐泰航, 幾好 ! 

飛機餐D飯好難食, 可以不吃

兩個半鍾後就到曼谷喇 ! 心情興奮 ! 

係機場先唱HK500, 但對3.8, 唔抵 ! 因為出面有得對4 , 因為要唱錢用黎買電話CARD, 身上人人有部SMART PHONE, 點可以唔買呢

我地用呢間dtac , 我地形容好似香港既3, 但上網都OK穩定




而且價錢算平, 因為旁邊有間青綠色電話公司, 好似HK既ONE2FREE咁, 但貴D, 要699B, 但呢間先要 399B 一星期無限任上, 仲加送100B 電話費(可致電HK), 所以呢間抵好多 ! 仲會幫你換埋SIM CARD 【IPHONE用戶記得帶支CARD針, 唔係就無得返HK立即換CARD喇 !】

WHTAPPS就要轉NO.




搞掂上網就立即出發去酒店! 我地今次坐SKY LINES, 去TO CITY方向

落到B1

見到呢個牌, KEEP GOING

會見到呢個牌, 就係坐呢架車喇 ! 我地坐90BTH個種不停站火車, 真係around 20mins到達BTS站 PHAYA THAI

我地就係坐呢架喇 !

 


岩岩好有車, 好快好乾淨

TICKET 【記得留起要飛, 因為出閘時會收返】

沿途可以欣賞景色

話咁快就到PHAYA THAI

一人一喼, 返黎就唔止架喇 !

最慘係要行樓梯 好彩好輕姐。。。

到達後轉BTS Phaya Thai → Phlone Chit (hotel)
但我中途去左CHIT LOM站既SUPER RICH換錢, 呢間對到4.03B 換完再返酒店

今次我地入住位於BTS Phlone Chit (EXIT 6 ) 既 Novotel Bangkok Fenix Ploenchit , 間房幾好, 新酒店, 但4星, 無上網的

房間算幾大

有SOFA位

放兩個喼都唔係問題

廁所夠光猛

用品為自家品牌 , 記得自己帶護髮素



有新鮮的花做陪襯

個view都好開揚

都無落去游過水添



CHECK完房之前出發喇 !
咩都未做第一時間去依下肚先

水門海南雞飯(粉紅色)  [opening hrs: 5:00-15:00 ; 17:00-3:00] 

上次黎過, 條路點行已經記入腦 BTS  CHIT LOM站, 往CENTRAL WORLD天橋方向行, 係CENTRAL WORLD天橋遠望會見到BIG C, 之後跟住條樓梯落, 行到遠望到既BIG C, 經過BIG C 門口再一直向前行, 再經過一條河, 再直行會見到間賣河粉店, 之後轉右後直行就會見到 水門海南雞飯(粉紅色)  ,一定係著粉紅色衫的
 

店內有MENU, 海南雞泰文叫『靠悶溪』

我地一人叫一碟飯 另加可樂, 因為熱到死, 唔飲唔得呀 !!!!
帶高兒來試, 好食, 但真係好熱, 我地食到流哂汗! 好過癮呢

兩個人加埋先80B, 姐係HKD20, 真係抵到不得了呢~

叫飯有湯送

粉紅色色海南雞

之後行下附近去返上次做FOOT MASSAGE既地方, 見到上次個間不過無入, 我地去左佢旁邊個間, 唸住試下, 點知都OK喎 ! 其實一入到去我想走。。。因為我見到人妖我真係無鬼用, 高兒話唔使驚啦 ! 試下囉 ! 哈哈哈哈 點知係佢試。。。但結論真係OK, 仲讚呢位「雕兄」好夠力


UMAPORN MASSAGE



環境都OK, 尚算乾淨




我地做1HR FOOT MASSAGE , 169B , 好抵呀 !!!!

高兒享受緊既「雕兄」  哈哈哈

我地兩個今朝跑太遠, 腳痛問題嚴重! 哈哈哈 按完舒服哂

原諒我發脹不少, 唔係少, 係多! 哈哈哈

仲有FREE WIFI 

THAI MASSAGE都係169B, 好抵, 不過無時間試

今日無行過咩地方, 決定按完腳就出發去全曼谷最大夜市
個陣已經係八點幾, 唔理咁多, 去左先算 ! 唔係就浪費哂D時間喇 !

沿返條路去BTS, 經過BIG C 門口見到有香蕉PANCAKE , 立即要食啦 ! 叫左份SHARE, 已經好滿足喇 ! 食到呢份PANCAKE我全日既累氣全消 , 呵呵

坐BTS到【Saphan Taksin】, 之後有架 Asiatique's service boat 接人客去夜市, 去到碼頭會見到呢支BANNER

等左陣就見到架BOAT



咁夜都咁多人陪我地去, 應該仲有地方行既

好快就到Asiatique 夜市 , 估唔到呢度仲有咁多人, 我地立即四出走動睇下有咩買先

係呢度行夜市好舒服, 有冷氣既, 好正 ! 地方大好多, 路好都行D, 如果有時間真係要早D到, 可惜我地真係無時間再黎

見到呢個小枕頭立即唸起朋友仔個囡, 呢間鋪全HAND MADE既, D PRODUCT 好靚, 我地好欣賞

真係咩都有, 我想買個咕o臣架 ! 可惜太細, 唔岩我

HANDMADE 小飾物

就係呢間喇 ! MADE 
我地兩個都買到D野

行正條街係買衫買鞋, 岩哂我地 最後買左D裙, 衫, 鞋都有D !

好攰我地要坐低醫下對腳 , 真係要斗斗, 同埋好口渴
呢邊都有FOOD COURT 是旦去一間

好多都係特式小店, 裝修好特別

高兒飲可樂, 而我就叫左杯lemon soda , 好正 ! 超解渴

同埋叫左個燒排骨

埋單都只係 217B

休息陣都已經十一點喇 ! 要快手D, 好多鋪都關門喇 
要幫細佬買TEE , 呢間D衫都幾好, 質地舒服, 而且款式多, 最重要夠大件, 有XL賣

做埋我地都已經關門

大部份鋪頭已經關門 , 我地唯有SAY BYEBYE喇 ! 行得兩個鍾真係唔夠呀

好大個藥草球呀 !!

行返去落船既地方, 唸住坐船返去, 點知。。。11:30PM尾船走左喇  

 

唯有行返出去坐的士啦 !
沿途經過D地方好靚, 日頭影相一定好靚呢~~~~~

再見喇 ! ASIATIQUE 

坐的士約150B , 好快就返到酒店

影D手信俾細佬睇下, 我就訓教喇 ! 我地兩個攰屎左, 真係咩都唔理,  明天再算