Honeymoon ♥ Bangkok Day 6【水門、central world、SIAM PARAGO】

Honeymoon ♥ Bangkok Day6    2012 - 3 - 19

快喇！就完喇！點解去七日咁多野寫，好似寫極都唔完，好懶

午安！ 用得午安可以證明我地有多早。。。哈哈！
因為自動放棄酒店早餐，決定自己搵食！

又係水門，呵呵！近呀嘛！又平又地道。。。呢間餐廳係尋晚食海南雞旁邊。。。
（姐係話你只要搵到我第一間食既桃紅色衫既海南雞，就自然搵到哂架喇）

呢個鹵水鵝個汁係帶甜，好入味！個汁真係夠哂歷史！有味道哈哈！正！
左下角就係我一直想食既泰國粉，好正！


中國格言。。。有意思！我鐘意！




我見我D朋友仔去曼谷都會同麥當奴叔叔影個相。。。我都唔執輸

之後行去central world，shopping 。。。尋晚係數SIAM PARAGO見到JIM THOMPSON
溫生知道貴野，「笑著口，拉我走」！
呵呵！我知四圍都有JIM THOMPSON，central world有埋JIM THOMPSON‘s Cafe添！勁！

就正正係Cafe旁邊，比利放我入去買喇！哈哈哈！
仲買埋手信俾媽咪 JIM THOMPSON係泰國高級絲綢店，D披肩真係好貴，一摸上手，點解咁滑咁軟
同埋好多袋都好靚，岩哂我地呢D新一代人妻，哈哈！
小袋子我都買左個 實用又似襯。

我的戰利品，個人認為袋係抵買既，around HKD400，披肩就要around HKD1000起
仲有小銀包，有化妝袋，做手信都抵！無記錯係大約HKD100起




又去最愛度休息下。。。

之後唔知行左去邊食呢間野，都係附近，但唔好食，一般，不介紹！

之後去左MANGO TANGO條街度按摩，又係差 無眼睇～幫我按既姐姐，邊按邊SMS加講電話想點先。。。

之後又行去SIAM PARAGO度行下，比利叫餓。
本來想食甜品，可惜比利要食飽既野＞＜



最後食日本海。。。好貴。。。傻仔！ 又完結一日