Honeymoon ♥ Bangkok Day 4【Grande Centre Point Ratchadamri Hotel、BIG C、水門海南雞飯】

Honeymoon ♥ Bangkok Day4    2012 - 3 -17

開心既時間過得特別快，要離開華欣出發去曼谷咧

同樣一早起床去食豐富既早餐，呵呵！晨咁早起床，要爭取同陽光玩遊戲既時間呀！

溫生溫太準備好出發lu。。。 今日星期六，好多人呢～無位，坐外面，環境不錯，不過好熱

食殘廢餐，由比利幫我拎早餐我就影下相whtapps下！哈哈 
一襯入面有位立即入返去，涼啲。食左咁多好野，我D老友脂肪又返黎喇！無壓力點都廋唔返

食飽就返房換衫，去海灘HEA多下先，成個人放鬆哂，合埋眼，聽住鳥聲、海浪聲，清爽既海風，
舒服到我訓著左，比利仲話我訓到叫都唔醒，咁真係好舒服丫嘛！咩原因叫醒老子先

哈哈哈！因為要去執野走佬喇。。。快快手執完去check out

BYEBYE ASARA  有緣再見。

1點我地同樣坐Hwa Ruenn Express & Trade Co. Ltd book 既van返Bangkok, around 2.5hrs，
今次係私家車接我地，我同樣上車覺豬，爽爆。。。一醒就到酒店

今次入住四面佛旁邊既 Grande Centre Point Ratchadamri Hotel ，入住有8成香港人，係酒店食早餐都係講「唔好意思」架！哈哈哈多到呢～

呢間酒店係比利揀架，因為我上次book左間勁細，佢住得好唔舒服，今次自己搵，
一定要間房夠大，今次俾佢恨到。。。間房真係好大，係apartment黎既  開心屎我地！

浴室通往房同廳，空間好大，好乾淨，浴室用具都係自家品牌。

有客及飯廳，個view一流！超開揚  好有home feel，老公今次做到野，真係要讚下佢先～哈哈

有open kitchen ，有洗衣機，連微波爐都有，什麼餐具用品全部齊 方便到極

check 完房一輪就出發搵食喇！我知附近係水門market，又有BIG C，大把地方行
沿途係central world 附近好多街邊檔，夠風味！好味燒雞串。。。

水門出名海南雞飯，慕名而來，呢間海南雞位置係「 沿BIG C方向，一直行，沿途經過一條橋，過橋後直行轉右就到」
個度D員工係著桃紅色既制服，只有一間呢隻色。
我學識泰文海南雞點講，叫「巧悶溪」。哈哈！我都係學識講先問到路咋！




就係呢間「巧悶溪」。。。搵左好耐呢

我記得好平，不過唔知幾錢。哈哈！我唸＄10左右啦～
主要係個汁好味，但我家母煮的海南雞同個汁已經100分，我同比利都有同樣感覺，還是媽媽做得更出色
不過一場黎到都要介紹下，呢間無冷氣，有點熱，但個汁酸酸辣辣配飯真的不錯

食飽我地去左行街，水門好多男仕TSHIRT／褲，岩哂我地呢D平民，哈哈！最緊要平、靚、正丫嘛！
行完一轉，對腳好攰，去按摩下先，都水門街好多按摩鋪頭，我地揀左呢間，做腳先 169BTH，抵！
我地係門口見到好多老外係度按，好奇試下，反正都係舒服下

無論係邊都FREE WIFI，實在太爽

講真真係堅舒服！安排到會返轉頭再按身。。。認住個橙色牌

聽聞泰國麥當奴有款粟米批，有人話好食，好奇心一試。。。。 好似罐頭粟米湯煮「傑」既感覺，我唔鍾意

再轉戰BIG C，好大好多野買，左邊既魷魚波係比利落order話要狂掃！聲稱香港無
但一買買左四十包，仲要係大包裝，搞到我執喼就辛苦囉～但最近俾我搵到香港有得買，可惜係細包 咁都俾佢有藉口！

掃完貨，又返水門食野，唸唔到食咩，又食海南雞，呢間係桃紅色前少少，都同樣好味！
（PS：多謝後面既香港人加泰國媽媽，又介紹我地食咩好，仲幫我地落埋單，THANK YOU）
後面哥哥仔介紹呢度既士多啤梨汁，好好飲！真係好正！！！

榴連唔當造，係泰國買左三次，三次都難食／唔食得，硬到呢～ 反而芒果好甜好多汁，好味道！

完成BANGKOK行程，返酒店休息 GOODNIGHT ！