Heehee... 大家好! 到呢一刻都仲係唔太識用新blog
因為都唔好用既, 又睇唔到d blogger update
真係好唔掂 希望快d改進到啦!!
上一篇講完我收到呢份大禮之後 就開開心心出發去澳門玩返個兩日一夜喇！
對上一次去澳門已經係影pre wedding 呵呵
所以好期待呢~
25/8/2011
坐船出發, B仔影到out哂, 你就知佢係想影後面位鬼妹啦! 不過都影到走哂位! 呵呵
今次我地入住金沙酒店 仲好好咁幫我地upgrade 左去seaview room 哈哈
好大呢~~ 不過俾多個廳我地都用唔著 浪費哂~~
原本打算去食葡國菜既, 不過四點又無理由咁早食dinner
所以都係去左十月初五街食個雞湯米喇 !
因為太耐無食又覺得好好味喎! hee
好好味既米粉
每次朋友們去澳門都必定介紹呢
之前B仔話網上D人講呢間榮輝執左!
好彩D人都係亂UP~~ 又無搬又無執!
不過收得好早架! 5:30PM就休息
食飽就返酒店HEA陣
因為8:00PM就去睇水舞間喇
好期待呀
遲左出門口, 真係好趕!
就快開始! 雖然之前已經聽人講過水舞間好一般野!
不過我就唔太認同喇! 今次用水多, 當然係睇跳水多啦
故事係有少少9唔搭8, 但係一下子無哂水真係好佩服
勁好奇想睇下下面D機關!哈哈
唔知點解有電單車睇,但都幾正丫! 我真係睇到哇哇聲!哈哈哈
表演者好CRAZY架~~ 成個人離開架車咁濟!!
睇到我鬼咁肉緊
都幾好睇
行經GALAXY, 參觀下就算喇!
好早就返左酒店
26/8/2011
早晨! 一早訓醒既我地好水腫呀! 好乖一早就退房 因為我要去食粥
11點前黎到都仲有得食好耐之前睇D
澳門旅遊書有介紹過講到好好食,所以好奇一試三元弼品
豬肉丸弼加蛋
D粥都幾好味, 不過我覺得太多肉, 可能豬肉又鞋鞋地啦!食到我好飽
哈哈 超大粒豬肉丸 睇下我個碗,真係仲有好多粒
B仔傻左,可能因為未食早餐
我都唔記得笑咩,可能笑佢低能啦!哈哈
其實原本打算尋日黎食架, 但點知個的士司機話9點幾就收鋪
叫我地唔好去喎! 點知信錯人喇!! 你睇....12點30分呀!!!仲要深夜><
之後去左舊蒲京入面樂宮餅店幫朋友買曲奇餅
沿途好多野(女)睇! 我真係睇到呆哂!
真係唔可以俾男士單身隻影行去舊蒲京呢度 會俾人溶左架!!!!
哈哈 講真,唔係朋友叫到話好好食,我真係唔覺呢間野有咩特別!
所以我自己都係無買到既
之後坐車去到GALAXY參觀一下
不過呢度比較平民化D!
岩哂我行!哈哈 一入去有表演睇
呢度都幾靚,唔知BANYAN TREE靚唔靚呢
不過三千幾住一晚我真係覺得好貴
所以都係唸下好喇!!!!
B仔自由,我自己去左STARBUCKS坐下
因為呢度有WIFI, 上下FACEBOOK, 不過幾HAPPY!哈哈
好難飲既ICE TEA
走個陣忍唔住要講聲：多謝哂
GALAXY好近官也街, 行過去就得喇!
悶左成朝,我終於有飯食喇！
好感覺我終於有餐正餐食！好開心
因為我食到好好味既炒蜆
仲有牛尾！超好味
係大利來附近的！都可以一試！唔錯架
食飽之後就行去買豬扒包做手信
上次攝影師帶我地去覺得好好味！
所以今次專登去買以為行去好近啦！
點知勁勁勁遠，可能上次係坐車，
今次係行路終於見到喜蓮！＄２１個豬扒包
搶錢咩！！！咁貴既！！！！
為左我屋企人都係買左！無下次
Ｂ仔無理由使完錢都仲咁開心既
真可愛！哈哈
買完手信就返香港喇！兩日一夜過得真快
今個生日好開心 因為可以同老公仔過二人世界
希望以後每個生日都係咁開心同埋有Ｂ仔係我身邊， 咁就夠喇！哈哈
留言
張貼留言