27/6/2011
終於寫到最後一日喇! heehee ... 講真未試過係台北行街行到咁crazy 到最後呢一刻大家仍然係keep住shopping狀態! 哈哈 好開心呢個行程有它陪我 B仔唔係度幫我影相,so miss u
大家執好行李就出發喇!! 先到酒店樓下既樂田麵包店食個早餐先 最搞笑買左個香橙三文治, 但估唔到又幾好食!
之後坐捷運到龍山寺站搵李錦利買八仙果 (係李錦利
唔係李錦記喔)
唔係李錦記喔)
之後再到李錦利對面既萬華區 --- 剝皮寮影下相 全部都係紅磚, 感覺好懷舊feel
現代與古舊時空交錯
如果b仔係度就好喇! 可以一齊影下相
剝皮寮其實係好似展覽館咁, 可惜我無睇清楚資料 原來星期一休館, 真係傻豬呀!!!! 無得入去,我地唯有係出面影下相啦!
影到比較近門口既牆
如果可以入去就好喇! 不過唔緊要啦! 下次先....
青春？腦漿？肉汁？ 我除左仲有少少青春之外, 不過我無腦, 但有肥肉!哈哈哈哈
艋舺~~~ 無緣
係咁宜影完一堆搞笑相之後就出發去度小月食lunch喇!!!
坐捷運到忠孝敦化 3號出口, 左轉入巷就見到~~
非常方便 唸唸下其實忠孝敦化好多好野食架! 每次都黎呢區搵食既
度小月 第一次食! 好好食呀!
樣樣都好食! 係陽明山食過既龍鬚菜呢度都有得食,
不過係冷盤 我一直以為度小月只係有名, 估唔到都有實既
大家都食到好滿足呀!
不過天氣太熱行去天仁茗茶嘆杯茶先
小欣子係後面太搶鏡喇! 哈哈哈
行程緊迫, 坐一陣就出發去佳德
係東區坐的士去南京東路約NT125左右, 唔貴架!
話咁快到左, 我好似導遊咁叫佢地勁買! 好似有水抽咁!
哈哈哈 不過我都係想大家買到好野!
雖然呢度貴D, 但最好食架
我要推翻之前講呢度既太陽餅唔好食! 係錯既
因為我隔左好多日先食唔新鮮咋!
今次買個陣係熱辣辣架!! 牛奶酥都好好味
除左原味鳳梨酥好食之外 , 我真係極推介蔓越莓酥,
姐係車厘子(放心唔會有假既藥味) 試過你就知架喇!!
打的返酒店放低D手信之後 仲有最後兩小時衝刺行埋西門町
先到成都楊桃冰 - 我地唔接受呢碗冰!!! 好難食呀
不過食返好味既甜甜圈補返數好掛住甜甜圈呀!!!
之後大家都瘋狂行街, 無影相, 不過我既力量已經無哂 加上我無哂銀蛋
(我真係得埋NT100係身咋!!!) 加上我對腳痛死左!!!
我去左專櫃問人借個位黎坐! 哈哈哈哈 (d sales姐姐好好人架, 仲同我傾計tim)
我體力透支先行返酒店整理行李 + call車去機場 等待姐妹們既出現, 內心真係非常恐懼佢地會遲左返黎 不過佢地買到遲左都係我預算之內 call定車係無錯架喇!!!
四個人加四個o急 , 要叫大D既的士 酒店CALL NT1400, 自己係出面叫NT900 (嘩!!! 差成NT500 酒店食水真深) 大家遲到既原因係.... 去埋7-11買野飲返香港! 仲要買勁多, 我都唔執輸用埋最後D錢 (加埋COINS) 買埋呢支LATTE 其實仲有好多好好飲, 不過好重呀!!
出發返香港
天氣真好 , 呢片天真係靚
再見喇! 台北~~~
桃園機場大裝修, 靚左好多呀! 遲下仲有埋捷運直達機場 (不過唔知幾時先起好呢)
讀書時既承諾，今天我地達到喇！哈哈
最開心既係B仔竟然黎接我機!
真係無唸過, 接到佢電話果下真係好冧架 哈哈哈
開心得濟連相都無影tim 不過我已經記入心喇~ LOVE U B仔
留言
張貼留言