24/6/2011
開心開心, 話咁快就有時間打blog喇 台北呢個地方我去到熟左 連旅遊書都唔帶喇!! 超超超重 地方雖然一樣, 係身邊既人每次都唔同 一樣有新鮮感 好開心今次可以同班朋友一齊去玩呀! 以前讀書個陣講, 講到呢加終於實現! 成行的一刻, 有說不出的感動 講真今次既行程真係好充實 每日9:00am出門 12:00am返酒店 日日如事 , 真係好可憐呀我雙腳, 行街行到痛左三日 好廢話不多說, 今次每日都影左好多相 哈哈 等我帶大家跳入台北啦 哈哈哈 (我學黃婉曼架)
今次坐中華機, 其實華航好好坐架!
今次又係加班機, 可以去停機坪上機
今次又係加班機, 可以去停機坪上機
o~~~ sunny day 陽光充沛
到達酒店都已經係1:30喇 !! 今次入住西門既 cityinn plus 四人家庭房 都算幾大架喇!!滿意滿意
酒店走廊既backdrop好靚呀!!!
房間很整齊 , 非常光猛
好！整裝好之後大家都準備出發喇！ 第一站原本plan左去 貓空坐纜車 , 點知20-28/6 年度維修 真係咁好彩既! 唯有改去陽明山啦! 我一直都想去竹子湖睇海芋 西門依舊繁榮
台灣開好多既星巴克, 可惜今次無入去坐低hea住飲
帶大家先到阿宗食麵線好耐無食喇!
再去mister donut , 食我最愛既普遍原味
食飽飽出發喇! 遊客們
坐捷運去到劍潭再轉公車去到陽明山總站再轉108小巴 不過一落車就非常大雨 我已經估到無得影相架喇!!!!! 打哂風咁款, 連竹子湖都望唔到呀! 連人影都無隻
太大雨既關係, 入左間餐館食飯 不過好有田園feel , 如果天氣好, 影相一定好靚姐
老闆娘好熱情咁招待我地呢度既雞湯好好飲架
每間餐館只得我地一檯客
雖然天氣差, 又咩都睇唔到 但有一碗暖暖既雞湯已經好幸福架喇!!!
天氣變得越來越差, 老闆娘話今日打颱風 叫我地快D返落去喇! 食飽飽就同陽明山說再見喇! 唯有等下次有陽光先黎啦 人影都無隻, 仲要勁大霧 + 大風 + 大雨 哈哈哈 真係唸起都好驚
誤打誤撞入左呢條巷點知有驚喜
見到平價既意大利雪糕 雪糕狂既我唔會放過呢度啦!! 先NT40一球, 雪糕香滑值得一試
食完雪糕見到對面有間食Pizza既 好抵食架!!!! 一客先NT130 姐係HK37左右 仲要係用木黎燒架, 好夠風味呢
我地四個人先叫一個PIZZA 老闆都好熱情招待我地 老闆收order後就即整喇
好期待我地既pizza 出爐呀
我無誇張架! 真係拉得出絲架, 真係用料十足呢 勁滿足呢~~~~~~
唔知咩+綠茶超好飲 , 好解喝呀!!!
牆上面d圖案好過癮呀!!!
I Pizza
地址 : 士林區中山北路5段505巷27號 (士林捷運站2號出口左轉)
非常之易搵呀 ! 快d一試呀
食飽飽好嘆呀!!!
門口
我搵到個俾我更傻大姐既朋友 ! 哈哈哈
黎到士林站當然少不了要逛一逛士林夜市啦!其實係劍潭站出先最岩架
呢加由尾行返上去 沿途不停買衫買衫買衫 好開心好開心~~~~ 可以瘋狂買衫 係女生團先做到~~~哈哈哈 (如果B仔係度實悶死佢都似)
YEAH! 最愛平貨! 呢個sales姐姐好好架, 第三晚我地又返去搵佢買衫
士林真係好好行 之前都係行出面邊邊, 入面今次無論大街小巷都唔放過 可惜落雨有d影響 行完就可以去掃下街 芝士薯蓉~~~~ o~~~ 好高卡路里呀! 不過一場黎到唔食對自己唔住! 哈哈 早已放開身段~~~話知佢再肥
我真係好鍾意飲台灣既愛玉 , 每次黎都必飲 3-4杯 香港個d唔好飲既, 假到屎
最後食左件好多人排隊, 但勁難食既豬肉包大蔥 真係勁勁勁勁難食, 係因為好似成斤蔥放左入口 等係又咬唔開 個種感覺難以形容, 成件放入口又咬唔開, 吐又吐唔到(因為無垃圾筒) 難受到死咁結束第一天既行程
返到酒店大家都立即刷牙 都洗唔走個種強烈既味道 下次唔好信d人排隊呀!! 鬼叫自己香港人心態 驚死執輸嘛 哈哈哈哈
留言
張貼留言