3/4/2011
3/4(Sun) Day4 - 11:36坐高鐡 → 13:36到台北 → 酒店check in → 永康牛肉→ 101拍照 →冰館→ 滿堂紅麻辣火鍋
起床後便到 5/F 享受一個充滿陽光朝氣既早餐
呢度有一個綠悠悠的花園, 帶出另一種寧靜的感覺
每天朝早, 廚師都會安排不同的早餐,
這款跟我前天食既有所不同
哈哈 第一次搭高鐡, 的確有點興奮
左營站 到 台北站, 約 2 小時, NT$1490一位
今次差一DD上唔到車,
高鐡唔會好似港鐡咁提醒乘客即將開車,
而係無任何提示下立即開走,
嘩! 我真係差D睇住架車開走~
幸好關門個下, 我個o急岩岩入黎切
好快就已經到達台北 今次入住既酒店亦係台北車站以為好方便,
點知................. 酒店所提示既捷運地下街路線係無電梯 / lift 的,
所以行左好多路先上到地面,
再問人先搵到呢間 CityInn III真係~~~~ 好難搵!!!!
我未住過台北車站附近既酒店 第一次,
相信亦係最後一次 因為實在太大,
地下街都有N咁多條, 行到你傻都未搵岩出口
房間新淨, 有窗, 夠光猛 幾好! (仲左太遠之外)
第一站 : 永康牛肉麵
B仔本身唔鍾意食呢D麵,
不過都打算一試, 哈哈
幸好佢都覺得好味~ 貪心的,
叫多左, 一碗麵兩份食~
就最岩 清湯 / 紅燒牛肉都有,
不過此麵館較油 及 濃味 哈哈 一試無妨
永康牛肉麵分店
地址 台北市大安路一段75巷9號1樓 (捷運忠孝敦化站 Exit 8)
食飽飽後女生們可以過天仁茗茶旁邊有間專賣化妝品鋪 非常多野買,
買到忘記影相, 真係好多日本 / 韓國好用的, 都有賣!!
上網搵到間野叫咩名lu~~ 女生們可以逛逛
佳莉地址：台北市忠孝東路四段97 號頂好名店城一F之7
戰鬥完一輪後, 可以去旁邊既天仁茗茶飲杯真正既珍珠奶綠/奶茶
本人比較愛飲奶綠 
可惜珍珠剛賣哂, 試飲什麼綠枺茶拿鐡
怪名!!
怪名!!
味道一般都係飲奶綠正常!!
天仁茗茶 (忠孝店)
台北市忠孝東路3段174號
接著趕去101影相, 因為就快入黑, 而且又落雨
上次同B仔黎台北無影, 我講過今次一定要影到
那裡有LOVE, 都希望碰碰它
影完相, 就帶B仔到最前好出名既冰館食冰 位於永康街,
正正係鼎泰豐後面街 司機講我地知,
原來之前冰館個名有問題 (可能同人撞啦~)
所以呢加改左名叫 - 永康15 我都係第一次係台灣食冰呢~~ 綜
合水果冰 芒果唔係當季, 所以用JELLY代替
永康15 (前名冰館) 台北市永康街15號
食完成個人都好凍! 又著唔夠衫
台北一D都唔熱, 仲好凍呢~~~~~ 哈哈
所以今晚約左Bobo同男朋友家姐等一齊食麻辣火鍋
滿堂紅, 上次xmas full booking 今次試過喇~~
又係任食既, 之後又有haagen dazs任食 哈哈 食到變肥妹既一晚
「滿堂紅」
台北市大安區仁愛路4段228號之4 (忠孝敦化站exit 6)
晚飯後, 跟大家一齊到台北夜店, O~ 叫做見識過 可惜我唔鍾意呢D夜店
留言
張貼留言